اتاقتى مايكل دجەكسوننىڭ قولعابى اۋكتسيوندا 64,8 مىڭ دوللارعا باعالاندى

استانا. 1 تامىز. اتاقتى پوپ-ءانشىسى, مارقۇم مايكل دجەكسوننىڭ ونەر كورسەتكەن كەزدەرى ساحناعا كيىپ جۇرگەن اق قولعابى اۋكتسيوندا 64,8 مىڭ دوللارعا ساتىلدى. بۇل تۋرالى ras.kz حابارلادى. ونلاين-اۋكتسيون سيپاتىندا وتكەن شارانى اقش-تىڭ لوس-اندجەلەس قالاسىنداعى نەيت ساندەرس اۋكتسيون ءۇيى جۇرگىزگەن. ونىڭ ستارتتىق باعامى 20 مىڭ دوللاردان باستالعان. ازىرگە جەڭىمپازدىڭ ەسىمى ايتىلماي وتىر. الايدا, اۋكتسيون كەزىندە ساتىپ الۋشىلار 8 رەت باعا ۇسىنىسىن قويعان. ايتا كەتەيىك, مايكل دجەكسون وڭ قولىنا اق قولعاپ كيىپ, ساحناعا ءبىرىنشى رەت 1983 جىلى شىقتى. كەيىن, 1999 جىلى سۇحبات الۋ كەزىندە جۋرناليستەر ودان نەگە قولعاپتىڭ بىرەۋ ەكەنىن سۇراعاندا, ول: «نەگە بىرەۋ دەيسىز بە؟ سەبەبى, بىرەۋ دەگەن ەكەۋگە قاراعاندا, ەرەكشە كورىنەدى عوي», – دەپ جاۋاپ بەرگەن. 1984 جىلى دجەكسون قولعابىنا ءوزىنىڭ تاپسىرىسى بويىنشا كوپتەگەن پولوتنو سالدىرعان. ال كەيبىر قولعاپتارىن ناعىز ونەر تۋىندىسىنا اينالعان سۋرەتشى پول بەداردقا سىيعا تارتقان. مۋزىكا الەمى تاريحىنداعى ەڭ جارقىن جۇلدىزداردىڭ ءبىرى بولعان مايكل دجەكسون 2009 جىلعى 25 ماۋسىمدا 51 جاسىندا ومىردەن ءوتتى. ونىڭ Thriller دەگەن البومى بارلىق ۋاقىتتار مەن حالىقتار اراسىندا ەڭ كوپ ساتىلعان كۇيتاباق رەتىندە گيننەستىڭ رەكوردتار كىتابىنا تىركەلدى. تالعات رايىمبەك. دەرەك, سۋرەت: ras.kz.