جاتتىعۋ بارىسىندا جانكەشتىلىكپەن تەر توگەتىن ساڭلاق تاياۋدا اقش اسىپ, جاھاننىڭ كىل مىقتى سپورتشىلارىمەن بىرگە وقۋ-جاتتىعۋ جيىنىن وتكىزدى. كولورادو شتاتىنداعى دەنۆەر قالاسىندا ورنالاسقان وليمپيادالىق بازادا ۇيىمداستىرىلعان وقۋ-جاتتىعۋ جيىنىندا كلاسسيكالىق كۇرەس شەبەرلەرىمەن تاجىريبە الماسقان وعلان حالىقارالىق وقۋ-جاتتىعۋ جيىنىنىڭ پايداسى زور بولعانىنا سەنىمدى.
ء«ۇش اپتاعا سوزىلعان جيىن بارىسىندا ەكى كەزەڭدە شاما-شارقىمىزدى بايقاپ كوردىك. مۇندا تورتكۇل دۇنيەنىڭ جۇزدەن استام مىقتىسى فيزيكالىق دايىندىعىن پىسىقتاپ, ءوز مۇمكىندىگىن زەردەلەدى. تاجىريبە الماسۋعا كەلگەن سايىپقىرانداردىڭ قاتارىندا سارى قۇرلىق پەن كارى قۇرلىقتىڭ كىل مىقتىلارى, وليمپيادا, الەم چەمپيوندارى دا بولدى. ولارمەن بىرگە جاتتىعۋدىڭ ءجونى بولەك», دەيدى ول.
ەستۋ قابىلەتى زاقىمدانعان سپورتشىلار اراسىندا بايراقتى باسەكەلەردە ەل نامىسىن ابىرويمەن قورعاپ جۇرگەن نۇرجان شارتاراپتىڭ كىل مىقتىلارى باس قوسقان جيىندا كاسىبي شەبەرلىگىن شىڭداپ قانا قويماي, وزىنە قاجەتتى دۇنيەلەردى كوكەيگە تۇيگەنىنە تالاس جوق.
«مىقتىلارمەن جاتتىققان سايىن شەبەرلىگىڭ شىڭدالا تۇسەدى. وقۋ-جاتتىعۋ جيىنىن ۇيىمداستىرعان ازاماتتارعا, باپكەرلەرگە العىستان باسقا ايتارىم جوق. باستى ماقساتىمىز – ءىرى جارىستاردا اتوي سالىپ, سەنىم ارتىپ وتىرعان بارشا قاۋىمدى, جانكۇيەرلەردى قۋانتۋ. قولدان كەلگەنشە كوك بايراقتى بيىكتە جەلبىرەتۋگە كۇش سالامىز», دەيدى سپورتشى.
نۇرجان برازيلياداعى سۋردليمپيالىق ويىنداردان بولەك, 2023 جىلى بىشكەكتە وتكەن الەم چەمپيوناتىندا توپ جارعان. سونىمەن قاتار ازيا ويىندارىندا دا جەڭىستىڭ بيىك تۇعىرىنان كورىنىپ, بىرنەشە حالىقارالىق تۋرنيردە جۇلدەگەر اتانعان. الداعى ۋاقىتتا سۋردليمپيادا ويىندارىندا توپ جارۋعا نيەتتى.
جامبىل وبلىسى
