ورتاق مۇددە مەن كوزقاراس, تاتۋلىق پەن تولەرانتتىلىق جولىندا ۇزاق جىلعى جيناقتالعان تاجىريبە مەن جانقيارلىق ەڭبەك بولاشاقتا دا العا قويعان ماقساتتارعا جەتكىزەرىنە سەنىم مول. پرەزيدەنت ايتقانداي, بۇل جولدا كۇن سايىن كوزگە كورىنبەيتىن, بىردەن ناتيجە بەرمەيتىن, الايدا ۇزاقمەرزىمدى, ستراتەگيالىق تۇرعىدان ءتيىمدى, اۋقىمدى جۇمىس جۇرگىزىپ جاتقان قحا مۇشەلەرىنە ۇلكەن جاۋاپكەرشىلىك ارتىلادى. ولاردىڭ بىرقاتارىن مەملەكەت باسشىسى اسسامبلەيا سەسسياسىندا ارنايى ماراپاتتاعانى بەلگىلى.
«جاقسى ءسوز – جارىم ىرىس» دەگەندەي, ۇلىستى ۇيىستىرار ەتنوسارالىق كوپىر مىندەتىن اتقارىپ كەلە جاتقان قازاقستان حالقى اسسامبلەياسىنىڭ ىلكىمدى ىستەرىنە قاتىستى ايتىلىپ جاتقان ىزگى تىلەك كوپ.
