سۋرەت: gov.kz
جالپى, ارناۋلى الەۋمەتتىك تولەم تاعايىنداۋعا ۇزىن-سانى 1957 ادام ءوتىنىش ءبىلدىرىپتى. رەسپۋبليكالىق بيۋدجەتتەن, بىرىڭعاي جيناقتاۋشى زەينەتاقى قورى ەسەبىنەن تولەنەتىن ارناۋلى الەۋمەتتىك تولەمگە 128 ادام جۇگىنگەن. ونىڭ ىشىندە 127 ازاماتقا ارناۋلى الەۋمەتتىك تولەم تاعايىندالعان. ءتورت قارجىلاندىرۋ كوزىنەن بەرىلەتىن ارناۋلى الەۋمەتتىك تولەمگە 1829 ادام ءوتىنىش ءبىلدىرىپ, ونىڭ 1813-ىنە تولەم تاعايىندالعان. بۇل رەتتە قارجىلاندىرۋ رەسپۋبليكالىق بيۋدجەت, بىرىڭعاي جيناقتاۋشى زەينەتاقى قورىنان بولەك, جۇمىس بەرۋشىلەردەن, ءومىردى ساقتاندىرۋ ۇيىمدارىنىڭ ەسەبىنەن جۇرگىزىلگەن. مىندەتتى شارتقا سايكەس كەلمەۋىنە بايلانىستى ءبىر ءوتىنىش بەرۋشىگە ارناۋلى الەۋمەتتىك تولەم تاعايىنداۋدان باس تارتىلعان. 16 ازاماتتىڭ ءوتىنىشى ءالى دە قاراۋ ساتىسىندا. 74 ازامات ساقتاندىرۋ كومپانياسىمەن زەينەتكەرلىك الدىنداعى اننۋيتەت شارتىنىڭ جاسالۋىن كۇتىپ وتىر.
وڭىرلەر بولىنىسىندە ارناۋلى الەۋمەتتىك تولەمگە ءوتىنىش بىلدىرگەندەر قاراعاندىدا كوپ. وندا 2 كوزدەن – 17, 4 كوزدەن 217 ادام ءوتىنىش قالدىرعان. شىعىس قازاقستاندا 2 كوزدەن – 16, 4 كوزدەن 180 ادامنىڭ, قوستانايدا 2 كوزدەن – 2, 4 كوزدەن 180 ادامنىڭ ءوتىنىشى قابىلدانعان.
