دەپۋتاتتىڭ ايتۋىنشا بۇل تەك قۇرعاق تسيفرلار ەمەس.
بىرىنشىدەن شەشىمنىڭ ارتىندا ناقتى ادامدار تۇر, ولار ءوز تاجىريبەسىندە ادىلدىكتىڭ بار ەكەنىن جانە مەملەكەت ونىڭ قالپىنا كەلتىرۋ ءۇشىن شىن مانىندە كۇرەسىپ جاتقانىن دالەلدەدى.
ەكىنشىدەن, قوعامدىق ساناسىندا جانە ساياسي تاجىريبەدە جەردىڭ ساتىلمايتىنى تۋرالى تۇسىنىك ورنىعىپ جاتىر. پرەزيدەنت اتاپ وتكەندەي, «جەر – ءبىزدىڭ باستى بايلىعىمىز. ونسىز ءبىزدىڭ مەملەكەت تە بولمايدى».
ۇشىنشىدەن, جەر مەملەكەت مەنشىگىنە قايتارىلىپ, تەك زاڭدى تۇردە ءبولىنىپ بەرىلۋدە.
تورتىنشىدەن, جەر تاقىرىبىندا ساياسي ۇپاي جيناپ, حالىقتىڭ سەنىمىن الۋعا جانە ونى مونەتيزاتسيالاۋعا تىرىسقان ءتۇرلى پوپۋليستەر مەن پسەۆدواكتيۆيستەر اشكەرەلەندى.
ء «ىرى كومپانيالار مەن كاسىپورىنداردىڭ مۇددەلەرى بىرنەشە ونجىلدىقتار بويى قوعامدىق جانە مەملەكەتتىك مۇددەلەردەن جوعارى بولدى. ولارعا زاڭدار جازىلدى, ستراتەگيالىق اكتيۆتەر — سۋ قويمالارى, جەرلەر, جىلۋ ەلەكتر ستانتسيالارى مەن گرەس, رەسۋرستار مەن جەر قويناۋى ءوتتى. بۇل — ءالسىز مەملەكەتتىڭ بەلگىلەرى ەدى. وسى جەردە ايگىلى بارلىعى تەڭ, بىراق كەيبىرەۋلەر تەڭدەردەن تەڭ, دەگەن فرازانى ەسكە تۇسىرۋگە بولادى. بۇل ەسكى تارتىپتەردىڭ ءمانىن وتە ءدال بەرەدى. باقىتىمىزعا وراي, ءبىزدىڭ ەل ءۇشىن ولار وتكەندە قالدى. ەندى ءبىرىنشى ورىنعا زاڭ مەن ءتارتىپ كەلدى. مەن زاڭگەر رەتىندە ايتا الامىن, بۇل ەكى قاعيدا — كەز كەلگەن قۇقىقتىق مەملەكەتتىڭ نەگىزى. ولار ءابسوليۋتتى جانە ادىلدىكتىڭ ولشەمى بولىپ تابىلادى», دەدى دەپۋتات.
ول سونداي-اق جاقىندا وتكەن ۇلتتىق قۇرىلتايدا مەملەكەت باسشىسىنىڭ كوپتەگەن ەلدەرگە حالىقارالىق ۇيىمداردىڭ تۋى استىندا جالعان دەموكراتيالىق قۇندىلىقتار تاڭىلىپ كەلگەنىن ايتقانىنا توقتالدى.
«بۇل ۇيىمدار ميللياردتاپ كەلىسىمشارتتار العان, ولاردى ەش جەردە جاريالاماي, ءوز مۇددەلەرىندە ەركىن پايدالانىپ كەلەدى. ليبەرالدى قۇندىلىقتار مەن «دەموكراتيالىق ماقساتتارعا» سىلتەمە جاساپ, كەيبىر قازاقستاندىق ۇيىمدار, بەلسەندىلەر مەن قۇقىق قورعاۋشىلار حالىقارالىق قورلاردىڭ اقشاسىنا ەلىمىزدەگى كەز كەلگەن وڭ وزگەرىستەردى سىناپ, قازاقستان ارقاشان ءۇشىنشى الەم ەلدەرىنىڭ ءبىرى بولىپ قالادى, ياعني «باناندىق رەسپۋبليكا» دەپ پىكىر تاراتىپ وتىردى. بۇدان بولەك, بۇل ۇكىمەتتىك ەمەس قورلار مەن ۇيىمدار ىشكى ىستەرىمىزگە اشىق ارالاسىپ, جۇيەلى تۇردە اقپاراتتىق شابۋىلدار ۇيىمداستىرىپ, حالىقتى اداستىرۋ ماقساتىندا پوپۋليستىك ۇراندارمەن «پروگرەسس پەن دەموكراتيا ءۇشىن» دەپ جاسىرىن ناۋقاندار جۇرگىزدى.ء بىز بارلىعىمىز ايقىن ءتۇسىنۋىمىز كەرەك, ەلىمىزدەگى بارلىق ماڭىزدى رەفورمالاردىڭ نەگىزى — زاڭ مەن ءتارتىپتىڭ ۇستەمدىگىن مۇلتىكسىز ساقتاۋ بولىپ تابىلادى», دەدى باقىتجان بازاربەك.
دەپۋتات قوعامدا وزەكتى, قوردالانعان جانە ءالى دە بولسا دا شەشىمىن تاپپاي جۇرگەن ماسەلەلەر جەتكىلىكتى ەكەنىن اتاپ ءوتتى.
ء«بىز سوتتاردى رەفورمالاۋ تۋرالى زاڭدى قابىلداپ, جوعارعى سوتتان دەربەس ازاماتتىق, قىلمىستىق جانە اكىمشىلىك ىستەر بويىنشا كاسساتسيالىق سوتتاردى قۇردىق. بىراق سوتتاردىڭ زاڭدى كۇشىنە ەنگەن شەشىمدەرى ورىندالماي كەلەدى. سەبەبى بارلىقتارىڭىزعا بەلگىلى. ول ءۇشىن ءالى دە زاڭنامانى جەتىلدىرۋىمىز قاجەت, كەم تۇستارىن قوعامنىڭ بۇگىنگى سۇرانىستارىنا ساي وزگەرتۋ ماڭىزدى. حالىقپەن كەشەندى تۇردە جۇرگىزىلىپ جاتقان قۇقىقتىق رەفورمانىڭ جوقتىعى, قۇقىقتىق نيگيليزم مەن ادامداردىڭ سانا سەزىمىندە زاڭدى اينالىپ ءوتۋ, زاڭعا باعىنباۋ, زاڭنىڭ جەتىلمەگەن تۇستارى مەن كەمشىلىگىن ءوز جەكە پايداسىنا بەيىمدەۋ سياقتى ءىس ارەكەتتەر جيىلەپ كەتتى. بىراق بۇگىنگى پارلامەنت دەپۋتاتتارى مۇنداي قيسىنسىز ارەكەتتەردىڭ تامىرىنا بالتا شاۋىپ كەلەدى. پرەزيدەنتىمىز ايتقانداي, ء«بىز ناداندىق پەن ەسكىلىككە, راديكاليزم مەن ماسىلدىققا, توعىشارلىققا جانە سىبايلاس جەمقورلىققا تاباندى تۇردە قارسى تۇرامىز». ياعني ءبارىمىز بىرگە ەلىمىزدەگى ناقتى وزگەرىستەرگە دەگەن جۇرتشىلىق سەنىمىن نىق ورنىقتىرامىز.وسىلايشا حالقىمىزدىڭ قۇقىقتىق مادەنيەتىن, زاڭدىق الەۋەتىن ارتتىرامىز», دەدى دەپۋتات.
