فوتو: qazdauiri.kz
مينيسترلىكتىڭ تاراتقان اقپاراتىنا سۇيەنسەك, الاياقتار ونلاين ويىندار مەن مەسسەندجەرلەردى (اسىرەسە Telegram) پايدالانىپ, بالالاردى الداپ, اتا-انالاردىڭ بانك كارتالارىنىڭ دەرەكتەرىن قولعا تۇسىرۋگە نەمەسە كامەلەتكە تولماعانداردى زاڭسىز قارجىلىق ارەكەتتەرگە تارتۋعا تىرىسادى.
بالالارعا ويىن ارقىلى ۇتىس ۇتىپ الۋعا نەمەسە «وڭاي اقشا تابۋعا» بولادى دەپ سەندىرىپ: بانك كارتالارىنىڭ سۋرەتىن CVV-كودىمەن بىرگە سۇراتادى; كارتالارىن «جالعا بەرۋدى» ۇسىنادى; دوستارى مەن سىنىپتاستارىنىڭ كارتالارىن جيناۋدى سۇرايدى. بۇل ارەكەتتەردىڭ سالدارى وتە اۋىر بولۋى مۇمكىن زاڭ الدىندا جاۋاپقا تارتۋ قاۋپى بار جانە بالانىڭ پسيحيكاسىنا, ومىرگە دەگەن سەنىمىنە زيان كەلتىرەدى.
بالالاردىڭ قۇقىقتارىن قورعاۋ كوميتەتى ماسەلەگە قاراي اتا-انالارعا تومەندەگىدەي كەڭەس بەردى:
- بالامەن اشىق سويلەسىپ, الاياقتىڭ كىم ەكەنىن جانە نەگە بانك كارتاسىنىڭ دەرەكتەرىن ەشكىمگە بەرۋگە بولمايتىنىن ءتۇسىندىرىڭىز;
- قاۋىپتى ارنالارعا جول بەرمەس ءۇشىن اتا-انا باقىلاۋىن ورناتىڭىز;
- بالاڭىز ينتەرنەتتە كىممەن, نە جايلى سويلەسىپ جۇرگەنىنەن حاباردار بولىڭىز.
- كۇماندى ارەكەتتەردى بايقاساڭىز, بىردەن قۇقىق قورعاۋ ورگاندارىنا نەمەسە 111 بايلانىس ورتالىعىنا حابارلاسىڭىز.
