فوتولار وبلىس اكىمدىگى
تاراز قالاسىندا ب.مومىش ۇلى اتىنداعى «جەڭىس» ساياباعىندا «جاسىل ەل» ەڭبەك جاساقتارى ماۋسىمىنىڭ اشىلۋ سالتاناتى ءوتتى. جاستار ساياباقتى قوقىستاردان تازارتتى. سونىمەن قاتار, ەكواكتسيالار تاراز قالاسى جىبەك جولى اۋدانى №13 شاعىن اۋدانىندا, «قاراحان» كەسەنەسى اۋماعىندا, سارىسۋ اۋدانى جاڭاتاس قالاسىنىڭ ورتالىق ساياباعىندا جانە مويىنقۇم اۋدانىندا وتكىزىلدى.
وبلىستا «جاسىل ەل» باعدارلاماسى شەڭبەرىندە ەڭبەك جاساقتارى ستۋدەنتتەردى ماۋسىمدىق جۇمىسپەن قامتۋمەن قاتار, مەملەكەتتىك جاستار ساياساتىن جۇزەگە اسىرۋعا اتسالىسىپ جاتىر.
«قاتىسۋشىلار اينالانى كوگالداندىرۋعا, سپورتتىق كەشەندەر مەن وزەن جاعالاۋلارىن قالپىنا كەلتىرۋگە, ساياباقتار مەن قۇرىلىس الاڭدارىن تازارتۋعا ۇلەس قوسىپ جاتىر», دەدى وبلىستىق جاستار رەسۋرستىق ورتالىعىنىڭ ديرەكتورى ا.قادراليەۆ.
جامبىل وبلىسى اكىمدىگىنىڭ ءباسپاسوز قىزمەتىنىڭ مالىمدەۋىنشە, وبلىس بويىنشا «تازا قالا», «تازا كاسىپ – تازا ايماق», «جاسىل قالا», «بولاشاقتى بىرگە وتىرعىزامىز» «جەر ساعاتى» جانە ت.ب. اكتسيالار ۇيىمداستىرىلىپ, اكتسيالار اياسىندا 818 شاقىرىم كانالدار مەن ارىق جۇيەلەرى, 125 مىڭ تۇرعىن ءۇي اۋلالارى مەن 4,5 مىڭ شاقىرىم كوشەلەر تازالانىپ, 12 مىڭ توننا قوقىس شىعارىلعان. بيىل ەگىلەتىن 195 مىڭ تالدىڭ بۇگىنگە 70 مىڭعا جۋىعى وتىرعىزىلىپ, 2,4 مىڭ اعاش بۇتالانعان. 60 تاريحي-مادەني ەسكەرتكىش, 143 ساياباق پەن سكۆەر اۋماقتارى تۇراقتى قوقىستاردان تازالانىپ جاتىر. اتالعان جۇمىستارعا 910 بىرلىك تەحنيكا جۇمىلدىرىلعان.
