الەمدە قارقىندى دامىپ جاتقان جاساندى ينتەللەكت سالاسىنا ەلىمىز دە كوڭىل ءبولىپ, ارنايى زاڭ شىعارۋدى قولعا العان. پرەزيدەنت قاسىم-جومارت توقاەۆ: «ساراپشىلاردىڭ ايتۋىنشا, جاساندى ينتەللەكت تەحنولوگياسىنىڭ تيىمدىلىگى جىل وتكەن سايىن ارتا تۇسپەك. سوندىقتان الدىمىزدا اۋقىمدى مىندەتتەر تۇر. قازاقستان ەۋرازياداعى اسا ءىرى تسيفرلىق حابقا اينالۋعا ءتيىس. تسيفرلىق دامۋ ماسەلەسىنە تىڭ, جاڭاشا كوزقاراسپەن قاراۋ قاجەت», دەگەن ەدى.
جوبا باستاماشىلارى ەلىمىز دە بۇل سالادا كوشتەن قالماۋى ءۇشىن ەكى جىل بۇرىن قازاقتىلدى اۋديتورياعا ارناپ ارنايى ەڭبەك جازۋعا كىرىسكەن. كىتاپ جاساندى ينتەللەكتىنىڭ نەگىزگى قاعيدالارىن, ونىڭ قازىرگى دامۋ دەڭگەيىن, بولاشاق مۇمكىندىگىن تۇسىنۋگە كومەكتەسەتىن بىرەگەي قۇرال بولماق. سالانى زەرتتەپ جۇرگەن كىتاپ اۆتورى – جاساندى ينتەللەكت جانە IT تەحنولوگيا سالاسىنىڭ ساراپشىسى, جۋرناليست مەيىرجان اۋەلحان ۇلىنىڭ ايتۋىنشا, كىتاپ – باعدارلامالاۋدى بىلمەيتىن, بىراق AI مۇمكىندىكتەرىن زەرتتەپ, قولدانعىسى كەلەتىن ادامدارعا ارنالعان. جاساندى ينتەللەكت سالاسىنداعى نەگىزگى ۇعىمداردى قاراپايىم تىلمەن تۇسىندىرەدى.
«بۇل كىتاپ زاماناۋي تەحنولوگيالاردى تەرەڭ ءتۇسىنىپ, ءتيىمدى پايدالانۋدى ويلاپ جۇرگەن, جاڭا مۇمكىندىك, شابىت ىزدەپ جۇرگەن, جي الەمىندەگى العاشقى قادامدى دۇرىس باسۋدى قالايتىن وقىرمانعا ارنالعان. كىتاپتى وقىعان سوڭ, ءسىز جي-ءدىڭ تەك قۇرال ەمەس, شەكسىز مۇمكىندىك الەمى ەكەنىن تۇسىنەسىز. ءوز سالاڭىزدا جاڭا دەڭگەيگە كوتەرىلۋگە مۇمكىندىك الاسىز. جاقىن 1-2 جىلدا جي ەشكىمنىڭ ورنىن اۋىستىرا قويمايدى, تەك جي-ءدى مەڭگەرگەن مامان سۇرانىسقا يە بولادى», دەيدى مەيىرجان اۋەلحان ۇلى.
قازىردىڭ وزىندە كىتاپقا سۇرانىس وتە جوعارى بولعاندىقتان, ەكىنشى رەت باسىلىمعا جىبەرىلگەن. وقىرمان تاراپىنان ايتىلعان جاعىمدى پىكىرلەر دە كوپ. بەلگىلى پۋبليتسيست ءارى ەڭبەكتىڭ رەداكتورى قاينار ولجايدىڭ ايتۋىنشا, كىتاپ وتە ساۋاتتى جازىلعان. «تۇتاس قولجازبادان تازا ءبىر ءارىپ قاتەسىن تاپتىق. تىنىس بەلگىسى دە تەگىس ورنىندا. مۇنداي مۇقيات جازىلعان ەڭبەكتى قازىر كەزدەستىرۋ قيىن. ريزا بولدىق. بۇل – بىرىنشىدەن. ەكىنشىدەن, كىتاپ قازاق وقىرمانىنا اۋاداي قاجەت سالا جايىندا. جاساندى ينتەللەكت دەگەن نە دەگەن ساۋالعا تەرەڭنەن قوپارىپ, اينالانى تۇگەل اداقتاپ جاۋاپ بەرگەن. قانشاما تەرميننىڭ تۇسىنىگى كەلتىرىلگەن. قازاقتىڭ رۋ تۇگەندەگەنى سياقتى جاساندى ينتەللەكت ءونىمىن ۇسىنىپ وتىرعان شەتەلدىك كومپانيالار سيپاتتالعان. ۇشىنشىدەن, «ال جاساندى ينتەللەكتى ءنى قالاي جۇمساۋ كەرەك» دەگەندەر ءۇشىن تولىق تاجىريبەلىك كۋرس قامتىلعان. وي ىسىندەگى قولعاناتقا سان سالادا بەرىلەتىن تاپسىرما (ونى «پرومپت» دەيدى ەكەن) تولىق تىزىلگەن. شەكەسىنەن شەرتىپ الىپ قولدانا بەرەسىز», دەيدى رەداكتور.
بەلگىلى پەداگوگ ومىربەك شىنىبەك ۇلى وسى كىتاپتى وقۋ-اعارتۋ مينيسترلىگىنىڭ ساراپشىلارى قاراپ شىعىپ, قوسار-الار تۇستارى بولسا اۆتورمەن جۇمىس ىستەپ, مەكتەپتەرگە تاراتۋ كەرەك دەگەن ۇسىنىسىن ايتتى.
ءىس-شارا اياسىندا «AI-HUB» كومپانياسى قۇرىلتايشىلارىنىڭ ءبىرى نۇربولات نىشانباەۆ «TurkAI» قاۋىمداستىعى قۇرىلىپ, تۇركى مەملەكەتتەرىمەن دە بىرلەسكەن جۇمىستار كۇشەيتىلەتىنىن حابارلادى. ءىس-شاراعا ونلاين قاتىسقان تۇركيا, ازەربايجان, قىرعىزستان, وزبەكستاننىڭ جاساندى ينتەلەكت سالاسىندا جۇمىس ىستەيتىن كومپانيا باسشىلارى تۇركى مەملەكەتتەرىنىڭ جاساندى ينتەللەكت اسسوتسياتسياسىنىڭ قازاقستاندا قۇرىلۋىنىڭ ءوزى ماڭىزدى وقيعا دەپ اتاپ ءوتتى.
«AI-HUB» كومپانياسىنىڭ نەگىزىن قالاۋشىلاردىڭ ءبىرى ەرجانار اشەيحاننىڭ ايتۋىنشا, قازاق اۋديتورياسى زامان كوشىنەن قالماۋ ءۇشىن جاساندى ينتەللەكت سالاسىندا ىرگەلى ىستەر اتقارۋعا قاتىستى اۋقىمدى ستراتەگيا ازىرلەنگەن. «AI-HUB» – جاساندى ينتەللەكت, IT, كيبەر جانە اقپاراتتىق قاۋىپسىزدىك, اقپاراتتىق جانە تسيفرلىق تەحنولوگيالار, سونداي-اق بيوتەحنولوگيالاردى زەرتتەۋ مەن دامىتۋعا باعىتتالعان بىرەگەي ۇيىم. نەگىزگى ماقساتى – وزىق تەحنولوگيالاردى ءتۇرلى سالالارعا ەنگىزۋ, حالىقتىڭ تسيفرلىق جانە اقپاراتتىق ساۋاتىن ارتتىرۋ, سونداي-اق سالالىق ستارتاپتاردى قولداۋ.
