پاتەرلەر 2012–2015 جىلدارى باسپانا كەزەگىنە تۇرعان مۇقتاج وتباسىلارعا بۇيىردى. ولاردىڭ قاتارىندا كوپبالالى انالار, ءىى توپ مۇگەدەكتەرى, تولىق ەمەس وتباسىلار, جەتىم بالالار, سوعىس ارداگەرلەرىنە تەڭەستىرىلگەن ازاماتتار بار.
جاڭا پاتەرگە قول جەتكىزىپ, قونىس تويىن تويلاعان وتباسىلاردىڭ قۋانى-شىنا ءوڭىر باسشىسى ەربول قاراشوكەەۆ ورتاقتاسىپ, مەملەكەت باسشىسىنىڭ تاپسىرماسى اياسىندا قولعا العان جۇمىس ءارى قاراي جالعاسىن تاباتىنىن ايتىپ, تۇرعىنداردى قۋانتتى.
«مەملەكەتتىك ساياساتتىڭ باسىم باعىتىنىڭ ءبىرى – الەۋمەتتىك وسال توپتاردى باسپانامەن قامتاماسىز ەتۋ. حالىقتى تۇرعىن ۇيمەن قامتۋ جۇمىسى پرەزيدەنت قاسىم-جومارت توقاەۆتىڭ نازارىنان تىس قالعان ەمەس. سوندىقتان بۇل باعىتتاعى جۇمىس الداعى ۋاقىتتا دا ۇزدىكسىز جۇرگىزىلەدى. جاڭا پاتەرگە يە بولعان بارلىق وتباسىنى قۋانىشىمەن قۇتتىقتايمىن. شاڭىراقتارىڭىزدان شاتتىق ۇزىلمەسىن», دەگەن وبلىس باسشىسى پاتەر كىلتتەرىن, تۇرمىستىق تەحنيكانىڭ سەرتيفيكاتىن تابىستادى.
بىرەر جىل بۇرىن قۇرىلىسى باستالعان, « ۇلى دالا» شاعىن اۋدانىندا ورنالاسقان تۇرعىن ءۇيدىڭ جالپى اۋدانى – 9 600 شارشى مەتر. كوپپاتەرلى تۇرعىن ءۇي قۇرىلىسىن «Aulet Story Taraz» جشس جۇرگىزدى. تۇرعىندارمەن بىرگە سۋ جاڭا تۇرعىن ءۇيدى ارالاپ كورگەن ءوڭىر باسشىسى ەربول قاراشوكەەۆ پاتەرلەردىڭ ساپاسىنا ايرىقشا نازار اۋداردى. كەيىننەن جاڭادان سالىنعان تۇرعىن ءۇي ماڭىنا 20 ءتۇپ اعاش وتىرعىزىلدى.
ء«ار ادام ءوز شاڭىراعىنىڭ بولعانىن قالايتىنى بەلگىلى. ء«وز ءۇيىم – ولەڭ توسەگىم» دەگەن ءسوز بەكەر ايتىلماعان عوي. بۇگىن مىنە, ۇزاق جىل بويى سارىلا كۇتكەن پاتەردىڭ كىلتى قولىمىزعا ءتيىپ, توبەمىز كوككە جەتىپ, قۋانىپ وتىرمىز. كوپبالالى انالارعا ايرىقشا قامقورلىق كورسەتىپ جاتقان مەملەكەت باسشىسىنا, وڭىردەگى اتقامىنەر ازاماتتارعا ايتار العىسىم شەكسىز. مۇنداي باسپانا پاتەرگە مۇقتاج ءاربىر وتباسىعا بۇيىرسىن دەگەن تىلەك بار», دەيدى كوپبالالى انا ءمولدىر شادمانوۆا كوڭىلىن كەرنەگەن شاتتىق سەزىمىن ءبولىسىپ.
جەرگىلىكتى اتقارۋشى بيلىك وكىلدەرى كەلتىرگەن دەرەككە سەنسەك, بيىل وڭىردە 765 مىڭ شارشى مەتر تۇرعىن ءۇي سالىنادى, 2 390 پاتەرلى 50 تۇرعىن ءۇي پايدالانۋعا بەرىلەدى. سونداي-اق تۇرعىن ءۇي كەزەگىندە تۇرعان حالىقتىڭ الەۋمەتتىك وسال توپتارىنا 4,9 ملرد تەڭگەگە 361 پاتەر ساتىپ الۋ جوسپارلانعان.
تاراز
