«مەنىڭشە, بۇلاي ەرەجەنى بۇزاتىندار ايتادى. قوعامنىڭ ءبىر بولىگى, ارينە, تۇسىنەدى. ءبىز بىرقاتار زاڭنامالىق شارا قابىلدادىق, كەيبىرى قاتاڭ شىعار, بىراق ونسىز ءتارتىپ ورناتۋ مۇمكىن ەمەس دەپ ويلايمىن. ەرەجەنى بۇزباساڭىز, ايىپپۇل سالىنبايدى. ادامدار وسىنى ءتۇسىنۋى كەرەك. ال جاعىمسىز ءسوزدى ايتاتىندار ءوز مەملەكەتىن, وتانىن قۇرمەتتەمەيتىن بولار. ول ادام وزىنە قاراپ الۋى كەرەك. ول نەگە بۇلاي ىستەيدى؟ ءتارتىپتى بۇزبا, تۇكىرمە. بۇل قاراپايىم عانا نارسە. بۇل مادەنيەت», دەدى ەلىمىزدىڭ باس پوليتسەيى.
ەرجان سادەنوۆ پوليتسيا بارىنشا كوپ ايىپپۇل جيناۋدى ماقسات ەتىپ وتىرماعانىن اتاپ ءوتتى.
«جالپى پوليتسيانىڭ ماقساتى پروفيلاكتيكا, زاڭ ارقىلى قوعامنىڭ ساناسىنا جەتكىزە وتىرىپ, الداعى ۋاقىتتا قۇقىق بۇزۋشىلىقتاردىڭ ازايۋىنا قول جەتكىزۋ ەكەنىن اتاپ وتكەن ءجون. ياعني, قوعامنىڭ ءوزى بۇلاي ىستەۋگە بولمايتىنىن ءتۇسىنۋى كەرەك. ءبىزدىڭ قوعام, مەملەكەتىمىز, حالقىمىز بۇعان جاقىن ارادا قول جەتكىزەدى دەپ ويلايمىن», دەدى ءىىم باسشىسى.
سونىمەن قاتار ەرجان سادەنوۆ «زاڭ مەن ءتارتىپ» قاعيداتى ءبىزدىڭ قوعامعا گەنەتيكالىق دەڭگەيدەن ءتان ەكەنىن ايتتى.
«جەتى جارعى» زاڭدار جيناعى بار, دالا زاڭدارى بولعان. ءتارتىپ بۇزبا. ءتارتىپتى بۇزساڭ, جاۋاپ بەرەسىڭ», دەدى ول.
ۆەدومستۆو باسشىسى جازانىڭ بۇلتارتپاۋشىلىق قاعيداتى قۇقىقتىق ءتارتىپ پەن زاڭدىلىقتى ساقتاۋعا جاعداي جاسايتىنىن اتاپ ءوتتى.
