«استانادا پرەزيدەنت اكىمشىلىگىنىڭ جانە قالالىق ءماسليحات دەپۋتاتتارىنىڭ كەلىسىمى بويىنشا مەريتوكراتيا قاعيداتىنا سايكەس سارىارقا اۋدانىنىڭ اكىمى تاعايىندالدى. بۇل لاۋازىمعا «استانا قالاسى اكىمىنىڭ اپپاراتى» مم باسشىسىنىڭ ەكس-ورىنباسارى جاناسىل شاۋكەنتاەۆ كىرىستى», دەلىنگەن اكىمدىكتىڭ Telegram-داعى ارناسىندا جاريالانعان حابارلامادا.
جاناسىل شاۋكەنتاەۆ 2014 جىلدىڭ قاراشا ايىنان باستاپ استانا قالاسىنىڭ اكىمدىگىندە ءتۇرلى لاۋازىمداردى اتقارعان: قالانىڭ جەر قاتىناستارى باسقارماسى, قالا اكىمىنىڭ اپپاراتى, قالانىڭ مەملەكەتتىك ساۋلەت-قۇرىلىس باقىلاۋ باسقارماسى جانە ت.ب.
كەيىنگى جىلدارى «استانا قالاسى اكىمىنىڭ اپپاراتى» مم مەملەكەتتىك-قۇقىقتىق ءبولىمىنىڭ باسشىسى, «استانا قالاسى اكىمىنىڭ اپپاراتى» مم باسشىسىنىڭ ورىنباسارى بولعان.
مەملەكەت باسشىسىنىڭ تاپسىرمالارى اياسىندا استانا اكىمى جەڭىس قاسىمبەك اۋدان مەن ەلدى مەكەندەردى دامىتۋ بويىنشا بىرقاتار مىندەت جۇكتەگەن.
