انا العىسى – جۇرەك ءسوزى

پرەزيدەنت پوشتاسىنان مەملەكەت باسشىسىنىڭ اتىنا تۇركىستان قالاسىنىڭ تۇرعىنى گۇلميرا وتەگەنوۆادان حات كەلدى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. حات اۆتورى – ەگىز پەرزەنتتىڭ اناسى. ەگىزدىڭ سىڭارى ەركەجانعا دارىگەرلەر تۋعاندا “بالالاردىڭ تسەرەبرال سال اۋرۋى” دياگنوزىن قويعان. اناسى ونى ءبىرشاما اۋرۋحانالار مەن مەديتسينالىق ورتالىقتاردا ەمدەتكەن. ەمدەۋشى دارىگەر 2008 جىلى گ.وتەگەنوۆانى قىزىمەن بىرگە استاناداعى جاڭا رەسپۋبليكالىق بالالاردى وڭالتۋ ورتالىعىنا جىبەرگەن. انا مەن بالا ورتالىعىندا تەكسەرىستەن وتكەننەن كەيىن ەركەجانعا جەدەل تۇردە وپەراتسيا جاسالىپ, ناتيجە­سىندە 6 جاستاعى قىز جۇرە باستاعان. گۇلميرا ءوز حاتىندا قازىرگى ۋا­قىت­تا قىزىمەن بىرگە “بولاشاق” بولىمىندە دارىگەرلەردىڭ باقى­لاۋى­مەن تاعى دا تەكسەرۋدەن ءوتىپ جات­قانىن جازادى. ونىڭ جازۋىنشا, مۇندا قازاقستاننىڭ بارلىق ءوڭىر­لەرىنەن كەلگەن بالالار ەمدەلۋدە. ولار تەك ەم الىپ قانا جاتقان جوق, سونىمەن قاتار شىعار­ما­شىلىقپەن اينالىسۋدا, سۋرەت سالىپ, ولەڭ جازۋعا ماشىقتانۋدا. “ورتالىقتىڭ بارلىق قىز­مەت­كەرلەرىنە بالالارعا كورسەتكەن قامقورلىعى مەن جاناشىرلىعى ءۇشىن العىسىمدى ايتقىم كەلەدى. ۇجىمدا ورنىققان جوعارى كاسىبي­لىك, جاۋاپكەرشىلىك ماعان جانە مەنىڭ وتانداستارىما ۇلكەن اسەر قالدىردى”, دەلىنگەن حاتتا. ودان ءارى گ.وتەگەنوۆا مەم­لە­كەت باسشىسىنا دەگەن ءوز ريزا­شى­لىعىن بىلايشا جەتكىزەدى: “قا­زاق­ستاننىڭ باس قالاسىندا بىرقا­تار يننوۆاتسيالىق ورتالىقتاردىڭ باسىن قوسقان مەديتسينالىق كلاس­تەردى اشقانىڭىز ءۇشىن سىزگە زور العىسىمدى ايتامىن. ءبىز سىزگە بالالارىمىزعا كورسەتىلگەن كومەك ءۇشىن شىن جۇرەگىمىزدەن ريزا­شى­لىعىمىزدى بىلدىرەمىز. ءسىزدىڭ باستاماڭىزبەن قۇرىلعان سەرپىندى جوبالار قازاقستاندىقتاردىڭ ءومىر ءسۇرۋ دەڭگەيىن جاقسارتىپ, ءبىزدىڭ مەملەكەتىمىزدىڭ دامۋىن جاڭا تەحنولوگيالىق ساپاعا كوتەرۋگە مۇمكىندىكتەر بەردى. وسى زامانعى بىرەگەي ەمدەۋ مەكەمەلەرىن قۇرۋ جونىندەگى ءسىز قابىلداعان كورەگەن شەشىمدەر قازىردىڭ وزىندە مىڭ­داعان ادام ءومىرىن قۇتقارىپ قال­دى. ءسىزدىڭ تاريحي جاسامپاز­دى­عىڭىز حالىق جادىندا عاسىرلارعا جەتە بەرمەك. قۇرمەتتى نۇرسۇلتان ءابىش ۇلى, ءسىز ءبىز ءۇشىن, قازاق­ستان­نىڭ بارلىق حالقى ءۇشىن – ۇلت كوش­باسشىسىسىز! سىزگە مىقتى دەن­ساۋلىق, ءاربىر جاڭا كۇن ءسىزدىڭ ۇيىڭىزگە كەلىسىم مەن باقىت اكە­لۋىن, تىلەكتەرىڭىزدىڭ ورىندالۋىن جانە تابىس تىلەيمىن! ءسىزدىڭ جانە ءسىزدىڭ جاقىندارىڭىزدىڭ يگىلىگى مول بولسىن!”. بۇل حاتقا سونداي-اق بالالاردى وڭالتۋ ورتالىعىندا, انا مەن بالا ورتالىعىندا جانە نەي­رو­حي­رۋر­گيا ور­تالىعىندا ەمدەلىپ جات­قان وندا­عان بالالاردىڭ انالارى قول قويعان.