سۋرەتتى تۇسىرگەن – اقادىل رىسماحان
كەيىنگى جىلدارى پرەزيدەنت تاپسىرماسىن جۇزەگە اسىرۋ ماقساتىندا وڭىردە ءبىرشاما جۇمىس اتقارىلىپ جاتىر. بىرەر كۇن بۇرىن وڭىردە «جايلى مەكتەپ» ۇلتتىق جوباسى اياسىندا ءتورتىنشى مەكتەپ پايدالانۋعا بەرىلدى. ەلىمىزدەگى ەڭ ءىرى شاعىن اۋدان سانالاتىن « ۇلى دالاداعى» №69 جاڭا ءبىلىم نىسانى ۋاقىت تالابىنا ساي بوي كوتەرگەن.
«جايلى مەكتەپ» ۇلتتىق جوباسى اياسىندا سالىنعان جاڭا نىساننىڭ اشىلۋ سالتاناتىنا قاتىسقان وبلىس باسشىسى ەربول قاراشوكەەۆ ءوڭىردىڭ ءبىلىم سالاسىن دامىتۋ ءۇشىن ىرگەلى ىستەر قولعا الىناتىنىن جەتكىزدى.
«پرەزيدەنت قاسىم-جومارت توقاەۆتىڭ تىكەلەي تاپسىرماسى نەگىزىندە قولعا الىنعان «جايلى مەكتەپ» ۇلتتىق جوباسى اياسىندا ەلىمىزدىڭ بارلىق قيىرىندا ءبىلىم وشاقتارى سالىنىپ جاتقانى بەلگىلى. بۇل جۇمىس جامبىل وبلىسىندا دا ءوز دەڭگەيىندە اتقارىلىپ جاتىر.
وتكەن جىلى وڭىردە ءۇش جايلى مەكتەپ بوي كوتەردى. ال بيىل تاراز قالاسى ءشولدالا تۇرعىن الابىندا ءبىر, قورداي اۋدانىندا ەكى جايلى مەكتەپ اشىلادى دەپ جوسپارلاپ وتىرمىز. ءبىر سوزبەن ايتقاندا, ءوڭىردىڭ ءبىلىم سالاسىن وركەندەتۋ ءۇشىن قولدان كەلگەن جۇمىستىڭ ءبارىن ىستەيمىز», دەيدى ە. قاراشوكەەۆ.
جاڭا ۇلگىدەگى مەكتەپتە 97 كابينەت, 3 شەبەرحانا, 6 زەرتحانا, 4 كومپيۋتەرلىك سىنىپ, حورەوگرافيالىق زالدار, كوۆوركينگ-ورتالىقتار, ۇلكەن اسحانا جانە 4 سپورت زال قاراستىرىلعان. سىنىپتاردا ينتەراكتيۆتى تاقتالار ورناتىلعان. ءبىلىم ۇياسىندا 1310 وقۋشى وقيدى.
2000 بالاعا ارنالعان مەكتەپ وقۋشىلارىنىڭ IT-قۇزىرەتىن, عىلىمي جانە شىعارماشىلىق الەۋەتىن قولداۋ ءۇشىن زاماناۋي روبوتتەحنيكا كابينەتتەرىمەن جانە STEM-زەرتحانالارمەن جابدىقتالعان, سونىمەن بىرگە بەينەباقىلاۋ جۇيەلەرىمەن قامتاماسىز ەتىلگەن.
وقۋ ورداسىندا ينكليۋزيۆتى بىلىمگە ءجىتى كوڭىل بولىنگەن. ەرەكشە قاجەتتىلىكتەرى بار بالالار ءۇشىن پاندۋستار, ليفتىلەر, سانيتارلىق توراپتار جانە ينكليۋزيۆتى ءبىلىم كابينەتى قاراستىرىلعان.
ء«بىز 2025 جىلعا دەيىن 800 مىڭ بالانىڭ زاماناۋي مەكتەپتە وقۋىنا جاعداي جاسايمىز. وسىلايشا, اپاتتى جاعدايداعى جانە ءۇش اۋىسىممەن وقيتىن وقۋشىلار ءۇشىن مەكتەپ ماسەلەسىن تولىعىمەن شەشەمىز. بۇل اۋىل جانە قالا مەكتەپتەرىنىڭ ايىرماشىلىعىن ەداۋىر ازايتادى. جالپى, مەكتەپ سالۋ ۇكىمەت پەن اكىمدىكتەر ءۇشىن باستى مىندەتتىڭ ءبىرى بولۋى كەرەك», دەگەن پرەزيدەنتتىڭ ءسوزى جادىمىزدا.
دەرەككە سەنسەك, وسى جىلى وڭىردە 26 ءبىلىم نىسانىنىڭ قۇرىلىسى جوسپارلانىپتى. ونىڭ 21-ءى (11 مەكتەپ, 10 قوسىمشا عيمارات) جىل سوڭىنا دەيىن پايدالانۋعا بەرىلمەك. قولعا الىنعان جۇمىس ارقىلى ءبىلىم سالاسىنداعى وتكىر ماسەلەنىڭ ءبىر ءتۇيىنى شەشىلە مە, جوق پا؟ ونى جىل سوڭىندا باعامداي جاتارمىز. ءبىر انىعى, وسى جىلى مەملەكەت باسشىسىنىڭ تاپسىرماسىنا سايكەس ءۇش اۋىسىمدى ءبىلىم ماسەلەسى مەن اپاتتى جاعدايداعى مەكتەپتەردىڭ شارۋاسى شەشىمىن تابۋعا ءتيىس.
تاراز
