ينۆەستور تارتۋداعى ولقىلىق

بىلتىر جەلتوقساندا كا­سىپ­­كەرلىك جانە ين­دۋستريا­لىق-يننوۆاتسيالىق دامىتۋ باسقارماسىنىڭ باسشىسى اس­پانديار سەيسەباەۆ 2024 جىلدىڭ ءىى توقساننىڭ قو­رى­­تىندىسىندا وبلىسقا 21,7 ملن دوللار تىكەلەي شەتەلدىك ين­ۆەستيتسيا تارتىلدى دەپ ما­لىمدەدى. ارادا ءبىر اي وتكەن سوڭ پرەزيدەنت جامبىل وبلىسىندا تىكەلەي شەتەلدىك ينۆەستيتسيا ۇلەسى تومەندەگەنىن تىلگە تيەك ەتتى. جامبىل وبلىسىنىڭ اكىمى ەربول قاراشوكەەۆ شەتەلدىك ينۆەستيتسيا تارتۋ­عا بەلسەنە كىرىسكەنىمەن, وڭىر­دەگى ءىس ونبەي تۇر. سالاعا جاۋاپ­تى لاۋازىمدى ازاماتتار ءتيىستى جۇمىستى دۇرىس ۇيلەستىرە ال­ماعانداي كورىنەدى.

اسپانديار سەيسەباەۆتىڭ جىل سوڭىنداعى بايانداماسىنا تاعى ءبىر ۇڭىلسەك, قىتاي ساپارىندا اڭگىمەگە ارقاۋ بولعان بايزاق اۋدانى اۋماعىندا تراكتور قۇراستىرۋ جوباسى تۋرالى ءلام-ميم دەمەيدى. ءدال وسى ماسەلە ءبىراز ۋاقىت بۇرىن جەرگىلىكتى ءماسليحات سەسسيالارىنىڭ بىرىندە دە كوتەرىلگەن بولاتىن. دەپۋتاتتاردىڭ ءبىرى اڭگىمەگە ارقاۋ ەتكەن شارۋا تۋرالى جىل سوڭىندا تولىققاندى مالىمەت بەرىلەر دەپ ەدىك. بايانداما ىشىندە ول دا جوق بولىپ شىقتى.

ءوڭىر باسشىسىنىڭ قىتاي­عا بارعان كەزدە شەتەلدىك ينۆەستورلار تارتۋعا باسا نازار اۋدارعانى تالاس تۋدىرمايدى. الايدا اكىم باستاعان جۇمىس­تى باسقا جاۋاپتى ازاماتتار جۇيەلەۋى, جۇزەگە اسىرۋى كەرەك ەمەس پە؟ قىتايدا قويىن داپتەرگە تۇرتىلگەن جوبالاردىڭ تاعدىرى ءبىزدى دە قىزىقتىرادى, تولعاندىرادى. الايدا وعان باس اۋىرتىپ جاتقاندار شامالى سەكىلدى. ايتپەسە, تراكتور قۇراستىرۋ جوباسى بو­يىنشا قانداي كەلىسىمدەر جۇر­گىزىلگەنى, جوبانىڭ قاشان باستالىپ, قاشان اياقتالاتىنى, ينۆەستورلارعا قانداي جاعداي قاراستىرىلىپ جاتقانى جا­ريا ەتىلۋى كەرەك قوي؟ الدە قول­عا الىنۋعا ءتيىس بولعان, باق-تا جاريالانعان جوبالاردىڭ ­سوڭى سيىرقۇيىمشاقتانىپ كەتتى مە؟ ول جاعى ازىرگە بەلگىسىز ­بولىپ تۇر.

بيىل وبلىس اكىمى باستاعان توپ تۇركيانىڭ مەرسين پروۆينتسياسىنا ات باسىن بۇرىپ, ينۆەستيتسيالىق فورۋمعا قا­تىسىپ قايتتى. تۇركيا ساپارى كەزىندە وبلىس باسشىسى ىسكەر توپ وكىلدەرىنە ءوڭىر­دىڭ ينۆەستيتسيالىق مۇم­كىن­دىگىن تانىستىرىپتى. مەر­سيننىڭ يندۋستريالىق-ونەر­كاسىپتىك ايماعىن ارالاعان جامبىلدىقتار ىرگەلى وندىرىس­تەرمەن تانىسىپ, بىرلەسكەن كاسىپورىندار قۇرۋ ماسەلە­سىن جان-جاقتى تالقىلاعان كورىنەدى.

ءبىر قاراعاندا, ينۆەستورلارمەن كەلىسسوز جۇرگىزۋ ويداعىداي سەكىلدى كورىنەدى. وبلىس اكىمى جىل ىشىندە ونداعان شەتەلدىك ينۆەستورمەن كەزدەسىپ, ولارعا قولداۋ كورسەتىلەتىنىن ايتادى. سونداي-اق ينۆەستيتسيالىق جوبالاردى سۇيەمەلدەيتىن «Zhambyl Invest» ديرەكتسياسى دا بار. ولار دا قولدان كەلگەنشە قامدانىپ جاتىر. سوعان قاراماستان, وتكەن جىلى وڭىرگە تىكەلەي شەتەلدىك ينۆەستيتسيا تارتۋ كورسەتكىشى تومەندەگەنى كوڭىلگە كىربىڭ تۇسىرەدى. دەرەككە سەنسەك, «Zhambyl Invest» ديرەكتسياسىندا تۇركيالىق ينۆەستورلارمەن تىكەلەي جۇمىس ىستەيتىن ارنايى ءبولىم دە بار ەكەن.

جاۋاپتى باسقارما وسى جىلى ينديكاتوردى ويداعىداي ورىن­داي الا ما؟ الدە بيىل دا شە­تەلدىك ينۆەستيتسيا تارتۋ كور­سەتكىشى كەمشىن تۇسە مە؟ كىم ءبىلسىن... قالاي بولعان كۇندە دە پرەزيدەنت نازارىنداعى ماسە­لەنىڭ ويداعىداي ورىندالماۋى ەشكىمگە ابىروي اپەرمەسى انىق.

جامبىل وبلىسى