قازاق جىگىتى اعىلشىن فيلمىنە تۇسەدى

الماتىلىق ديماش ادىلەت ۇلىبريتانيادان Instagram الەۋمەتتىك جەلىسى تۋرالى دەرەكتى فيلمگە تۇسۋگە شاقىرتۋ الدى. فيلمدە جەلى ارقىلى تانىمال بولعان ادامدار جايلى باياندالادى. ديماش Instagram-عا وسىدان ءۇش جىل بۇرىن تىركەلگەن. باستاپقىدا كۇندەلىكتى سۋرەت­­تەرىن جۇكتەپ, ومىرىندەگى قىزىق­تار مەن العان اسەرلەرىن ورتاعا سالىپ وتىرعان. ۋاقىت وتكەن سايىن جازىلۋشىلارى كوبەيىپ, تانىمالدىعى ارتا تۇسەدى. «تانىمال بولۋدى مۇلدەم ويلاعان جوقپىن. «كوپپەن كورگەن – ۇلى توي» دەمەكشى, ەلمەن بىرگە تىركەلدىم. ال پاراق­شاما جازىلۋشىلاردىڭ سانى ارتقان كەزدە جەلىنى مۇلدەم باسقا ماقساتتاردا پايدالانۋعا بولاتىنىن ءتۇسىنىپ, بەلسەندىلىك تانىتتىم. اتاپ ايتقاندا, جارتى جىل بۇرىن جازبالارىمنىڭ فورماتىن وزگەرتتىم. ەندى تەك سۋرەتتەر عانا ەمەس, ءارتۇرلى تا­قىرىپتا شاعىن اڭگىمەلەر جا­زىپ, جاريالاي باستادىم. ءنا­تيجەسىندە, وقىرماندارىمنىڭ سانى بۇرىنعىدان دا ەسەلەنە ءتۇستى», – دەيدى ديماش. بۇگىندە ول شۆەيتساريادا ءبىلىم الىپ ءجۇر. سوندىقتان وعان جازىلۋشىلاردىڭ قاتارىندا اعىلشىنتىلدىلەر وتە كوپ. سونى ەسكەرىپ ءوزى دە جازبالارىن ورىس جانە اعىلشىن تىلدەرىندە جاريا­لايدى. قازاق جاستارىنىڭ ەشكىمنەن كەم ەمەس ەكەنىن دالەلدەگىسى كەلەتىن ديماش قاتارلاستارىنىڭ رۋحى اسقاق, نامىسى بيىك جانە ءبىلىمدى بولعانىن قالايدى. ەلامان قوڭىر, «ەگەمەن قازاقستان».