قازاقستاندىق ارميا قۇراماسى

تمد ەلدەرى اراسىندا وتكەن العاشقى اسكەري-سپورت ويىندارىندا ءۇشىنشى ورىندى جەڭىپ الدى ماسكەۋدە ءوتىپ جاتقان تمد ەلدەرى اراسىنداعى ءبىرىنشى اسكەري-سپورت ويىندارى ءوز مارەسىنە جەتتى. قازاقستان ارمياسىنىڭ قۇراما كومانداسى جارىستا ءۇشىنشى ورىندى يەلەندى. ءبىزدىڭ اسكەريلەر بارلىعى 47 مەدالعا, اتاپ ايتساق, 7 التىن, 16 كۇمىس جانە 24 قولا جەڭىپ الىپ, قىرعىزستان, تاجىكستان جانە ارمەنيا سپورتشىلارىن ارتتا قالدىردى. العاشقى اسكەري-سپورت ويىندارىندا قازاقستاننىڭ اتىنان قورعانىس مينيسترلىگى ارميانىڭ ورتالىق سپورت كلۋبىنىڭ اتاقتى اسكەري سپورتشىلارى شىقتى. سۋدا ءجۇزۋ, دزيۋدو, قويان-قولتىق كۇرەس, گىر سپورتى, وفيتسەرلىك ءۇشسايىس جانە شتاتتىق قارۋدان وق اتۋ بويىنشا سايىسقا تۇسكەن ءبىزدىڭ ساربازدار جۇلدەلى ورىنداردى جەڭىپ الدى. جارىسقا التى ەلدەن بارلىعى 300-دەن استام اسكەري قىزمەتشى قاتىستى. ءبىرىنشى ورىندى رەسەيدىڭ اتلەتتەرى, ال ەكىنشى ورىندى – بەلورۋسسيا ارمياسىنىڭ قۇراماسى جەڭىپ الدى. 1 تامىز كۇنى حالىقارالىق ارميالىق ويىندار باس-تالاتىنىن ايتا كەتكەن ءجون. قازاقستان وسى اۋقىمدى شارا اياسىندا ءۇش ءتۇرلى سايىسقا قاتىسادى. اتاپ ايتقاندا, ولار «تانك بياتلونى», «اۆيادارتس» جانە «كاسپي تەڭىزى» (تەڭىز بياتلونى). اعىمداعى جىلدىڭ 1-15 تامىزى ارالىعىندا ءبىزدىڭ 20 تانكىشى ماسكەۋ وبلىسىنا قاراستى «الابينو» پوليگونىندا وتەتىن 13 مەملەكەت وكىلدەرىمەن بىرگە شەبەرلىكتەرىن سىنايدى. ءدال وسى ۋاقىتتا ريازان, سىزران جانە ليپەتسك قالالارىنىڭ اۋە ايلاقتارىندا ميگ-29, سۋ-25, سۋ-27 جانە مي-8 قازاقستاندىق ۇشۋ ەكيپاجدارىنىڭ قاتىسۋىمەن «اۆيادارتس» ورىستەتىلەدى. ال رەسەيدىڭ كاسپيدەگى اكۆاتوريالارىندا بۇل ساتتە «سارىارقا» جانە «ورال» زىمىراندى-ارتيللەريالىق كەمەلەرىندە قازاقستان قارۋلى كۇشتەرى اسكەري-تەڭىز كۇشتەرىنىڭ اسكەري تەڭىزشىلەرى مەن «باتىس» وڭىرلىك قولباسشىلىعىنىڭ تەڭىز جاياۋ اسكەرلەرىنەن قۇرالعان بريگاداسى تەڭىز بياتلونىنىڭ جۇلدەلى ورىندارى ءۇشىن سايىسقا تۇسەتىن بولادى. «ەگەمەن-اقپارات».