فوتو: سۋ رەسۋرستارى جانە يرريگاتسيا مينيسترلىگىنىڭ ءباسپاسوز قىزمەتى
ناقتى ايتقاندا, سۋ رەسۋرستارىن رەتتەۋ, قورعاۋ جانە پايدالانۋ كوميتەتىنىڭ, «قازگيدروگەولوگيا» ۇلتتىق گيدروگەولوگيالىق قىزمەتىنىڭ جانە سالا مينيسترلىگىنە قاراستى قازاق سۋ شارۋاشىلىعى عىلىمي-زەرتتەۋ ينستيتۋتىنىڭ ماماندارى اقش-تا ءبىلىم الىپ, تاعىلىمدامادان ءوتىپ جاتىر.
«وقۋ بارىسىندا اقش-تىڭ سۋ رەسۋرستارىن باسقارۋ سالاسىنداعى ۇزدىك تاجىريبەلەرىن زەرتتەۋگە, سونداي-اق حالىقارالىق بايلانىستار ورناتىپ, تاجىريبە الماسۋعا باسا نازار اۋدارىلادى. باعدارلاما قاتىسۋشىلارى اقش-تىڭ نەگىزگى سۋ ينفراقۇرىلىمى نىساندارىن ارالاپ, ولاردىڭ جۇمىسىمەن تانىسادى», دەدى قر سريم جەراستى سۋلارى دەپارتامەنتىنىڭ ديرەكتورى جايىق ەرىك ۇلى.
