11 قاباتتى تۇرعىن ءۇيدىڭ قۇرىلىسى 2023 جىلى باستالعان بولاتىن. ازىرگە اياقتالار ءتۇرى كورىنبەيدى. سارىارقا شاعىن اۋدانىندا ا جانە ب پوزيتسيالارىنداعى ەكى تۇرعىن ءۇيدىڭ قۇرىلىسى 2021 جىلى باستالعان. پايدالانۋعا بەرىلۋ مەرزىمى – بيىلعى جىل. مەردىگەر ۇيىمنىڭ وكىلدەرى ءبىرىنشى پوزيتسياداعى كوپ قاباتتى تۇرعىن ءۇيدىڭ قۇرىلىس جۇمىستارىنىڭ كەشىگۋى جۇمىس كۇشىنىڭ جەتپەۋىنە بايلانىستى دەپ تۇسىندىرەدى. قازىرگى تاڭدا قۇرىلىس جۇمىستارىنىڭ 60 پايىزى عانا ورىندالعان. ەكىنشى تۇرعىن ۇيدەگى قولبايلاۋ سىرتقى ينجەنەرلىك جەلىلەردىڭ جوقتىعى. قۇرىلىس ماتەريالدارىن جەتكىزۋگە بايلانىستى دا بىرقاتار ماسەلەلەر تۋىنداپ وتىر. وسى ەكى ساقالدى قۇرىلىستىڭ سالماعى ەلگە تۇسپەي, ۋاقىتىندا تىڭعىلىقتى اياقتالسا, جۇزدەن استام قالا تۇرعىنى ارزان باسپانا الىپ, قونىس تويىن تويلار ەدى.
قالا اكىمى ءانۋار كۇمپەكەەۆتىڭ مالىمدەۋىنشە, سارىارقا شاعىن اۋدانىندا بىرقاتار كۇردەلى نىساندار بار. تۇعىن ۇيلەردىڭ جۇمىسىنىڭ قوجىراۋى مەردىگەر ۇيىمداردىڭ ءوزارا ۇيلەسىمدى جۇمىس ىستەمەۋىنەن كورىنەدى. ءارى جوبا قۇجاتتارى دا تولىق ەمەس. ينجەنەرلىك كوممۋنيكاتسيالاردىڭ بولماۋى جۇمىس قارقىنىنا اسەر ەتۋدە.
كوكشەتاۋ.
