ەگەر بالا ساباقتان ءجيى قالسا, ءتارتىپ بۇزسا نەمەسە قۇقىق بۇزۋشىلىققا قاتىسسا, اتا-اناعا 20 اەك-كە دەيىن ايىپپۇل (2025 جىلى — 78 640 تەڭگە) نەمەسە 10 تاۋلىككە دەيىن اكىمشىلىك قاماۋ جازاسى قاراستىرىلعان.
جاۋاپكەرشىلىككە تارتۋ مىنا جاعدايلاردا بولادى:
- ساباقتان جۇيەلى تۇردە قالۋ;
- اتا-انانىڭ ەسكەرتۋگە ءمان بەرمەۋى;
- بالانىڭ مىنەز-قۇلقىن باقىلاماۋ;
- بالانىڭ ىشىمدىك, ەسىرتكى قولدانۋى;
- قايىرشىلىقپەن, بۇزاقىلىقپەن اينالىسۋى.
مۇنداي جاعدايدىڭ الدىن الۋ ءۇشىن اتا-انالار پسيحولوگ, الەۋمەتتىك پەداگوگ نەمەسە يۋۆەنالدى پوليتسيامەن بىرلەسىپ جۇمىس ىستەۋى قاجەت.
پسيحولوگ اننا ۆوۆكتىڭ ايتۋىنشا, بالا ساباقتان كوبىنە ۇستازعا, سىنىپتاعى ورتاعا كوڭىلى تولماعاندىقتان نەمەسە وتباسىنداعى جاعدايدان قاشىپ جۇرەدى. ماسەلەنى شەشۋدىڭ باستى جولى – بالانى جازعىرۋ ەمەس, سەبەبىن ءتۇسىنىپ, قولداۋ كورسەتۋ.
