قوستانايدا جاڭا بالاباقشا اشىلدى

قوستاناي. 03 تامىز. قوستانايدا «بيزنەستىڭ جول كارتاسى--2020» باعدارلاماسى شەڭبەرىندە جاڭادان بالاباقشا اشىلدى. بۇل جونىندە alau.kz سايتىنا سىلتەمە جاساعان egemen.kz ءتىلشىسى حابارلادى. كاسىپكەر يرينا سادۋاقاسوۆا 2010 جىلى ءوزىنىڭ بيزنەسىن بالالارعا ارنالعان شاعىن ستۋديادان باستادى. ونى بالاباقشا ەتىپ ۇلكەيتۋ ءۇشىن ول «دامۋ» قورىنان كومەك سۇرادى, ءسويتىپ «بيزنەستىڭ جول كارتاسى-2020» باعدارلاماسىنىڭ قاتىسۋشىسى بولىپ شىعا كەلدى. بالاباقشانىڭ جۇمىسىن باستاعانىنا شامالى ۋاقىت بولدى. قازىر 100 ورىندى ورتالىق 70 بالامەن قامتىلىپ وتىر. بالاباقشا مەڭگەرۋشىسى يرينا سادۋاقاسوۆا: «ءبىز سبەربانكتەن سۋبسيديا جانە نەسيەگە كەپىل الدىق. سونىمەن ءوزىمىزدىڭ جەكە مەنشىك عيماراتىمىزدى الۋدىڭ ءساتى ءتۇستى جانە تاعى دا ەكى ماماندى جۇمىسقا قابىلدادىم. قازىر ءبىزدىڭ بالاباقشا اشىلدى, وندا كوممەرتسيالىق توبىمىز دا بار. بۇلدىرشىندەرگە بارلىق جاعداي جاسالعان», – دەدى. بالاباقشا قالالىق ءبىلىم بولىمىنە «بالاپان» باعدارلاماسى بويىنشا رەسپۋبليكالىق بيۋدجەتتەن بەرىلگەن مەملەكەتتىك تاپسىرىسقا سۇرانىس بەردى. ەگەر ول قارجىلاندىرىلسا, بالاباقشا بيۋدجەتتىك باعدارلاما بويىنشا بۇلدىرشىندەردى قابىلداي باستايدى. كاسىپكەردىڭ نەسيە الۋعا قارجىسى جەتپەگەندە «دامۋ» قورى وعان 9 ميلليون تەڭگە كەپىل بەردى. بۇل كومەك قالادا تاعى ءبىر بالاباقشانىڭ جۇمىس ىستەۋىنە مۇمكىندىك بەردى. ال بۇل قالادا بالا باقشا كەزەگىنە تۇرعاندار سانىن ءسال دە بولسا قىسقارتۋعا سەبەپ بولارى ءسوزسىز. ءنازيرا جارىمبەتوۆا. دەرەك, سۋرەت: egemen.kz.