شىعىن ەسەپتەلىپ جاتىر

جەر ءدۇمپۋىنىڭ سالدارىن بىلمەك نيەت­پەن ءوڭىر باسشىسى ەربول قاراشوكەەۆ باستاعان توپ تاڭ بوزىنان مەركى جانە تۇرار رىسقۇلوۆ اۋدانىنا ات باسىن بۇرىپ, جەدەل شتاب وتىرىسىن وتكىزدى. كەيىن بىر­قاتار اۋىلدى ارالادى. انىقتالعانداي, بىرنەشە ماڭىزدى نىسان مەن تۇرعىن ۇيلەردىڭ قابىرعاسى ب ۇلىنگەن.

ءوڭىر باسشىسىنىڭ تاپسىرماسى­نا سايكەس قۇرىلعان شتابتى وبلىس اكىمىنىڭ ورىنباسارى قاناتبەك مادىبەك باسقارسا, ونىڭ قۇرامىنا ازاماتتىق قورعاۋ قىزمەتىنىڭ, جەرگىلىكتى اتقارۋشى ورگانداردىڭ, ءتيىستى ۆەدومستۆولاردىڭ وكىلدەرى ەندى. ءىسساپار بارىسىندا مەركى اۋداندىق اۋرۋحاناسى, مەركى اۋىلىنداعى «بالداۋرەن» بالاباقشاسى جانە تالدى­بۇلاق اۋىلىنداعى تۇرعىن ءۇيدىڭ اس بول­مەسىندە قابىرعا جارىقشاقتارى پايدا بولعانى انىقتالدى. سونداي-اق تۇرار رىسقۇلوۆ اۋدانى اباي اۋىلىنداعى تۇرعىن ءۇيدىڭ, جاڭاتۇرمىس ەلدى مەكەنىندەگى
6 باسپانانىڭ, اۋىلدىق مەكتەپتىڭ, كامەنكا اۋىلىنداعى مادەنيەت ءۇيىنىڭ قابىرعاسىنا سىزات تۇسكەن.

ارنايى كومياسسيا مۇشەلەرى ءوڭىر باس­شى­سىنىڭ تاپسىرماسىنا سايكەس كەلتىرىلگەن شىعىندى انىقتاۋ جۇمىسىن باستادى. كوميسسيا قۇرامىندا توتەنشە جاعدايلار مينيسترلىگى سەيسمولوگيالىق بايقاۋ جانە زەرتتەۋلەر ۇلتتىق عىلىمي ورتالىعىنىڭ وكىلدەرى بار. ءوڭىر باس­شىسىنىڭ تىكەلەي تاپسىرماسىنا سايكەس اينالما جولدار دا نازاردان تىس قالعان جوق. ماسەلەن, مەركى اۋدانىندا 55 ادام, 33 بىرلىك تەحنيكا, تۇرار رىسقۇلوۆ اۋدانىندا 65 ادام, 40 بىرلىك تەحنيكا جۇمىل­دى­رىلعان.

«كاجسەرۆيس» جشس وبلىستىق فيليا­لى­نىڭ قىزمەتكەرلەرى (25 ادام, 19 تەحنيكا) مەركى جانە ت.رىسقۇلوۆ اۋداندارىنداعى رەسپۋبليكالىق ماڭىزى بار اۆتوموبيل جولدارىنىڭ (5 كولىك ايرىعى, 2 تەمىرجول وتكەلى جانە 3 كوپىر) جاي-كۇيىن تەكسەرىپ جاتىر. 45 ەلدى مەكەنگە زەرتتەۋ جۇمىسى جۇرگىزىلدى. قىرعىز رەسپۋبليكاسىنىڭ توتەن­شە جاعدايلار مينيسترلىگىمەن ءوزارا ءىس-قيمىل كەزەكشى ءبولىم ارقىلى ۇيىم­داس­تى­رىلدى. شوڭ-قاقپا جانە ورتو-توقاي سۋقوي­­­ما­لارى قالىپتى رەجىمدە جۇمىس ىستەپ تۇر.

تۇرعىندارمەن دەر كەزىندە كەزدەسۋلەر ۇيىمداستىرىلىپ, ءتۇسىندىرۋ جۇمىستارى جۇر­گىزىلدى. حالىقتىڭ دەنساۋلىعى مەن ومى­رىنە قاۋىپ ءتونىپ تۇرعان جوق. جەدەل شتاب جاعدايدى باقىلاۋدا ۇستاپ وتىر. جەدەل دەن قويۋ جاساقتارى دايىندىققا كەل­تىرىلدى, وڭىردە تاۋلىك بويى كەزەكشىلىك ۇيىمداستىرىلىپ جاتىر. پوليتسيا مەن تجد قوعامدىق قاۋىپسىزدىكتى قامتاماسىز ەتۋ بويىنشا ءتيىستى شارالار قابىلدادى.

جامبىل وبلىسى