قازاقستانعا قىزمەت ەتەمىن!

قاۋىپسىزدىكتى قامتاماسىز ەتۋ جاۋىنگەرلىك جاۋاپتى مىندەت گۆاردەيسكىدە قورعانىس ۆەدومستۆوسىنىڭ باسشىسى ادىلبەك جاقسىبەكوۆتىڭ توراعالىق ەتۋىمەن قازاقستان رەسپۋبليكاسى قورعانىس مينيسترلىگىنىڭ كوشپەلى القا وتىرىسى بولىپ ءوتتى. القا وتىرىسىندا ءبىرىنشى جار­تى­جىل­دىقتاعى جاۋىنگەرلىك ازىرلىكتىڭ قورىتىندىسى جانە اسكەرلەردەگى جاۋىنگەرلىك دا­يىن­دىقتىڭ ساپاسىن ارتتىرۋ ماسەلەسى قارالدى. قازاقستان ارمياسى قارۋ-جاراعى مەن اسكەري تەحنيكاسىنىڭ دامۋ تۇجىرىمداماسى, سونىمەن بىرگە قازاقستان رەسپۋ­بلي­كاسى قا­رۋلى كۇشتەرى باسشى قۇ­را­مى­نىڭ اسكەري ءتارتىپ پەن قۇقىقتىق ءتارتىپتى قامتاماسىز ەتۋدەگى جۇمىسى تالقىلاندى. – قارۋلى كۇشتەردىڭ باستى ءمىن­دەتتەرىنىڭ ءبىرى قازىرگى زامانعى قاۋىپ-قاتەرلەرگە جاۋاپ بەرە الاتىن ءاس­كەر­لەردىڭ جاۋىنگەرلىك جانە جەدەل ءازىر­لىگى كورسەتكىشتەرىنىڭ سا­پا­سىن كوتەرۋ, كاسىبي اسكەري باس­قارۋ كورپۋسىن قۇرۋ بولىپ تابى­لا­دى, – دەپ اتاپ كورسەتتى القا وتى­رى­سىندا قورعانىس ءمينيسترى ءادىل­بەك جاقسىبەكوۆ. – بۇل ەل پرەز­ي­دەنتى – قازاق­­ستان قارۋلى كۇشتەرى جوعارعى باس قولباس­شى­سىنىڭ قارۋلى كۇشتەردىڭ جاۋىنگەرلىك ازىرلىگى مەن باسەكەگە قابىلەتتىلىگىن ارت­تىرۋ تالابىن العا قويادى. جاۋىنگەرلىك ازىرلىك قارۋلى كۇشتەردىڭ تەحني­كا­لىق جاراق­تان­دى­رى­لۋى­مەن تىكەلەي بايلانىستى ەكەندىگى بەلگىلى. وسى ماق­ساتتا قورعانىس مينيس­تر­لى­گىن­دە قارۋ-جاراق پەن اسكەري تەحنيكانى دا­مى­تۋدىڭ تۇجى­رىمداماسى جاسالۋدا. ەل قارۋلى كۇشتەرىنىڭ جو­عار­عى باس قولباسشىسى سونىمەن بىرگە رەزەرۆتەگىلەردىڭ دە ساپالى دا­يىن­دىعىنا زور ءمان بەرەدى. مەمل­ە­كە­تىمىزدىڭ تاۋەلسىزدىگى مەن تۇتاستىعىن قورعاۋ جانە باسقا دا ءمىن­دەت­تەردى تولىق­قان­دى جۇزەگە اسىرۋ جەكە قۇ­رامنىڭ دايىن­دى­عىنا جانە ارميا­نىڭ زا­ما­ناۋي قارۋ-جاراقپەن قام­تا­ماسىز ەتى­ل­ۋى­نە دە بايلا­نىس­تى. قالىپتاسقان ءداستۇر بو­يىن­شا, بيىلعى جى­لى كونس­تي­تۋتسيانىڭ 15 جىل­­دىعىنا اسكەري شەرۋ وتكىزىلىپ, قا­زاقستان ارمياسىنىڭ جاۋىن­گەرلىك قۋاتى كورسەتىلمەك. القا وتىرىسىندا اتاپ ءوتىل­گەندەي, جالپى قارۋلى كۇش­تەردە وتانىمىزدىڭ قاۋىپسىزدىگىن قام­تاماسىز ەتۋگە بايلانىستى جوس­پارلى جۇمىستار جۇرگىزىلۋدە. وتكەن جىلى قورعانىس مينيس­تر­لىگىنىڭ قۇرىلىمىندا اسكەري-تەحنيكالىق ساياسات دەپارتامەنتى دۇنيەگە كەلدى. بۇل شەشىم ۋاقىت تالابىنا ساي جۇزەگە اسىرىلدى, دەپارتامەنتتىڭ قىزمەتى قازىردىڭ وزىندە جەمىسىن بەرۋدە. دەپار­تا­مەنتتىڭ باستا­ماسىمەن “KADEX–2010” ءبىرىنشى حالىق­ارالىق قارۋ-جاراق جانە اسكەري-تەحنيكالىق م ۇلىك كورمەسى ۇيىمداستىرىلدى. قازىرگى تاڭدا اسكەري-تەحني­كا­لىق ساياسات تۇجىرىمداماسى ءازىر­لەنۋ ۇستىندە, بۇل سالادا حالىق­ارالىق بايلانىستار كەڭەيۋدە. – جەتكەن جەتىستىكتەرمەن شەكتەلىپ توقتاپ قالۋعا نەگىز جوق, ءالى اتقارىلاتىن ىستەر جەتكىلىكتى, وتاندىق قورعانىس كاسىپ­ور­ىن­دارىمەن بايلانىستى كەڭەيتىپ, نىعايتا تۇسكەن ءجون. بۇعان رەس­پۋب­ليكا ۇكىمەتىنىڭ شەشىمىمەن قور­عانىس مينيستر­لى­گى­نىڭ قۇرامىنا ەنگەن “كا­زين­جي­ني­رينگ” ۇك اق پەن “كاز­ۆز­رىۆ­پروم” اق مۇمكىندىك تۋعىزادى دەپ اتاپ ءوتتى, –قورعانىس ۆەدوم­ستۆوسىنىڭ باسشىسى.– سون­داي-اق مەملەكەتتىك قورعانىس تاپسى­رىسىنىڭ ساپالى ورىندالۋى ءۇشىن بىرلەسىپ جۇمىس ىستەۋ قاجەت. وسىعان وراي اسكەري القا قارساڭىندا قورعانىس ءمينيسترى ادىلبەك جاقسىبەكوۆ قورعانىس ونەركاسىبى باسشىلارىمەن كەزدەسىپ, كەڭەس وتكىزگەن بولاتىن. كەڭەستى وتكىزۋدىڭ باستى سەبەبى اسكەري ماقساتتاعى ءونىم­دەر­دى وندىرەتىن وتاندىق كاسى­پ­ور­ىن­داردى كوپتەپ تارتا وتىرىپ, قارۋ-جاراق پەن اسكەري تەح­ني­كانى دامىتۋ, تەحنولوگيالىق جە­تىل­دىرۋ ماسەلە­لە­رىنىڭ نەگىزگى باعىتتارىن تالقىلاۋ. سونداي-اق, مينيستر عىلىمي جانە جوعارى تەحنولوگيالىق ءون­دىرىس ورىندارىن قۇرۋ, اسكەري ماق­ساتتاعى جاڭا ونىمدەر وندىرەتىن قور­عانىس كاسىپورىندارىن دامىتۋ جو­لىمەن اسكەرىمىزدىڭ قورعانىس قا­بىلەتىن جەتىلدىرە تۇسەتىنىن اتاپ ءوتتى. – ءبىز بىرلەسكەن اسكەري-تەحنيكالىق ساياسات جۇرگىزۋ ارقىلى مەملەكەتىمىزدىڭ قاۋىپسىزدىگىن قام­تا­ما­سىز ەتۋ ءۇشىن قارۋ-جاراق پەن اسكەري تەحنيكا سۇرانىسىن انىقتاي الامىز, – دەپ اتاپ ءوتتى قورعانىس ءمينيسترى. – وسى ساياساتتىڭ اسكەرلەر مەن اسكەري قۇرالىمدارعا ءتيىم­دى­لىگىنەن قارۋلى كۇشتەردىڭ جاۋىن­گەرلىك ءازىر­لىگى مەن جاۋىنگەرلىك قابىلەتىن انىقتاۋعا بولادى. اسكەري القا وتىرىسىندا سو­نىمەن قاتار اسكەري ءتارتىپ ماسەلەسى دە كەڭىنەن تالقىلاندى. قارۋلى كۇشتەردە جۇرگىزىلگەن اسكەري جانە قۇقىقتىق ءتارتىپ ساراپ­تاماسى كورسەتكەندەي, سوڭعى ۋاقىتتا بۇل ماسەلەدە ىلگەرىلەۋشىلىك باسىم. قورعانىس ءمينيسترى اسكەري ءتارتىپتى جەتىلدىرۋ جۇمىستارى بويىن­شا جاۋاپتى تۇلعالارعا ناقتى تاپسىر­ما­لار قويدى. ونىڭ ىشىندە تاربيەشى وفيتسەرلەرگە بولىمدەر مەن ءبولىم­شە­لەردە “كوش­باسشىلىق قوزعالىستار” جۇيەسىن ەنگىزۋ قاجەتتىگى دە ايتىلدى. قورعانىس ۆەدومستۆوسىنىڭ باس­شى­سى 2010 جىلدىڭ ەكىنشى جار­تى­سىنا تاپسىرمالار بەردى. ونىڭ ءىش­ىن­دە اسكەرلەر مەن باسقارۋ ورگان­دا­رى­نىڭ جاۋىنگەرلىك دەڭگەيىن ارتتىرۋ بار. القا وتىرىسىندا ۇستىمىزدەگى جىلعى قىركۇيەك ايىندا شىۇ شەڭبەرىندە وتەتىن “بەيبىت ميسسيا” اتتى تەررورعا قارسى جاتتىعۋلارىن وتكىزۋ ماسەلەسى دە تالقىلاندى. القا وتىرىسىنان سوڭ مينيستر گارنيزوندىق وفيتسەرلەر ۇيىندە قازاقستان قارۋلى كۇشتەرىنىڭ باسشىلىق قۇرامىمەن جەكە قالىپ, وسى جاتتىعۋعا دايىندىق بارىسىنا قاتىستى القالى كەڭەس وتكىزدى. وندا ۇيىمداستىرۋ جۇمىستارى, اسكەر­لەردى, وقۋ ورتالىعىنىڭ نى­ساندارى مەن ينفراقۇرىلىمىن دا­يىنداۋ, گار­نيزوننىڭ وقۋ-ما­تەريالدىق با­زاسى ماسەلەلەرى كەڭىنەن قاراستىرىلدى. ءجۇنىس ومار, پولكوۆنيك.