وسىنداي جاعدايلاردىڭ ءبىرى – ءوڭىر تۇرعىنى 2021 جىلى كورشى ەلدىڭ ازاماتتىعىن العانىمەن, قازاقستاننىڭ كوشى-قون قىزمەتىنە بەلگىلەنگەن مەرزىمدە حابارلاماعان.
ونىڭ ايتۋىنشا, قۇجاتتاردى تاپسىرۋ قاجەتتىگىن بىلمەگەن جانە وتباسىلىق جاعدايلار قازاقستانعا ۋاقىتىلى ورالۋىنا مۇمكىندىك بەرمەگەن. سوت ونى ەلدەن شىعارۋ تۋرالى شەشىم شىعاردى.
ەستەرىڭىزگە سالا كەتەيىك, 2025 جىلدىڭ ناۋرىز ايىنان باستاپ قازاقستاندا ازاماتتىعىنان ايىرىلعان تۇلعالاردىڭ قر قۇجاتتارىن پايدالانۋىنا قاتىستى زاڭناماعا وزگەرىستەر ەنگىزىلىپ, جاۋاپكەرشىلىك كۇشەيتىلدى. ەندى اتالعان قۇقىقبۇزۋشىلىق ءۇشىن ايىپپۇل مولشەرى 100 اەك-تەن 200 اەك-كە دەيىن ارتتى.
شقو پوليتسيا دەپارتامەنتى قازاقستان زاڭناماسىنا سايكەس, باسقا ەلدىڭ ازاماتتىعىن العان ازاماتتار 30 كۇن ىشىندە كوشى-قون قىزمەتىنە حابارلاپ, بۇرىنعى ازاماتتىعىن راستايتىن قۇجاتتاردى تاپسىرۋعا مىندەتتى ەكەنىن ەسكەرتەدى. بۇل تالاپتى بۇزعانى ءۇشىن اكىمشىلىك جاۋاپكەرشىلىك قاراستىرىلعان.
