تەرەزەدەن كىرگەن قايعى

جاز ايلارىندا بالانىڭ قاۋىپسىزدىگى وتباسىنا وڭاي­عا تۇسپەيتىنى بار. وي­ىن بالاسىنىڭ قاتەرگە بارىپ ۇرىنعانىن اتا-انا بايقاي الماي قالادى. جاز بويى بالالار اۋرۋحاناسىنا جا­راقات الىپ تۇسەتىندەر تولاستامايدى. سوڭعى جىلدارى پلاستيكالىق تەرە­زەنىڭ تورلانعان كوزىنەن كىش­كەنتاي سابيلەردىڭ قۇلاپ كەتۋ وقيعالارى جيىلەپ ءجۇر. رۋدنىي قالاسىندا جارتى ايدىڭ ىشىندە ەكى قايعىلى وقيعا ورىن الدى. وسى قالاداعى بيىك ءۇيدىڭ 5-ءشى قاباتىنان ءالى ەكى جاسقا تولماعان ەر بالا قۇلاپ كەتىپ, ءتىل تارتپاي كەتتى. – اناسى ساناۋلى مينۋتقا عانا ۆانناعا كىرىپ كەتكەندە, اس بولمەسىندە قالعان بالا تىرمىسىپ تەرەزەنىڭ الدىنا شىققان. تەرەزەگە بەكىتىلگەن تورعا سۇيەنگەندە قۇلاپ كەتكەن. بالا اۋرۋحاناعا جەت­كىزىلگەن سوڭ ءبىر ساعات بولماي كوز جۇمدى, – دەيدى رۋد­نىي قالالىق ىشكى ىستەر باس­قارماسى جاسوسپىرىمدەر پوليتسياسىنىڭ توپ اعا ينس­پەكتورى تاتيانا گۋسەۆا. ءبىر جارىم جاسار بالا ءۇشىنشى قاباتتىڭ تەرە­زەسىنەن قۇلاپ كەتۋى دە وسى قالادا ورىن الدى. بىراق ءتىرى قالدى. بالاعا قاراپ وتىرعان اكەسىنىڭ كوزى ءىلىنىپ كەتكەندە, ءسابي تەرەزەگە ورمەلەپ, الدىنا شىققان دا, تاعى دا سول تورلى تەرەزەگە سۇيەنەم دەپ تومەن قۇلدىراعان. – بۇل بالانى پەرىشتەسى قاققان بولۋى كەرەك, جامباسى سىنعان, باسىنان جارا­قاتتانعان, بىراق ومىرىنە قاۋىپ جوق. مۇمكىن جۇمساق جەرگە نەمەسە ءشوپتىڭ, بۇ­تانىڭ ۇستىنە قۇلاعان بولۋى كەرەك. ادەتتە, بيىكتەن قۇلاعان بالالاردىڭ ءومىرىن ساقتاپ قالۋ قيىن. ويتكەنى, كىشكەنتاي بالالاردىڭ با­سىنىڭ كولەمى ءىرى بولادى دا, ولار بيىكتەن قۇلاعاندا باسىمەن «ۇشا­دى». قول-اياعى سىنسا ونىڭ جاراسى جەڭىل, باسىنان العان جاراقات ومىرىنە وتە قاۋىپتى, – دەيدى رۋدنىي قالالىق اۋرۋحاناسى تراۆماتولوگيا ءبولىمىنىڭ مەڭگەرۋشىسى ۆسەۆولود گالەنكو. وتكەن جىلى دا رۋد­نىيدا ەكى بالا تەرەزەدەن قۇلاپ كەتكەن بولاتىن. ال وبلىستا مۇنداي وقي­عانىڭ تورتەۋى تىركەلگەن. پو­ليتسەيلەر مەن دارىگەرلەر بالانىڭ تىنىم تاپپاي ءجۇ­گىرەتىن, قاۋىپ-قاتەردى تۇسىنبەيتىن كەزىندە تەرەزەگە وتە ىقتيات بولۋدى تاپسىرادى. بالاسى قۇلاعان تەرەزەدەن قايعى كىرەتىنىن اركىم ءتۇسىنۋى ءتيىس. ءنازيرا جارىمبەتوۆا, «ەگەمەن قازاقستان». رۋدنىي.