ستاتيستيكالىق مالىمەتتەرگە توقتالساق. بىلتىر قازاقستاندا 123,6 مىڭ نەكە تىركەلدى, بۇل 2023 جىلمەن سالىستىرعاندا 2,2%-عا ارتىق. ورتاشا نەكە جاسى: ەرلەر – 27,9 جاس, ايەلدەر ¬– 25,2 جاس. ەڭ كوپ نەكە شىلدە ايىندا تىركەلگەن – 13 739.
وتباسى – بۇل ءار ادامنىڭ ومىرىندەگى باستى قۇندىلىق, كۇش, قۋات, جاقسىلىق, ۇيلەسىمدىلىك كوزى. قازاق حالقى وتباسىنىڭ ادام ومىرىندەگى ماڭىزدىلىعىن, ونىڭ ءبىلىم بەرۋدەگى جانە بولاشاق ۇرپاقتى تاربيەلەۋدەگى ءرولىن تەرەڭ تۇسىنگەن. «جانۇياسىز ادام – جەمىسسىز اعاش», «بالانىڭ باس ۇستازى – اتا-اناسى», «وتباسىنىڭ ءسانى – سىيلاستىق», «اتا – اسقار تاۋ, انا – باۋىرىڭداعى بۇلاق, بالا – جاعاسىنداعى قۇراق», «اتاسىز ءۇي – باتاسىز, اناسىز ءۇي – پاناسىز» دەگەن ماقالدىڭ ءوزى سونىڭ ايعاعى.
