ءوڭىر تابيعاتى قىزىق. وڭتۇستىك اۋدانداردا تال-داراق بۇرلەيتىن كەز سولتۇستىكتە مۇز كوبەسى ەندى سوگىلگەن ساتپەن تۇسپا-تۇس كەلەدى. سوندىقتان دا جاڭاقورعان, شيەلى اۋداندارىنىڭ تۇرعىندارى «تازا قازاقستان» رەسپۋبليكالىق اكتسياسى اياسىنداعى سەنبىلىكتە كوگالداندىرۋعا اتسالىستى. كوشەلەرگە كوشەت ەگىپ, اعاشتاردىڭ ءتۇبىن اكتەدى.
قازالىلىقتار ايتەكە بي كەنتىندەگى «قارامايكول», «قازاق» قورىمى اينالاسىنداعى شاشىلعان قوقىستاردى جيناستىرىپ, ارنايى ورىندارعا شىعاردى. اۋدان ورتالىعىنداعى ت.بورىقۇلاقوۆ, ق.ءپىرىموۆ, جانقوجا باتىر كوشەلەرىندە دە تازالىق جۇمىستارى قارقىندى جۇرگىزىلدى. اۋدان تۇرعىندارى دا سەنبىلىكتەن سىرت قالماي, اۋلالارى مەن كوشەلەرىن كۇل-قوقىستان تازارتتى.
قارماقشى اۋدانىندا ۇيىمداستىرىلعان سەنبىلىكتە اۋدان مەكەمەلەرى مەن كاسىپورىندار, اۋىلدىق وكرۋگ اكىمدىكتەرى, جاستار, ەرىكتىلەر كوشەلەر مەن اۋلالاردى, ساياباقتار مەن قوعامدىق ورىنداردى رەتكە كەلتىرىپ, قوقىستاردى جينادى.
جالاعاش كەنتىندە كۇز بەن كوكتەمدە كورشىلەر ءوزارا كەلىسىپ, سەنبىلىككە كىرىسىپ كەتەتىن كوشەلەر بار. جۇزدەن استام مەكەمە, 1 250 ادام قاتىسقان تازالىق جۇمىسى بارىسىندا اۋدان اكىمى ارداق يبرايموۆ تازالىقتى ءاردايىم نازاردا ۇستايتىن س.وتارباەۆ كوشەسىنىڭ تۇرعىندارىمەن كەزدەسىپ, تابيعات جاناشىرلارىنا العىسىن ءبىلدىردى.
«ىنتىماعى جاراسقان ءبىزدىڭ كوشەدە مۇمكىندىگى كەلمەيتىن نەمەسە جۇمىستان قولى تيمەيتىن كورشىلەرىمىزدىڭ دە اۋلاسىن تازالاپ, قولعابىس جاسايمىز. وسى جولى كوشە جاستارى بالالارى وقۋعا قالاعا كەتكەن ۇيلەردىڭ الدىن رەتتەپ بەردى. كۇز بەن كوكتەمدە وسىنداي سەنبىلىكتەردى بىرلەسە ۇيىمداستىرامىز. بارلىق مەرەكەنى بىرگە وتكىزەمىز», دەيدى كەنت تۇرعىنى كەڭەسكۇل قايىروۆا.
كەنتتەگى سەنبىلىك بارىسىندا كوشەلەر مەن ساياباقتارداعى قوقىستار تازارتىلىپ, قۋراعان تالدار كەسىلدى. ارىقتار تازارتىلىپ, كۇل-قوقىستار بەلگىلەنگەن ورىندارعا شىعارىلدى. ورتاق ىسكە كەنت, اۋىلدىق وكرۋگتەردەگى شارۋا قوجالىقتارىنىڭ تەحنيكالارى جۇمىلدىرىلدى.
وبلىس ورتالىعىنداعى سەنبىلىككە 128 مەكەمەدەن 1 872 ادام قاتىسىپ, 81 تەحنيكا ىسكە قوسىلدى. ورتالىق پوليگونعا 300 تەكشە مەتر قوقىس شىعارىلدى.
قالا مەن اۋدانداردان 10 610 ادام, 198 ارنايى تەحنيكا قاتىسقان «تازا قازاقستان» اكتسياسى تازالىق ءار ادامنىڭ كۇندەلىكتى داعدىسى مەن ءومىر سالتىنا اينالىپ كەلە جاتقانىن كورسەتەدى.
قىزىلوردا
