باسقارما باسشىسىنىڭ مالىمەتىنشە, بۇگىنگى تاڭدا وبلىسقا 2,2 ميلليون دوزا بيوپرەپارات جەتكىزىلگەن. بۇل جالپى كولەمنىڭ 46%-ىن قۇرايدى. وڭىردە الدىن الۋ ماقساتىندا جالپى سانى 539 مىڭنان استام ۆەتەريناريالىق ءىس-شارالار اتقارىلدى. اتاپ ايتقاندا, ءىرى قارا مالعا ءسىبىر جاراسى, اۋسىل جانە باسقا دا جۇقپالى اۋرۋلارعا قارسى ەكپەلەر ەگىلدى. سونىمەن قاتار, يتتەر اراسىندا قۇتىرما, ال جىرتقىش جانۋارلار اراسىندا ەحينوكوككوز اۋرۋىنىڭ الدىن الۋ جۇمىستارى جۇرگىزىلىپ جاتىر.
– ۆەتەريناريالىق قىزمەت – ازىق-ت ۇلىك قاۋىپسىزدىگىنىڭ نەگىزى. ءتورت ت ۇلىكتىڭ ساۋلىعى ەت, ءسۇت جانە باسقا دا ونىمدەردىڭ ساپاسىنا تىكەلەي اسەر ەتەدى. وڭىردە جالپى 11 كوممۋنالدىق مەملەكەتتىك كاسىپورىن جۇمىس ىستەيدى. ولار 99 ۆەتەرينارلىق پۋنكتى بىرىكتىرەدى. بۇل پۋنكتتەردە 475 مامان ەڭبەك ەتىپ ءجۇر. اعىمداعى جىلدىڭ ءبىرىنشى توقسانىندا ولار 60 مىڭنان استام مەملەكەتتىك قىزمەت كورسەتتى. بارلىق قۇجات اينالىمى «ەاسۋ», «يسج» اقپاراتتىق جۇيەلەرى مەن «VET-MOBILE» موبيلدىك قوسىمشاسى ارقىلى ەلەكتروندىق فورماتتا جۇزەگە اسىرىلادى, – دەيدى باسقارما باسشىسى ەرتاي باتحولدين.
بۇدان بولەك, وڭىردە اۋىل شارۋاشىلىعى جانۋارلارىن سايكەستەندىرۋ جۇمىستارى دا جالعاسىپ جاتىر. بۇگىنگى تاڭدا جىلدىق جوسپاردىڭ 20,8%-ى ورىندالىپ, 100 مىڭنان استام جانۋار تىركەۋدەن ءوتتى. بۇل شارالار مال باسىن جانە بارلىق ۆەتەرينارلىق راسىمدەردى ءتيىمدى باقىلاۋعا مۇمكىندىك بەرەدى.
شىعىس قازاقستان وبلىسى
