قارجى مينيسترلىگى قولعا العان مەملەكەتتىك ورگاننىڭ تسيفرلىق بەيىنى – تسيفرلى ترانسفورماتسيانىڭ ماڭىزدى قۇرالدارىنىڭ ءبىرى. بۇل قىزمەتتى جان-جاقتى تالداۋعا جانە ۆەدومستۆولار جۇمىسىنىڭ تيىمدىلىگىن باعالاۋعا مۇمكىندىك بەرەدى.
تسيفرلى بەيىن – تسيفرلى دامۋ دەڭگەيىن جانە مەملەكەتتىك ورگاندار قىزمەتىنىڭ ناتيجەلەرىن كورسەتەتىن وزەكتى دەرەكتەردىڭ جيىنتىعى. ول اشىق اقپارات كوزدەرىنە نەگىزدەلگەن. مىسالى:
• تيىمدىلىكتىڭ نەگىزگى كورسەتكىشتەرى (KPI), دامۋ ستراتەگيالارى مەن جوسپارلارى;
• بيۋدجەتتى جوسپارلاۋ مەن ورىنداۋ تۋرالى دەرەكتەر;
• جوسپارلانعان جانە جۇزەگە اسىرىلعان مەملەكەتتىك ساتىپ الۋلار تۋرالى اقپارات;
• باسقا قۇرىلىمدىق تسيفرلى دەرەكتەر.
جاساندى ينتەللەكتتى پايدالانۋ ارقىلى قالىپتاستىرىلاتىن بارلىق بولجامدىق دەرەكتەر ەكونوميكا شىندىعىنا جانە بيۋدجەتتىك ساياسات تالاپتارىنا سايكەستىگىن قامتاماسىز ەتۋ ءۇشىن مامانداردىڭ قاتىسۋىمەن تەكسەرۋدەن ءوتۋى ءتيىس.
تسيفرلى بەيىندى ەنگىزۋدىڭ ءبىرىنشى كەزەڭىندە قىزمەتتىڭ ماقساتتارى مەن ناتيجەلەرىن تسيفرلاندىرۋ مۇمكىن بولىپ, بۇل تيىمدىلىكتى تسيفرلار ارقىلى تالداۋعا جانە ءالسىز جاقتارىن انىقتاۋعا جول اشتى. بۇل اشىقتىقتى ارتتىرۋعا جانە باسقارۋ پروتسەستەرىن وڭتايلاندىرۋعا نەگىز بولدى.
مەملەكەتتىك ورگانداردىڭ تسيفرلى بەيىنى شەشىم قابىلداۋدىڭ جەدەلدىگىن, باسقارۋدىڭ اشىقتىعىن جانە بيۋدجەتتى جوسپارلاۋدىڭ ناتيجەلىگىن ارتتىرۋدىڭ ءتيىمدى قۇرالى رەتىندە ءوزىن كورسەتتى. اتالعان ءتاسىلدى ەنگىزۋ بەلگىلى ءبىر سىن-قاتەرلەرگە نەعۇرلىم ءدال ارەكەت ەتىپ, مەملەكەتتىك باسقارۋ پروتسەستەرىن جاقسارتۋ مەن ازاماتتاردىڭ مەملەكەتتىك ينستيتۋتتارعا دەگەن سەنىمىن نىعايتۋعا وڭ اسەر ەتەدى.
