فوتو: اشىق دەرەككوز
ول الماتىداعى بىرقاتار انيماتورلار «قازاقانيماتسيا» شىعارماشىلىق بىرلەستىگىن استاناعا كوشىرۋگە قارسىلىق ءبىلدىرىپ جاتقانىن, ونىڭ ۇستىنە انيماتسيانى دامىتۋعا ارنالعان ستراتەگيانىڭ ءالى تولىق ازىرلەپ بىتپەگەنىن ايتتى.
ء«بىز قازىر انيماتسيانى دامىتۋدىڭ الداعى 5 جىلعا ارنالعان كەشەندى جوسپارىن ازىرلەپ جاتىرمىز. ول جوسپاردا قارجىلاندىرۋ تەتىكتەرى دە قاراستىرىلعان. «قازاقانيماتسيا» شىعارماشىلىق بىرلەستىگىن استاناعا كوشىرۋ تۋرالى پايىمدار دا بار. ونداي پايىمعا نە نەگىز بولىپ وتىر؟
بىرىنشىدەن, بۇل جەردە Astana hub ورتالىعى ورنالاسقان. انيماتسيالىق قىزمەت ءىت-يندۋستريانىڭ دا ءبىر بولشەگى بولىپ ەسەپتەلەدى. Astana hub-تاعى يمپۋلس انيماتسيانىڭ دامۋىنا دا سەرپىن بەرەدى دەگەن ءۇمىت بار.
ەكىنشىدەن, بۇل جەردە جىل سايىن Comic Con فەستيۆالى وتەدى. بۇل جالپى تۇتاس انيماتسيا سالاسىنا ارنالعان, بۇكىل تمد اۋماعىنداعى ەڭ نەگىزگى شاراعا اينالىپ ۇلگەردى.
ۇشىنشىدەن, كرەاتيۆتى يندۋستريانى قولداۋعا ارنالعان مامانداندىرىلعان قوردىڭ قۇرىلاتىنىن ايتتىم. وسى سەبەپتەردى نەگىزىندە بىرلەستىكتى استاناعا كوشىرۋ تۋرالى پايىمعا كەلىپ وتىرمىز دەۋگە بولادى», دەدى ەۆگەني كوچەتوۆ.
ۆيتسە-ءمينيستردىڭ ايتۋىنشا, جوسپار بار بولعانىمەن ناقتى شەشىم ءالى قابىلدانباعان.
«انيماتسيانى دامىتۋدىڭ ستراتەگياسىن دايىنداپ بولعان كەزدە شەشىم بەلگىلى بولادى. قازىرگى پايىمىمىز وسىنداي. مەنىڭشە, بۇل «قازاقانيماتسيانى» ءارى قاراي دامىتۋ تۇرعىسىنان بارىنشا قيسىنعا كەلەتىن جوبا سياقتى. ءبىز انيماتورلاردىڭ بارىمەن بايلانىستامىز, ولاردىڭ ۋاجدەرىمەن دە تانىسپىز. ماسەلە ءالى تالقىلاۋ پروتسەسىندە. انيماتورلارمەن ءبىر-ەكى رەت كەزدەستىك تە. ءبارىنىڭ پىكىرى ەسكەرىلەدى. ونسىز ەشكىم شەشىم قابىلدامايدى», دەپ سەندىردى ەۆگەني كوچەتوۆ.
