ادەبي كەشكە جينالعاندار الدىندا وبلىستىق قوعامدىق دامۋ باسقارماسى باسشىسىنىڭ ورىنباسارى ارتۋر قامباروۆ قالامگەرگە وبلىس اكىمىنىڭ قۇتتىقتاۋىن تابىس ەتتى. وبلىستىق كىتاپحانا ديرەكتورى نۇرلىبەك مىڭجاس جۇرگىزگەن تۋىندى تۇساۋكەسەرىندە اقىن, حالىقارالىق «الاش» ادەبي سىيلىعىنىڭ لاۋرەاتى قاتيرا جالەنوۆا, جازۋشىلار وداعىنىڭ وبلىستاعى وكىلى قارشىعا ەسىمسەيىتوۆا, جۋرناليستەر وداعىنىڭ جەرگىلىكتى فيليالىنىڭ توراعاسى, وبلىستىق «سىر بويى» گازەتىنىڭ باس رەداكتورى قۋات شارابيدينوۆ تىلەگىن جەتكىزىپ, قالامداستار اتىنان قۇرمەت كورسەتتى.
ءومىردىڭ كۇنگەيى مەن كولەڭكەسىن قاتار تارازىلايتىن جازۋشى-ساتيريك – وسى جانردا تولىمدى ەڭبەك ەتىپ كەلە جاتقان قالامگەرلەردىڭ ءبىرى. «ەرەن ەڭبەگى ءۇشىن» مەدالى مەن «تۇران» سىيلىعىن, «Egemen Qazaqstan» گازەتىندەگى ء«سوز سويىل» وتاۋىنىڭ بالعابەك قىدىربەك ۇلى اتىنداعى جۇلدەسىن يەلەنگەن ساتيريك شىعارماشىلىق جولىن اۋداندىق باسىلىمداعى «كوك ينە» اتتى ءازىل-سىقاق بەتىنەن باستاپتى. كەيىننەن وبلىستىق «سىر بويى» گازەتىندەگى ء«تۇرلى-ءتۇرلى باستار بار» بەتىن جۇرگىزىپ, ۇزاق جىل وسى باسىلىمنىڭ جاڭاقورعان, شيەلدى اۋداندارىنداعى ءتىلشىسى بولدى. شىعارماشىلىقتان قول ۇزبەگەن قالامگەردىڭ «جايما بازار», «قاتىرامىز», ء«سۇيىنشى دايىنداڭىزدار», «اۋىلدىڭ ايتقىشتارى», «بەتى بۇلك ەتتى», ء«ۇشىنشى تايم», «بەلاسار» اتتى كىتاپتارى باسپا ءجۇزىن كوردى.
كەشتە «مەرەكە دۋمان» حالىقتىق ءازىل-سىقاق وتاۋى ونەرپازدارى اۆتور تۋىندىلارىنان ينتەرمەديا قويىپ, وقىرماندارعا كىتاپ كورمەسى تانىستىرىلدى.
قىزىلوردا
