قازاقستان رەسپۋبليكاسى ىشكى ىستەر مينيسترلىگىنىڭ بۇيرىعى  №152 

2015 جىلعى 25 اقپاناستانا قالاسى قازاقستان رەسپۋبليكاسىنىڭ ۇلتتىق ۇلانىندا اسكەري قىزمەت وتكەرۋ نۇسقاۋلىعىن ەسكەرۋ تۋرالى «قازاقستان رەسپۋبليكاسىنىڭ ۇلتتىق ۇلانى تۋرالى» 2015 جىلعى 10 قاڭتارداعى قازاقستان رەسپۋبليكاسى زاڭىنىڭ 12-بابىنىڭ 11) تارماقشاسىنا سايكەس بۇيىرامىن: 1. قوسا بەرىلىپ وتىرعان قازاقستان رەسپۋبليكاسىنىڭ ۇلتتىق ۇلانىندا اسكەري قىزمەت وتكەرۋ نۇسقاۋلىعى بەكىتىلسىن. 2. قازاقستان رەسپۋبليكاسى ۇلتتىق ۇلانىنىڭ باس قولباسشىلىعى (ر.ف. جاقسىلىقوۆ) زاڭنامادا بەلگىلەنگەن تارتىپپەن: 1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى; 2) وسى بۇيرىقتى مەملەكەتتىك تىركەلگەننەن كەيىن كۇنتىزبەلىك ون كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جولداۋدى; 3) وسى بۇيرىقتى قازاقستان رەسپۋبليكاسى ىشكى ىستەر مينيسترلىگىنىڭ ينتەرنەت-رەسۋرسىندا ورنالاستىرۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ۇلتتىق ۇلانىنىڭ باس قولباسشىلىعىنا (ر.ف. جاقسىلىقوۆ) جۇكتەلسىن. 4. وسى بۇيرىق العاش رەسمي جاريالانعاننان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. مينيستر پوليتسيا گەنەرال-لەيتەنانتى ق. قاسىموۆ. قازاقستان رەسپۋبليكاسى ىشكى ىستەر ءمينيسترىنىڭ 2015 جىلعى 25 اقپانداعى № 152 بۇيرىعىمەن بەكىتىلگەن قازاقستان رەسپۋبليكاسىنىڭ ۇلتتىق ۇلانىندا اسكەري قىزمەت وتكەرۋ نۇسقاۋلىعى 1. جالپى ەرەجەلەر وسى قازاقستان رەسپۋبليكاسىنىڭ ۇلتتىق ۇلانىندا اسكەري قىزمەت وتكەرۋ نۇسقاۋلىعى (بۇدان ءارى – نۇسقاۋلىق) قازاقستان رەسپۋبليكاسىنىڭ ۇلتتىق ۇلانىنداعى اسكەري لاۋازىمداردى جاساقتاۋعا, بەيبىت ۋاقىتتا لاۋازىمدارعا تاعايىنداۋعا جانە قىزمەت بويىنشا اۋىستىرۋعا, اسكەري اتاقتار بەرۋگە, دەمالىستار بەرۋگە جانە قازاقستان رەسپۋبليكاسى ۇلتتىق ۇلانىنىڭ اسكەري قىزمەتشىلەرىن جۇمىستان شىعارۋعا قاتىستى اسكەري قىزمەت تۋرالى زاڭنامانى قولدانۋدى ناقتىلايدى. نۇسقاۋلىق «قازاقستان رەسپۋبليكاسىنىڭ ۇلتتىق ۇلانى تۋرالى» 2015 جىلعى 10 قاڭتارداعى قازاقستان رەسپۋبليكاسىنىڭ زاڭىنا جانە قازاقستان رەسپۋبليكاسى پرەزيدەنتىنىڭ 2006 جىلعى 25 مامىرداعى №124 جارلىعىمەن بەكىتىلگەن قازاقستان رەسپۋبليكاسىنىڭ قارۋلى كۇشتەرىندە, باسقا دا اسكەرلەرى مەن اسكەري قۇرالىمدارىندا اسكەري قىزمەت وتكەرۋ قاعيدالارىنا (بۇدان ءارى – قاعيدالار) سايكەس ازىرلەندى. 2. قازاقستان رەسپۋبليكاسىنىڭ ۇلتتىق ۇلانىنا كەلىسىمشارت بويىنشا اسكەري قىزمەتكە كىرۋ ءۇشىن كانديداتتاردى ىرىكتەۋ جانە زەردەلەۋ ءتارتىبى 1. وفيتسەرلەر, سەرجانتتار مەن ساربازدار قۇرامدارىنىڭ اسكەري لاۋازىمدارىنا كەلىسىمشارت بويىنشا اسكەري قىزمەتكە قابىلداۋ ءۇشىن كانديداتتاردى ىرىكتەۋدى جانە زەردەلەۋدى وڭىرلىك قولباسشىلىقتاردىڭ كادر قىزمەتتەرى, اسكەري بولىمدەردىڭ (اسكەري ينستيتۋت) جانە قازاقستان رەسپۋبليكاسى ۇلتتىق ۇلان باس قولباسشىلىعىنىڭ (بۇدان ءارى – ۇۇبق) كومانديرلەرى جۇزەگە اسىرادى. 2. كانديداتتاردىڭ ءوتىنىش بەرۋ ۋاقىتى مەن كۇندەرى, سونداي-اق قۇجاتتاردىڭ قاجەتتى تىزبەسى, دەنە شىنىقتىرۋ دايارلىعى بويىنشا نورماتيۆتەر, كانديداتتارعا قويىلاتىن بىلىكتىلىك جانە باسقا دا تالاپتار باقىلاۋ-وتكىزۋ پۋنكتىندەگى (بۇدان ءارى – ءبوپ) اقپارات تاقتاسىندا كورسەتىلەدى. 3. اسكەري قىزمەتكە كانديداتتار لاۋازىمدى ادامنىڭ ىلەسىپ جۇرۋىمەن بەلگىلەنگەن ۋاقىتتا اسكەري ءبولىمنىڭ كادر بولىنىسىنە كەلەدى. كادر قىزمەتى نەمەسە كادر ماسەلەلەرى جونىندەگى لاۋازىمدى ادام كانديداتتارعا كەلىسىمشارت بويىنشا اسكەري قىزمەتكە قابىلداۋ, ونىڭ ىشىندە دەنە شىنىقتىرۋ دايارلىعى بويىنشا نورماتيۆتەردى تاپسىرۋ ءتارتىبىن جانە اسكەري-دارىگەرلىك كوميسسيالاردا مەديتسينالىق كۋالاندىرۋدىڭ قاجەتتىلىگى تۋرالى تۇسىندىرەدى. بوس لاۋازىمعا كانديداتقا وسى نۇسقاۋلىققا 1-قوسىمشاعا سايكەس كەلىسىمشارت بويىنشا اسكەري قىزمەت وتكەرۋگە نيەت بىلدىرگەن ادامدار ۇسىنالاتىن قۇجاتتار تىزبەسى بەرىلەدى. 4. قۇجاتتاردىڭ تولىق تىزبەسى ۇسىنىلعاننان كەيىن كانديدات وسى نۇسقاۋلىققا 2-قوسىمشاعا سايكەس بوس لاۋازىمعا بەلگىلەنگەن ۇلگىدەگى بايانات ء(وتىنىش) تولتىرادى. بايانات ء(وتىنىش) قازاقستان رەسپۋبليكاسىنىڭ زاڭناماسىنا سايكەس تىركەلۋى ءتيىس. 5. بۇدان كەيىن كادر قىزمەتى نەمەسە كادر ماسەلەلەرى جونىندەگى لاۋازىمدى ادام قول قويعىزا وتىرىپ, كانديداتقا ول اسكەري قىزمەت وتكەرۋى بولجاناتىن ءبولىنىستىڭ كومانديرىمەن الدىن الا اڭگىمەلەسۋ وتكىزۋ كۇنى تۋرالى حابارلايدى. 6. كادر قىزمەتى نەمەسە كادر ماسەلەلەرى جونىندەگى لاۋازىمدى ادام كانديدات تۋرالى اقپاراتتى اسكەري پوليتسيا قىزمەتىنە جولدايدى, سونداي-اق ارنايى تەكسەرىستى جۇرگىزۋ ءۇشىن قازاقستان رەسپۋبليكاسى پرەزيدەنتىنىڭ 1997 جىلعى 26 مامىرداعى № 3533ق جارلىعىمەن بەكىتىلگەن «قازاقستان رەسپۋبليكاسىندا مەملەكەتتىك قىزمەتكە قابىلداناتىن ازاماتتاردى مىندەتتى ارنايى تەكسەرۋ جونىندەگى نۇسقاۋلىققا» سايكەس قۇجاتتاردى رەسىمدەيدى. 7. بوس لاۋازىمى بار ءبولىنىستىڭ كومانديرى كانديداتپەن الدىنا الا اڭگىمەلەسۋ جۇرگىزەدى جانە ونىڭ ناتيجەلەرى بويىنشا وسى نۇسقاۋلىققا 3-قوسىمشاعا سايكەس نىسان بويىنشا اسكەري قىزمەتكە قابىلداۋ تۋرالى قورىتىندىنىڭ ءبىرىنشى ءبولىمىن تولتىرادى. الدىن الا اڭگىمەلەسۋ پروتسەسىندە ءبولىنىس كومانديرى كانديداتتىڭ كاسىبي دايارلىعى دەڭگەيىن, بوس لاۋازىم بويىنشا ءتيىستى قىزمەت سالاسى بويىنشا ءبىلىمىنىڭ بار-جوعىن انىقتايدى, سونداي-اق بوس لاۋازىم بويىنشا اسكەري قىزمەت سيپاتىن تۇسىندىرەدى. 8. كادر قىزمەتى نەمەسە كادر ماسەلەلەرى جونىندەگى لاۋازىمدى ادام كانديداتتىڭ «اسكەري قىزمەت جانە اسكەري قىزمەتشىلەردىڭ مارتەبەسى تۋرالى» 2012 جىلعى 16 اقپانداعى قازاقستان رەسپۋبليكاسى زاڭىنىڭ 38-بابىندا كوزدەلگەن تالاپتارعا سايكەستىگىن تەكسەرەدى. ول ءۇشىن قازاقستان رەسپۋبليكاسى باس پروكۋراتۋراسى جانىنداعى قۇقىقتىق ستاتيستيكا جانە ارنايى ەسەپكە الۋ كوميتەتىنە سۇراۋ سالۋلار جولدايدى. 9. كادر قىزمەتى نەمەسە كادر ماسەلەلەرى جونىندەگى لاۋازىمدى ادام كانديداتقا قول قويعىزا وتىرىپ, ءبولىم كومانديرىنىڭ (باستىعىنىڭ) قولىمەن بوس لاۋازىمدى كورسەتە وتىرىپ, اسكەري-دارىگەرلىك كوميسسياعا مەديتسينالىق كۋالاندىرۋ ءۇشىن جولداما بەرەدى. مەديتسينالىق كۋالاندىرۋ ناتيجەلەرى وسى نۇسقاۋلىققا 3-قوسىمشاعا سايكەس اسكەري قىزمەتكە قابىلداۋ تۋرالى قورىتىندىنىڭ ءۇشىنشى بولىمىندە كورسەتىلەدى. 10. زەردەلەۋدىڭ قورىتىندى ناتيجەلەرى اسكەري قىزمەتكە قابىلداۋ تۋرالى قورىتىندىنىڭ ءتورتىنشى بولىمىندە جازىلادى, وندا زەردەلەۋدى كىم جۇرگىزگەنى, كانديداتتىڭ الداعى جۇمىسى ءۇشىن قاجەتتى قابىلەتتەردىڭ قايسىسىن كورسەتكەنى جانە كانديداتتى سول نەمەسە وزگە لاۋازىمعا پايدالانۋ مۇمكىندىگى نەمەسە مۇمكىن ەمەستىگى تۋرالى قورىتىندى, سونداي-اق كانديداتتى جانە ونىڭ جەكە ەرەكشەلىكتەرىن سيپاتتايتىن مالىمەتتەر كورسەتىلەدى. 11. كانديداتتى زەردەلەۋ اياقتالعاننان كەيىن اسكەري قىزمەتكە قابىلداۋ تۋرالى تولتىرىلعان قورىتىندى كادر بولىنىسىنە نەمەسە كادر ماسەلەلەرى جونىندەگى لاۋازىمدى ادامعا كانديداتتىڭ جەكە ءىسى ماتەريالدارىن ودان ءارى راسىمدەۋ ءۇشىن جولدانادى. 12. اسكەري قىزمەتكە قابىلداۋ تۋرالى قورىتىندى كانديداتتىڭ اسكەري قىزمەت وتكەرۋى بولجاناتىن اسكەري ءبولىم كومانديرىنىڭ (باستىعىنىڭ) جەتەكشىلىك ەتەتىن ورىنباسارىمەن كەلىسىلەدى جانە ونى لاۋازىمعا تاعايىنداۋ قۇقىعى بار اسكەري ءبولىم كومانديرى (باستىعى) بەكىتەدى. 13. اسكەري-دارىگەرلىك كوميسسيادان ءوتۋ ناتيجەلەرى بويىنشا كانديدات «قازاقستان رەسپۋبليكاسى ءىىم ىشكى اسكەرلەرىندە دەنە شىنىقتىرۋ دايارلىعى بويىنشا نورماتيۆتەردى جۇرگىزۋ تۋرالى» قازاقستان رەسپۋبليكاسى ىشكى ىستەر ءمينيسترىنىڭ 2012 جىلعى 23 شىلدەدەگى № 412 بۇيرىعىنا سايكەس دەنە شىنىقتىرۋ دايارلىعى بويىنشا نورماتيۆتەردى تاپسىرادى. ءبولىمنىڭ دەنە شىنىقتىرۋ جانە سپورت باستىعى (بۇركىت ارنايى ماقساتتاعى ءبولىنىسىنىڭ كومانديرى) باعالارى بار باعالاۋ ۆەدوموسىن كادر قىزمەتىنە نەمەسە كادر ماسەلەلەرى جونىندەگى لاۋازىمدى ادامعا ۇسىنادى. 14. كانديداتتاردى ىرىكتەۋدى ىرىكتەۋ كوميسسياسى سوتتالعاندىعىن انىقتايتىن تالاپتاردىڭ (سۇراۋ سالۋ) ناتيجەلەرى, اسكەري-دارىگەرلىك كوميسسيا جانە دەنە شىنىقتىرۋ دايارلىعى بويىنشا نورماتيۆتەردى تاپسىرۋ قورىتىندىلارى كەلىپ تۇسكەننەن كەيىن جۇرگىزەدى. 15. قۇرامىندا توراعا, حاتشى (كادر ءبولىنىسىنىڭ وكىلى) جانە كەمىندە ءۇش ادامنان تۇراتىن كوميسسيا مۇشەلەرى كىرەتىن ىرىكتەۋ كوميسسياسىن اسكەري ءبولىمنىڭ كومانديرى قۇرادى جانە بەكىتەدى. 16. ىرىكتەۋ كوميسسياسى كاسىبي جانە پسيحولوگيالىق ناتيجەلەرىنىڭ دەرەكتەرى نەگىزىندە ناقتى لاۋازىمدى اتقارۋ ءۇشىن كانديداتتىڭ ءبىلىمىنىڭ ونى تاعايىنداۋ كوزدەلەتىن اسكەري لاۋازىمنىڭ اسكەري-ەسەپتىك ماماندىعىنا, كانديداتتىڭ دەنە شىنىقتىرۋ دايارلىعى مەن كاسىبي جارامدىلىعى سايكەس كەلۋىن تەكسەرەدى. 17. ىرىكتەۋ كوميسسيالارى كانديداتتاردى كەلىسىمشارت بويىنشا اسكەري قىزمەت وتكەرۋ ءۇشىن ىرىكتەۋ كەزىندە كانديداتتارمەن اڭگىمەلەسۋ وتكىزەدى, كانديداتتاردىڭ كادر ءبولىنىسى ۇسىنعان جەكە ىستەرىن جانە قوسىمشا ماتەريالدارىن زەردەلەيدى, سونداي-اق ىرىكتەۋگە قاتىسقان كانديداتتاردى اسكەري قىزمەتكە قابىلداۋدىڭ ماقساتقا ساي بولۋى نەمەسە باس تارتۋ سەبەبىن نەگىزدەمە بەرە وتىرىپ, ولاردى قابىلداۋدان باس تارتۋ تۋرالى شەشىم قابىلدايدى. شەشىم ىرىكتەۋ كوميسسياسى وتىرىسىنىڭ حاتتاماسىمەن رەسىمدەلەدى, ونى وسى نۇقساۋلىققا 4-قوسىمشاعا سايكەس ءبولىم كومانديرى بەكىتەدى. باس تارتۋ سەبەبىن كورسەتە وتىرىپ, كەلىسىمشارت بويىنشا اسكەري قىزمەتكە قابىلداۋدان باس تارتۋ كانديداتتارعا قول قويعىزا وتىرىپ, جازباشا تۇردە بەرىلەدى. 18. ىرىكتەۋ كوميسسياسىنىڭ بەكىتىلگەن قورىتىندىسى نەگىزىندە كادر ءبولىنىسى اسكەري قىزمەت وتكەرۋ تۋرالى كەلىسىمشارت رەسىمدەيدى جانە كانديدات پەن ءبولىم كومانديرىنە (ينستيتۋت باستىعىنا) قول قويعىزادى. بۇدان كەيىن ءبولىم كومانديرى (باستىق) كەلىسىمشارت بويىنشا اسكەري قىزمەتكە قابىلداۋ تۋرالى بۇيرىق شىعارادى. جەكە قۇرام بويىنشا بۇيرىقتىڭ نەگىزىندە كانديدات ءبولىمنىڭ جەكە قۇرام تىزىمىنە تىركەلەدى جانە لاۋازىمىن اتقارۋعا جىبەرىلەدى. 19. جەكە قۇرام بويىنشا بۇيرىق شىعارىلعاننان كەيىن ءۇزىندى اسكەري ەسەپتە تۇرعان جەرى بويىنشا جەرگىلىكتى اسكەري باسقارۋ ورگانىنىڭ (بۇدان ءارى - ءجابو) باستىعىنا اسكەري ەسەپتەن شىعارۋ ءۇشىن جولدانادى. سونىمەن قاتار زاپاستا تۇرماعان ادامعا اسكەري بيلەت بەرۋ تۋرالى سۇراۋ سالۋ جولدانادى. 3. اسكەري قىزمەتشىلەردى اسكەري لاۋازىمدارعا تاعايىنداۋ جانە اۋىستىرۋ ءتارتىبى 20. اسكەري قىزمەتشىلەردى شتاتتىق لاۋازىمدارعا ولاردىڭ تىكەلەي باستىقتارى قازاقستان رەسپۋبليكاسى ۇلتتىق ۇلانىنىڭ لاۋازىمدار نومەنكلاتۋراسىنا سايكەس تاعايىندايدى. 21. وفيتسەرلەر قۇرامىنىڭ ادامدارىن اسكەري لاۋازىمدارعا تاعايىنداۋ جەكە باتالون كومانديرىنەن باستاپ جوعارى تىكەلەي باستىقتاردىڭ ۇسىنىمى بويىنشا جۇرگىزىلەدى. 22. لاۋازىمدارعا تاعايىنداۋعا ارنالعان ۇسىنىمدار جەتەكشىلىك ەتەتىن كادر بولىنىستەرى ارقىلى تىكەلەي باستىقتارعا جولدانادى. 23. ساربازدار مەن سەرجانتتار قۇرامىنىڭ ادامدارىن اسكەري لاۋازىمدارعا تاعايىنداۋ قازاقستان رەسپۋبليكاسى ۇكىمەتىنىڭ 2006 جىلعى 17 تامىزداعى № 777 قاۋلىسىمەن بەكىتىلگەن ۇلگى نىسانعا سايكەس روتا كومانديرىنەن باستاپ جوعارى تىكەلەي باستىقتاردىڭ ۇسىنىمى بويىنشا (اسكەري قىزمەتكە قابىلداۋ كەزىندە ۇسىنىم رەسىمدەلمەيدى) جۇرگىزىلەدى. 24. وفيتسەرلەر قۇرامىنىڭ ادامدارىن قازاقستان رەسپۋبليكاسى ۇلتتىق ۇلانىنىڭ باس قولباسشىسى نومەنكلاتۋراسىنىڭ لاۋازىمدارىنا تاعايىنداۋعا ارنالعان ۇسىنىمدار, سونداي-اق باسقا دا قۇجاتتار شەشىم قابىلداۋ ءۇشىن ۇۇبق كادر جانە اسكەري ءبىلىم باسقارماسىنا جولدانادى. 25. وفيتسەرلەر قۇرامىنىڭ ادامدارىن وڭىرلىك قولباسشىلىق قولباسشىسى نومەنكلاتۋراسىنىڭ لاۋازىمدارىنا تاعايىنداۋعا ارنالعان ۇسىنىمدار, سونداي-اق باسقا دا قۇجاتتار شەشىم قابىلداۋ ءۇشىن قازاقستان رەسپۋبليكاسى ۇلتتىق ۇلانىنىڭ لاۋازىمدار نومەنكلاتۋراسىنا سايكەس وڭىرلىك قولباسشىلىقتاردىڭ كادر بولىمدەرىنە جولدانادى. 26. قازاقستان رەسپۋبليكاسى ۇلتتىق ۇلانى باس قولباسشىسىنىڭ بۇيرىقتارىمەن تاعايىندالاتىن وڭىرلىك قولباسشىلىقتاردىڭ سەرجانتتارى لاۋازىمدارىنا تاعايىنداۋعا ارنالعان ۇسىنىمدار شەشىمدى رەسىمدەۋ ءۇشىن ۇۇبق ۇيىمداستىرۋ-جۇمىلدىرۋ باسقارماسىنا جولدانادى. وڭىرلىك قولباسشىلىق قولباسشىلارىنىڭ بۇيرىقتارىمەن تاعايىندالاتىن اسكەري بولىمدەردىڭ سەرجانتتارى لاۋازىمدارىنا تاعايىنداۋعا ارنالعان ۇسىنىمدار شەشىمدى رەسىمدەۋ ءۇشىن وڭىرلىك قولباسشىلىقتاردىڭ ۇيىمداستىرۋ جانە جاساقتاۋ بولىمدەرىنە جولدانادى. وڭىرلىك قولباسشىلىقتار مەن اسكەري بولىمدەردىڭ سەرجانتتارىن تاعايىنداۋ قازاقستان رەسپۋبليكاسى ۇلتتىق ۇلانىنىڭ باس سەرجانتىمەن كەلىسە وتىرىپ, قازاقستان رەسپۋبليكاسى ۇلتتىق ۇلانىنىڭ لاۋازىمدار نومەنكلاتۋراسىنا سايكەس جۇرگىزىلەدى. 27. ۇسىنىمدار ۇۇبق (باس) باسقارمالارىنىڭ (دەربەس بولىمدەر) مۇددەلى باستىقتارىمەن, سونداي-اق قازاقستان رەسپۋبليكاسى ۇلتتىق ۇلانى باس قولباسشىسىنىڭ ءتيىستى قىزمەتتەرگە جەتەكشىلىك ەتەتىن ورىنباسارلارىمەن كەلىسىلۋى ءتيىس. 28. كومانديرلەر (باستىقتار) وفيتسەرلەر قۇرامىنىڭ ادامدارىن لاۋازىمدارعا تاعايىنداۋعا ۇسىنادى جانە ۇسىنىمدار (باياناتتار, اۋىستىرۋ جوسپارلارى) بويىنشا اسكەري قىزمەتشىلەردىڭ اتتەستاتسياسىن ەسكەرە وتىرىپ, سونداي-اق كونكۋرستىق ىرىكتەۋ, كۋرستىق دايارلىقتان نەمەسە تاعىلىمدامادان ءوتۋ ناتيجەلەرى بويىنشا قورىتىندى بەرەدى. 29. اسكەري لاۋازىمداردىڭ شتاتتىق اتاۋى وزگەرگەن كەزدە (شتاتتىق-لاۋازىمدىق ساناتتارى وزگەرمەي) قازاقستان رەسپۋبليكاسى ۇلتتىق ۇلانى باس قولباسشىسىنىڭ 2015 جىلعى 16 اقپانداعى № 60 بۇيرىعىمەن بەكىتىلگەن قازاقستان رەسپۋبليكاسى ۇلتتىق ۇلانىنىڭ وفيتسەرلەرىمەن كەلىسىمشارت جاساسۋ, ولاردى كەلىسىمشارت بويىنشا اسكەري قىزمەتكە قابىلداۋ, اسكەري لاۋازىمدارعا تاعايىنداۋ, اۋىستىرۋ, شىعارۋ تۋرالى, سونداي-اق ولارعا اسكەري اتاقتار بەرۋ, الىپ تاستاۋ جانە اۋىستىرۋ تارتىبىمەن قازاقستان رەسپۋبليكاسىنىڭ ۇلتتىق ۇلانىنا كەلىسىمشارت بويىنشا اسكەري قىزمەتكە كىرگەن ارنايى مەملەكەتتىك ورگانداردىڭ جانە قۇقىق قورعاۋ ورگاندارىنىڭ قىزمەتكەرلەرىنە قايتا اتتەستاتتاۋ تارتىبىمەن اسكەري اتاعىن بەرۋ تۋرالى جەكە قۇرام بويىنشا بۇيرىقتاردى شىعارۋعا قۇقىعى بار لاۋازىمدى ادامدار تىزبەسىنە (بۇدان ءارى - تىزبە) سايكەس جاڭا اسكەري لاۋازىمدارعا قايتا تاعايىنداۋ جۇزەگە اسىرىلادى. اسكەري ءبولىمنىڭ ءنومىرى نەمەسە اتاۋى وزگەرگەن كەزدە دە اسكەري قىزمەتشىلەردى قايتا تاعايىنداۋ وسى تارتىپپەن جۇرگىزىلەدى. 30. وفيتسەرلەر قۇرامىنىڭ بوس لاۋازىمدارىنا جوعارى ءبىلىمى بار بولعان كەزدە اسكەري قىزمەتشىلەردى كەلىسىمشارت بويىنشا ۋاقىتشا تاعايىنداۋعا بولادى. 31. وفيتسەرلەر قۇرامىنىڭ لاۋازىمدارىنا كەلىسىمشارت بويىنشا اسكەري قىزمەتشىلەردى ۋاقىتشا تاعايىنداۋ – لاۋازىمدى ادامدار تىزبەسىنە, ال ازاماتتىق قىزمەتشىلەردى تاعايىنداۋ – قازاقستان رەسپۋبليكاسى ۇلتتىق ۇلانى باس قولباسشىسىنىڭ, وڭىرلىك قولباسشىلىق قولباسشىلارىنىڭ, اسكەري ءبولىم كومانديرلەرىنىڭ, اسكەري ينستيتۋتى باستىعىنىڭ ساپتىق ءبولىم بويىنشا بۇيرىقتارىنا سايكەس جۇرگىزىلەدى. 32. وفيتسەرلەر قۇرامىنىڭ بوس لاۋازىمدارىنا جوعارى ءبىلىمى جانە ءتيىستى اسكەري ماماندىق سالاسى بويىنشا ۇقساس ماماندىعى, سونداي-اق وسى ماماندىق بويىنشا جۇمىس تاجىريبەسى بار قىزمەتشىلەردى (زاپاستاعى نەمەسە وتستاۆكاداعى وفيتسەرلەر, ازاماتتىق پەرسونال ادامدارى) تاعايىنداۋعا (ەگەر شتاتتا كوزدەلسە) بولادى. 33. ساربازدار مەن سەرجانتتار قۇرامىنداعى كەلىسىمشارت بويىنشا اسكەري قىزمەتشىلەردىڭ بوس لاۋازىمدارىنا مەرزىمدى قىزمەتتەگى اسكەري قىزمەتشىلەردى نەمەسە قىزمەتشىلەردى (ازاماتتىق پەرسونال, ونىڭ ىشىندە زاپاستاعى نەمەسە وتستاۆكاداعى اسكەري مىندەتتىلەر, جوعارى نەمەسە ورتا-ارنايى ءبىلىمى بار اسكەري مىندەتتىلەر) «قازاقستان رەسپۋبليكاسى ىشكى ىستەر مينيسترلىگىنىڭ ىشكى اسكەرلەرى جانە اسكەري-تەرگەۋ بولىنىستەرى اسكەري قىزمەتشىلەرىنىڭ اسكەري-ەسەپتىك ماماندىقتارى, شتاتتىق لاۋازىمدارى جانە تاريفتىك ساناتتارى تىزبەلەرىن بەكىتۋ تۋرالى» قازاقستان رەسپۋبليكاسى ىشكى ىستەر ءمينيسترىنىڭ 2013 جىلعى 29 ساۋىردەگى № 26 قبپۇ بۇيرىعىمەن بەكىتىلگەن تىزبەگە سايكەس تاعايىنداۋعا بولادى. اسكەري قىزمەتشى ۋاقىتشا بولماعان (جۇكتىلىگى جانە بالا تۋى بويىنشا دەمالىس) جاعدايدا ساربازدار مەن سەرجانتتار قۇرامىنداعى كەلىسىمشارت بويىنشا اسكەري قىزمەتشىلەردىڭ بوس ەمەس لاۋازىمدارىنا قىزمەتشىلەردى (ازاماتتىق پەرسونال, ونىڭ ىشىندە زاپاستاعى نەمەسە وتستاۆكاداعى اسكەري مىندەتتىلەر جانە جوعارى نەمەسە ورتا-ارنايى ءبىلىمى بار اسكەري مىندەتتىلەر) «قازاقستان رەسپۋبليكاسى ىشكى ىستەر مينيسترلىگىنىڭ ىشكى اسكەرلەرى جانە اسكەري-تەرگەۋ بولىنىستەرى اسكەري قىزمەتشىلەرىنىڭ اسكەري-ەسەپتىك ماماندىقتارى, شتاتتىق لاۋازىمدارى جانە تاريفتىك ساناتتارى تىزبەلەرىن بەكىتۋ تۋرالى» قازاقستان رەسپۋبليكاسى ىشكى ىستەر ءمينيسترىنىڭ 2013 جىلعى 29 ساۋىردەگى № 26 قبپۇ بۇيرىعىمەن بەكىتىلگەن تىزبەگە سايكەس تاعايىنداۋعا بولادى. 34. وڭىرلىك قولباسشىلىقتاردىڭ (قۇرامالاردىڭ) كادر بولىنىستەرىندە جىل سايىن وقۋ جىلىنىڭ سوڭىندا 5 قاڭتارعا قول جەتكىزگەن ناتيجەلەردى جانە اسكەري ءتارتىپتىڭ جاي-كۇيىن ەسكەرە وتىرىپ, الداعى جىلى جوعارى تۇرعان لاۋازىمدارعا جىلجىتۋ جانە وقۋعا جىبەرۋ ءۇشىن وفيتسەرلەر قۇرامىنىڭ رەزەرۆى قۇرىلادى. بۇل رەتتە رەزەرۆكە تىركەلگەن ءار وفيتسەرمەن ناقتى لاۋازىمعا نەمەسە وقۋعا تۇسۋگە دايىندىق بويىنشا قانداي جۇمىس جۇرگىزىلەتىنى ايقىندالادى. 35. رەزەرۆكە تىركەلگەن ادامداردى قىزمەت بويىنشا تەڭ لاۋازىمدارعا اۋىستىرۋ كەزىندە ءتيىستى تىكەلەي باستىقتىڭ شەشىمى بويىنشا قىزمەتتىك مىنەزدەمەلەردە ولاردىڭ بۇرىنعى قىزمەت ورنى بويىنشا رەزەرۆتە تۇرعانى تۋرالى كورسەتىلەدى. 36. وفيتسەرلەر قۇرامىنىڭ ادامدارىن تومەن لاۋازىمدارعا اۋىستىرۋدى لاۋازىمدى ادامدار تىزبەسىنە سايكەس وسى قۇقىق بەرىلگەن باستىقتار اتتەستاتتاۋ كوميسسياسىنىڭ قاراۋىنان سوڭ جۇرگىزەدى. 37. وفيتسەرلەر قۇرامىنىڭ ادامدارىن لاۋازىمدى ورىنداۋدان شەتتەتۋ ساپتىق ءبولىم بويىنشا بۇيرىقپەن جۇزەگە اسىرىلعان جاعدايدا ونى اتقاراتىن لاۋازىمىنان بوساتۋ كەيىننەن ءتيىستى كومانديردىڭ (باستىقتىڭ) قاراماعىنا تىركەپ, جەكە قۇرام بويىنشا بۇيرىقپەن جۇرگىزىلەدى. 38. لاۋازىمداردى ۋاقىتشا اتقاراتىن ادامدار وسى لاۋازىمدارعا تاعايىندالعان اسكەري قىزمەتشىلەر نەمەسە دەمالىستان, ءىسساپاردان جانە ت.ب. كەلگەن اسكەري قىزمەتشىلەر اسكەري بولىمگە كەلگەن كەزدە بۇل مىندەتتەردى اتقارۋدان بوساتىلادى. 39. قازاقستان رەسپۋبليكاسى ىشكى ىستەر ءمينيسترىنىڭ 2014 جىلعى 30 شىلدەدەگى № 483 بۇيرىعىمەن بەكىتىلگەن «قازاقستان رەسپۋبليكاسى ۇلتتىق ۇلانى ءۇشىن جوعارى اسكەري ءبىلىمنىڭ كاسىبي وقۋ باعدارلامالارىن ىسكە اسىراتىن جوعارى اسكەري وقۋ ورىندارىنا قابىلداۋ قاعيدالارىنا» سايكەس اسكەري قىزمەتشىلەردى باسقا مەملەكەتتەردىڭ اسكەري وقۋ مەكەمەلەرىنىڭ كۋرسانتتارى (تىڭداۋشىلارى) رەتىندە تىركەۋ قازاقستان رەسپۋبليكاسى ۇلتتىق ۇلانى جەكە قۇرامىنىڭ تىزىمدەرىندە قالدىرا وتىرىپ, ۇۇبق ەمتيحان قابىلداۋ كوميسسياسىنىڭ ۇسىنىمى بويىنشا باس قولباسشىنىڭ بۇيرىقتارىمەن جۇزەگە اسىرىلادى. 40. اسكەري وقۋ ورنىن اياقتاعان سوڭ, ءبىتىرۋشى (وفيتسەر) قازاقستان رەسپۋبليكاسى ۇلتتىق ۇلانى باس قولباسشىسىنىڭ بۇيرىعىمەن لاۋازىمعا تاعايىندالادى نەمەسە ءتيىستى كومانديردىڭ (باستىقتىڭ) قاراماعىنا تىركەلەدى. 41. قاراماعىندا بولۋ مەرزىمىنە اسكەري قىزمەتشىنىڭ ەمدەلۋ جانە ەڭبەك دەمالىسىندا بولۋ ۋاقىتى, ونىڭ ىشىندە قاراماعىندا بولۋ كەزەڭىندە اۋىرعان اسكەري قىزمەتشىلەر ءۇشىن دە ەسەپتەلمەيدى. 42. كەلىسىمشارت بويىنشا اسكەري قىزمەتشىلەر كەلىسىمشارت مەرزىمى اياقتالعان سوڭ ء(وز نيەتى بويىنشا جانە بوس لاۋازىمدار بولعان جاعدايدا) قازاقستان رەسپۋبليكاسىنىڭ باسقا وڭىرلەرىندە ورنالاسقان اسكەري بولىمدەردىڭ اسكەري لاۋازىمىنا تاعايىندالادى. 43. اسكەري قىزمەتشى الدىن الا 2 ايعا دەيىن باياناتپەن كەلىسىمشارت مەرزىمى اياقتالعانعا دەيىن قىزمەت ورنى بويىنشا ءوتىنىش بىلدىرەدى. ءبولىم كومانديرى شەشىم قابىلداعاننان جانە اسكەري قىزمەتشىنىڭ جاڭا قىزمەت ورنى رەتىندە تاڭدالعان ءبولىمنىڭ قولباسشىلىعىمەن جازباشا كەلىسىلگەن سوڭ, كادر ءبولىنىسى اسكەري قىزمەتشىنى باسقا اسكەري بولىمگە تاعايىنداۋ ءۇشىن قۇجات رەسىمدەيدى جانە جولدايدى. 44. كەلىسىمشارت بويىنشا اسكەري قىزمەتشىلەردى وتباسى جاعدايى بويىنشا, اسكەري قىزمەتشىنىڭ نەمەسە ونىڭ وتباسى مۇشەلەرىنىڭ دەنساۋلىق جاعدايى بويىنشا جاڭا قىزمەت ورنىنا اۋىستىرۋ ودان ءارى قىزمەت وتكەرۋ ءۇشىن تاڭدالعان اسكەري بولىمدە بوس لاۋازىمدار بولعان جاعدايدا جۇرگىزىلەدى. 45. كەلىسىمشارت بويىنشا اسكەري قىزمەتشىلەردى وڭىرلىك قولباسشىلىقتار, اسكەري ينستيتۋت, تىكەلەي باعىنىستى بولىمدەر اراسىندا ءتيىستى كومانديرلەردىڭ (باستىقتاردىڭ) قولداۋحاتى بويىنشا اۋىستىرۋ قازاقستان رەسپۋبليكاسى ۇلتتىق ۇلانى باس قولباسشىسىنىڭ جەكە قۇرام بويىنشا بۇيرىقتارىمەن جۇرگىزىلەدى. 46. وفيتسەرلەر قۇرامىنىڭ ادامدارىن, كەلىسىمشارت بويىنشا اسكەري قىزمەتشىلەردى قازاقستان رەسپۋبليكاسىنىڭ ۇلتتىق ۇلانىنان اسكەري قىزمەت كوزدەلگەن باسقا مەملەكەتتىك ورگاندارعا اۋىستىرۋ جانە اسكەري قىزمەتشىلەردى (قىزمەتكەرلەردى) باسقا قۇقىق قورعاۋ جانە ارنايى ورگانداردان, قازاقستان رەسپۋبليكاسىنىڭ قارۋلى كۇشتەرىنەن, باسقا دا اسكەرلەرى مەن اسكەري قۇرالىمدارىنان قازاقستان رەسپۋبليكاسىنىڭ ۇلتتىق ۇلانىنا كەلىسىمشارت بويىنشا اسكەري قىزمەتكە ايقىنداۋ قازاقستان رەسپۋبليكاسى ىشكى ىستەر مينيسترلىگىنىڭ نەمەسە باس قولباسشىنىڭ جەكە قۇرام بويىنشا بۇيرىقتارىمەن قازاقستان رەسپۋبليكاسى ۇلتتىق ۇلانى لاۋازىمدارىنىڭ نومەنكلاتۋراسىنا سايكەس جۇرگىزىلەدى. 47. وفيتسەرلەر قۇرامىنىڭ ادامدارىن جانە كەلىسىمشارت بويىنشا اسكەري قىزمەتشىلەردى ۇلتتىق ۇلاننان اسكەري قىزمەت كوزدەلگەن باسقا مەملەكەتتىك ورگاندارعا جانە كەرى اۋىستىرۋ وسى مەملەكەتتىك ورگانداردىڭ ءبىرىنشى باسشىلارىنىڭ كەلىسىمى بويىنشا جۇزەگە اسىرىلادى. 48. اۋىستىرۋ كەزىندە قازاقستان رەسپۋبليكاسىنىڭ ۇلتتىق ۇلانى وفيتسەرلەر قۇرامىنىڭ جەكە ىستەرى وسى نۇسقاۋلىققا 5-قوسىمشاعا سايكەس جەكە ىستەردى ارنايى ەسەپكە الۋ كىتاپتارىندا ەسەپكە الىنادى. 4. اسكەري قىزمەتتە بولۋدىڭ شەكتى جاسىنا تولعان اسكەري قىزمەتشىلەرمەن كەلىسىمشارت جاساسۋ ءتارتىبى 49. اسكەري قىزمەتتە بولۋدىڭ شەكتى جاسىنا تولعان اسكەري قىزمەتشىگە قولدانىستاعى كەلىسىمشارت مەرزىمىنىڭ اياقتالۋىنا كەمىندە ءتورت اي قالعاندا وسى نۇسقاۋلىققا 6-قوسىمشاعا سايكەس قازاقستان رەسپۋبليكاسىنىڭ ۇلتتىق ۇلانىنان شىعارۋعا ۇسىنىلاتىنى تۋرالى حابارلانادى. 50. وسى نۇسقاۋلىققا 7-قوسىمشاعا سايكەس اسكەري قىزمەتتە بولۋدىڭ شەكتى جاسىنا تولعان, وقىتۋشىلىق, عىلىمي قىزمەتتى جۇزەگە اسىراتىن جانە ماگيستر اكادەميالىق دارەجەسى, عىلىمي دارەجەلەرى نەمەسە اتاقتارى بار اسكەري قىزمەتشىلەرگە, ولاردىڭ كەلىسىمشارت مەرزىمىن اسكەري قىزمەتتە بولۋدىڭ شەكتى جاسىنان جوعارى ۇزارتۋ تۋرالى باياناتى بويىنشا باس قولباسشىنىڭ شەشىم قابىلداۋى ءۇشىن ۇۇبق ۇسىنىلادى. 51. اسكەري قىزمەتشىنىڭ باياناتىنا اسكەري قىزمەتشىنى اسكەري قىزمەتتە شەكتى جاستان تىس قالدىرۋدىڭ ماقساتقا ساي بولۋى تۋرالى ءبولىم كومانديرىنىڭ (ينستيتۋت باستىعىنىڭ) نەگىزدەلگەن قولداۋحاتى (ۇسىنىمى) قوسا بەرىلەدى جانە قىزمەتتىك كارتوچكاسىنان ءۇزىندى جولدانادى. 52. اسكەري قىزمەتشىلەردى اسكەري قىزمەتتە شەكتى جاستان تىس قالدىرۋ تۋرالى قابىلدانعان شەشىمدەردى ولارعا اسكەري بولىمدەردىڭ كومانديرلەرى (ينستيتۋت باستىعى) جەكە جاريالايدى. اسكەري قىزمەتشىلەردىڭ جەكە ىستەرىندەگى قىزمەتتىك تىزىمدەرگە شەكتى جاستان تىس اسكەري قىزمەتتە كىمنىڭ شەشىمىمەن جانە قانداي مەرزىمگە قالدىرىلعانى تۋرالى جازىلادى. 53. كەلىسىمشارت مەرزىمىن اسكەري قىزمەتتە بولۋدىڭ شەكتى جاسىنان تىس ۇزارتۋدان باس تارتىلعان اسكەري قىزمەتشىلەرگە اسكەري ءبولىم كومانديرلەرى, اسكەري ينستيتۋت باستىعى وسى نۇسقاۋلىققا 8-قوسىمشاعا سايكەس قازاقستان رەسپۋبليكاسىنىڭ ۇلتتىق ۇلانىنان شىعارىلاتىنى تۋرالى حابارلايدى. 5. روتاتسيالاۋ جۇرگىزۋ ءتارتىبى 54. اسكەري قىزمەتشىلەردى روتاتسيالاۋ اسكەردىڭ جاۋىنگەرلىك ازىرلىگىن ارتتىرۋ ءۇشىن اسكەري قىزمەت وتكەرۋ شەڭبەرىندە, سونداي-اق قىزمەتتىك قاجەتتىلىك نەمەسە اسكەري قىزمەتشىلەردىڭ كاسىبي الەۋەتىن اناعۇرلىم ءتيىمدى پايدالانۋدى قامتاماسىز ەتۋ ماقساتىندا جۇزەگە اسىرىلادى. 55. روتاتسيالاۋ شارتتارى: ءبىر اسكەري لاۋازىمدا 5 جىلدان ارتىق بولۋ; كليماتتىق جاعدايى اۋىر جەرلەردەگى ءبىر اسكەري بولىمدە 3 جىلدان ارتىق اسكەري قىزمەت وتكەرۋ بولىپ تابىلادى. 56. روتاتسيالاۋ جوسپارى جانە روتاتسيالاۋعا جاتاتىن اسكەري قىزمەتشىلەردىڭ ءتىزىمى جىل سايىن 1 جەلتوقسانعا جاسالادى. 57. مىناداي: مۇگەدەك جۇبايى (زايىبى) بار; مۇگەدەك بالالارى (قامقورشىسى بولىپ تابىلاتىن), ونىڭ ىشىندە اسىراپ العان بالالارى بار; اسىراۋىندا قارتايعان اتا-انالارى بار; وسى جىلى كەلىسىمشارت مەرزىمى اياقتالاتىن; اسكەري قىزمەتتە بولۋدىڭ شەكتى جاسىنا تولۋىنا 3 جىل قالعان; تەڭ نەمەسە جوعارى لاۋازىمعا تاعايىنداۋ مۇمكىن ەمەس اسكەري قىزمەتشىلەر روتاتسيالاۋعا جاتپايدى. 58. تىكەلەي باستىقتارىنىڭ قولداۋى جانە اتتەستاتتاۋ كوميسسياسىنىڭ شەشىمى بويىنشا باس قولباسشى وسى نۇسقاۋلىقتىڭ 56-تارماعىندا كورسەتىلگەن مەرزىمگە اسكەري لاۋازىمداردا بولۋ ۋاقىتىن ۇزارتادى. 59. روتاتسيالاۋ جوسپارىنا جانە روتاتسيالاۋعا جاتاتىن اسكەري قىزمەتشىلەردىڭ تىزىمىنە وزگەرىستەر جوسپار مەن ءتىزىمدى بەكىتكەن ادامنىڭ شەشىمى بويىنشا ەنگىزىلەدى. 60. وڭىرلىك قولباسشىلىقتا وڭىرلىك قولباسشىلىق قولباسشىسىنىڭ نومەنكلاتۋراسى بويىنشا روتاتسيالاۋ جوسپارى مەن ءتىزىمى جاسالادى جانە 5 جەلتوقسانعا دەيىنگى مەرزىمدە ۇۇبق كادر جانە اسكەري ءبىلىم باسقارماسىنا ۇسىنىلادى. 61. قازاقستان رەسپۋبليكاسى ۇلتتىق ۇلانىنىڭ لاۋازىمدار نومەنكلاتۋراسى بويىنشا روتاتسيالاۋعا جاتاتىن وڭىرلىك قولباسشىلىقتار اسكەري قىزمەتشىلەرىنىڭ ءتىزىمى وسى نۇسقاۋلىققا 9-قوسىمشاعا سايكەس جاسالادى. 62. قازاقستان رەسپۋبليكاسى ۇلتتىق ۇلانىنىڭ لاۋازىمدار نومەنكلاتۋراسىنا سايكەس وڭىرلىك قولباسشىلىقتاردىڭ اسكەري قىزمەتشىلەرىن روتاتسيالاۋدىڭ نىسانى بويىنشا جوسپارى وسى نۇسقاۋلىققا 10-قوسىمشاعا سايكەس جىلدىڭ قورىتىندىسىندا بەلگىلەنگەن نىسان بويىنشا 15 قاڭتارعا جاسالادى جانە 15 شىلدەدە ناقتىلانادى. 6. اسكەري اتاقتار بەرۋ ءتارتىبى 63. وفيتسەرلەر قۇرامىنىڭ ادامدارىنا جانە ساربازدار مەن سەرجانتتار قۇرامىنداعى كەلىسىمشارت بويىنشا اسكەري قىزمەتشىلەرگە, ونىڭ ىشىندە قايتا اتتەستاتتاۋ تارتىبىمەن اسكەري اتاقتار بەرۋ تىزبەگە سايكەس جۇرگىزىلەدى. 64. وڭ اتتەستاتتالعان, ءتيىستى شتاتتىق لاۋازىمداردى اتقاراتىن وفيتسەرلەرگە كەزەكتى اسكەري اتاقتارىن ۋاقتىلى بەرۋ ماقساتىندا ۇسىنىمدار ۇۇبق كادر جانە اسكەري ءبىلىم باسقارماسىنا وفيتسەرلەردىڭ اتاعىنداعى ەڭبەك سىڭىرگەن مەرزىمىنىڭ اياقتالۋىنا كەمىندە ءبىر اي قالعاندا جىبەرىلەدى. 65. اسكەري ءبولىم كومانديرىنىڭ وفيتسەرگە نەمەسە كەلىسىمشارت بويىنشا اسكەري قىزمەتشىگە جەكە اڭگىمەلەسۋ بارىسىندا كەزەكتى اسكەري اتاعىن بەرۋگە ۇسىنۋدى كەشىكتىرۋگە نەگىز بولعان سەبەپتى جاريالاۋى اسكەري قىزمەتشىنىڭ اڭگىمەلەسۋ پاراعىنا قول قويۋى ارقىلى جۇرگىزىلەدى, ول كەزەكتى اسكەري اتاق بەرىلگەنگە دەيىن جەكە ىستە ساقتالادى. قابىلدانعان شەشىم مەن وفيتسەرلەر قۇرامىنىڭ ادامىمەن جۇرگىزىلگەن اڭگىمەلەسۋ تۋرالى ۇۇبق كادر جانە اسكەري ءبىلىم باسقارماسىنا اقپارات بەرىلەدى. 66. زاپاستان ەرىكتى تۇردە كەلىسىمشارت بويىنشا نەمەسە شاقىرۋ بويىنشا اسكەري قىزمەتكە ايقىندالعان جانە لاۋازىمعا تاعايىندالعان وفيتسەرلەردىڭ اسكەري اتاعىنداعى ەڭبەك سىڭىرگەن مەرزىمىندە زاڭنامامەن بەلگىلەنگەن ەڭبەك سىڭىرگەن مەرزىمدەرىن ساقتاي وتىرىپ, ولاردىڭ زاپاستا اسكەري اتاعىندا بولعان ۋاقىتى ەسەپتەلەدى. 67. وفيتسەرلەر قۇرامىنىڭ العاشقى اسكەري اتاعىن بەرۋگە ۇسىنىلعان اسكەري قىزمەتشىلەرگە قاعيدالاردىڭ 89-تارماعىنىڭ 3) – 5) تارماقشالارىنا سايكەس قۇجاتتار رەسىمدەلەدى. 68. اۋىستىرۋ تارتىبىمەن كەلىسىمشارت بويىنشا اسكەري قىزمەتكە قابىلداناتىن قۇقىق قورعاۋ جانە ارنايى مەملەكەتتىك ورگانداردىڭ قىزمەتكەرلەرىنە ولاردىڭ ارنايى اتاعىنا نەمەسە سىنىپتىق شەنىنە تەڭ وفيتسەرلەر قۇرامىنىڭ اسكەري اتاعى قايتا اتتەستاتتاۋ تارتىبىندە بەرىلۋى مۇمكىن. كەزەكتى اسكەري اتاعىن بەرۋ مەرزىمىن ەسەپتەۋ سوڭعى اسكەري اتاعىن العان كۇننەن باستاپ ەسەپتەلەدى. 69. اسكەري اتاعى جوق ازاماتتارعا «قاتارداعى» جانە كەيىنگى اسكەري اتاقتار ءتيىستى شتاتتىق لاۋازىمدارعا كەلىسىمشارت بويىنشا اسكەري قىزمەتكە كىرگەن, سونداي-اق جوعارى اسكەري وقۋ ورنىنا تۇسكەن كەزدە جەكە قۇرام بويىنشا بۇيرىقتارمەن بەرىلەدى. 70. «كىشى سەرجانت» اسكەري اتاعى شتاتتا ءتيىستى جانە ودان جوعارى اسكەري اتاق كوزدەلگەن اسكەري لاۋازىمدارعا تاعايىندالعان كەزدە, وقۋ ءبولىمىن بىتىرگەن سوڭ نەمەسە اتالعان ماماندىق بويىنشا ءتيىستى ءبىلىمى بولعان جاعدايدا بەكىتىلگەن قازاقستان رەسپۋبليكاسى ۇلتتىق ۇلانىنىڭ لاۋازىمدار نومەنكلاتۋراسىنا سايكەس ءوز ءبولىمى كومانديرىنىڭ بۇيرىعىمەن بەرىلەدى. 7. اسكەري قىزمەتشىلەرگە دەمالىستار بەرۋ ءتارتىبى 71. اسكەري قىزمەتشىلەرگە جىل سايىنعى نەگىزگى, وتباسى جاعدايى بويىنشا قىسقا مەرزىمدى جانە وقۋ دەمالىستارىن بەرۋ كەزىندە دەمالىستى وتكىزۋ ورنىنا بارۋ جانە قايتۋ ءۇشىن قاجەتتى ۋاقىت دەمالىستى وتكىزۋ ورنىنا قاراماستان بەرىلەدى جانە تەمىر جول (اۋە, اۆتوموبيل, تەڭىز) كولىگىنىڭ قوزعالىس (قايتا وتىرۋدى ەسكەرە وتىرىپ) كەستەسى بويىنشا ەسەپتەلەدى. 72. تەمىر جول قاتىناسى بولماعان جاعدايدا دەمالىستى وتكىزۋ ورنىنا بارۋ جانە قايتۋ ءۇشىن قاجەتتى ۋاقىت دەمالىستى وتكىزۋ ورنىنا جاقىن تەمىرجول ستانتسياسىنا دەيىنگى قوزعالىس (قايتا وتىرۋدى ەسكەرە وتىرىپ), تەمىرجول كولىگى كەستەسى بويىنشا ەسەپتەلەدى. جاقىن تەمىرجول ستانتسياسىنان دەمالىس وتكىزۋ ورنىنا جەتۋگە قاجەتتى ۋاقىت قايتا وتىرۋلاردى ەسكەرە وتىرىپ, قالاارالىق اۆتوبۋستاردىڭ (مارشرۋتتىق تاكسيلەردىڭ) قوزعالىس كەستەسى بويىنشا ەسەپتەلەدى. دەمالىستى وتكىزۋ ورنىنا كولىكتىڭ وزگە دە تۇرلەرىمەن (جەكە جانە ت.ب.) بارعان كەزدە بارۋ جانە قايتۋ ۋاقىتى تەمىرجول كولىگىنىڭ قوزعالىس كەستەسى بويىنشا ەسەپتەلەدى. 73. دەمالىستى بىرنەشە پۋنكتتە وتكىزگەن جاعدايدا اسكەري قىزمەتشىنىڭ تاڭداۋى بويىنشا قىزمەت ورنىنان وعان وسى پۋنكتتەردىڭ بىرەۋىنە بارۋ جانە قايتۋ ءۇشىن ۋاقىت ۇسىنىلادى. 74. دەمالىستى وتكىزۋ ورنىنا بارۋ جانە كەرى قايتۋ ءۇشىن قاجەتتى ۋاقىتتى ەسەپتەۋ ءۇشىن راستايتىن قۇجاتتار جول ءجۇرۋ قۇجاتتارى (بيلەتتەر), سونداي-اق تەمىرجول, تەڭىز, اۆيا-ۆوكزالدار مەن اۆتوبۋس ستانتسيالارىنان الىنعان انىقتامالار بولىپ تابىلادى. 75. باياناتتا كورسەتىلگەن ەلدى مەكەندە بولعانى تۋرالى راستايتىن قۇجاتتار جاقىن ورنالاسقان قورعانىس ىستەرى جونىندەگى باسقارمادا (بولىمدە) ەسەپكە قويىلعانى جانە الىنعانى تۋرالى دەمالىس بيلەتىنىڭ سىرتقى جاعىنا قويىلعان بەلگى ء(مور) بولىپ تابىلادى. ەگەر اسكەري قىزمەتشى دەمالىسقا كەلگەن ەلدى مەكەندە قورعانىس ىستەرى جونىندەگى باسقارما ء(بولىم) بولماسا, ول جەرگىلىكتى مەملەكەتتىك باسقارۋ ورگانىندا ەسەپكە تۇرۋى (ەسەپتەن الىنۋى) مۇمكىن. 76. قازاقستان رەسپۋبليكاسىنان تىس دەمالىسقا شىققان كەزدە باياناتتا كورسەتىلگەن ەلدى مەكەندە بولعانى تۋرالى راستايتىن قۇجاتتار قازاقستان رەسپۋبليكاسىنىڭ دەمالىستى وتكىزەتىن ەلدەگى وكىلدىكتەرىنىڭ, ونىڭ ىشىندە تۋريستىك, جەرگىلىكتى اكىمشىلىكتەردىڭ مورلەرى, سونداي-اق پاسپورتتاعى بەلگىلەر بولىپ تابىلادى. 77. دەمالىستى وتكىزۋ ورنىنا جەتۋ ءۇشىن قاجەتتى ۋاقىت ون ەكى ساعاتتان اسسا, وندا اسكەري قىزمەتشىنىڭ دەمالىسىنا دەمالىستى وتكىزۋ ورنىنا بارۋى جانە كەرى قايتۋى ءۇشىن ەكى تاۋلىك (ودان كوپ) قوسىلادى. 78. دەمالىستى وتكىزۋ ورنىنا جەتۋ ءۇشىن قاجەتتى ۋاقىت ون ەكى ساعاتقا جەتپەسە, وندا اسكەري قىزمەتشىنىڭ دەمالىسىنا دەمالىستى وتكىزۋ ورنىنا بارۋى جانە كەرى قايتۋى ءۇشىن ءبىر تاۋلىك قوسىلادى. 79. جىل سايىنعى نەگىزگى دەمالىستى تۋريستىك جولدامالار بويىنشا وتكىزگەن جاعدايدا جول ءجۇرۋ ءۇشىن ۋاقىت قىزمەت ورنىنان باستاپقى پۋنكتكە دەيىن جانە كەرى – تۋريستىك باعىتتىڭ سوڭعى پۋنكتىنەن قىزمەت ورنىنا دەيىن ۇسىنىلادى. 80. جۇكتىلىگى جانە بالا تۋىنا بايلانىستى دەمالىسقا شىعار الدىندا نەمەسە ودان كەيىن, بولماسا بالا كۇتىمى بويىنشا بەرىلگەن دەمالىسى اياقتالعان سوڭ اسكەري قىزمەتشى – ايەلگە ەگەر بۇعان دەيىن پايدالانباسا, ونىڭ نيەتى بويىنشا تولىق تولەنەتىن جىل سايىنعى دەمالىسى ۇسىنىلادى. 81. وتباسى جاعدايى بويىنشا قىسقا مەرزىمدى دەمالىس جىل سايىنعى نەگىزگى دەمالىستى پايدالانۋىنا قاراماستان ۇسىنىلادى. 82. قىزمەتتىك قاجەتتىلىك بويىنشا اسكەري قىزمەتشى دەمالىستى بەرۋ قۇقىعى بەرىلگەن ۋاكىلەتتى لاۋازىمدى ادامنىڭ ساپتىق ءبولىم بويىنشا بۇيرىعىمەن جىل سايىنعى نەگىزگى دەمالىستان كەيىن شاقىرتىلادى. 8. اسكەري قىزمەتتەن شىعارۋ ءتارتىبى 86. كەلىسىمشارت بويىنشا اسكەري قىزمەتشىلەردى تەرىس سەبەپتەر بويىنشا شىعارۋ تۋرالى شەشىم قابىلداۋ مىندەتتى تۇردە اتتەستاتتاۋ كوميسسياسىنىڭ قاراۋىنان كەيىن جۇرگىزىلەدى. 84. ۋاكىلەتتى ورگاننىڭ باستاماسى بويىنشا جۇكتى ايەلدەرمەن, ءۇش جاسقا دەيىنگى بالاسى بار ايەلدەرمەن, ون ءتورت جاسقا دەيىنگى بالاسى (ون سەگىز جاسقا دەيىنگى مۇگەدەك بالاسى) بار جالعىزباستى انالارمەن, اتالعان ساناتتاعى بالالاردى اناسىز تاربيەلەيتىن وزگە دە ادامدارمەن شتاتتاردى قىسقارتۋ (ۇيىمداستىرۋ-شتاتتىق ءىس-شارالار) بويىنشا كەلىسىمشارتتى بۇزۋعا جول بەرىلمەيدى. 85. اسكەري قىزمەتتەن شىعارۋعا ۇسىنۋ الدىندا ولاردىڭ قىزمەت وتكەرۋى تۋرالى دەرەكتەر ناقتىلانادى, قاجەت بولعان جاعدايدا ولاردىڭ قىزمەت وتكەرگەن كەزەڭدەرى كۇنتىزبەلىك ەسەپپەن ەڭبەك سىڭىرگەن جىلدارىنا جانە جەڭىلدىك جاعدايىندا جەكە ەسەپتەلۋى قۇجاتتامامەن راستالادى, زاڭناماعا سايكەس زەينەتكەرلىككە ەڭبەك سىڭىرگەن جىلدارى ەسەپتەلەدى. ەسەپتەلگەن ەڭبەك سىڭىرگەن جىلدارى اسكەري قىزمەتشىگە جەتكىزىلەدى. 86. كەلىسىمشارت بويىنشا قىزمەت مەرزىمى اياقتالعان جانە ەمدەلۋدەگى اسكەري قىزمەتشىلەردىڭ كەلىسىمشارت مەرزىمىنىڭ اياقتالۋ كۇنى قازاقستان رەسپۋبليكاسى ۇكىمەتىنىڭ 2007 جىلعى 4 جەلتوقسانداعى № 1171 قاۋلىسىمەن بەكىتىلگەن «ەكى ايدان استام ەڭبەككە ۋاقىتشا جارامسىزدىق مەرزىمى بەلگىلەنۋى مۇمكىن اۋرۋ تۇرلەرىنىڭ تىزبەسىنە» سايكەس ەمدەلۋدە بولعان كەزەڭىنە ۇزارتىلادى. 87. شىعارۋعا ارنالعان ۇسىنىمدا وڭ اتتەستاتتالعان اسكەري قىزمەتشىنى كوتەرمەلەۋ شارالارى تۋرالى ۇسىنىستار كورسەتىلەدى. 88. كەلىسىمشارت قولدانىسىنىڭ توقتاتىلۋى تۋرالى بارلىق دانالارداعى جازبالار جەكە قۇرام بويىنشا بۇيرىقتاعى تۇجىرىمعا سايكەس جۇرگىزىلەدى. 89. بارلىق قۇجاتتار قازاقستان رەسپۋبليكاسى ۇلتتىق ۇلانىنىڭ باس قولباسشىلىعىنا ءبىر دانادا, مەملەكەتتىك جانە ورىس تىلدەرىندە, جەكە ىستەرى كادر جانە اسكەري ءبىلىم باسقارماسىندا ساقتالاتىن وفيتسەرلەرگە 2 دانادا (ولاردى جەكە ىسكە تىگۋ ءۇشىن) ۇسىنىلادى. 90. وفيتسەرلەردى شىعارۋ كەزىندە قۇجاتتار ءبىر دانادا (نومەنكلاتۋرالىق ىسكە تىگۋ ءۇشىن) ۇسىنىلادى. 91. جەكە ىستەرى كادر جانە اسكەري ءبىلىم باسقارماسىندا ساقتالاتىن وفيتسەرلەرگە كەزەكتى اسكەري اتاق بەرۋگە ۇسىنۋ كەزىندە 1 دانا 9ح12 (جەكە ىسكە), 1 دانا 3ح4 فوتوسۋرەتى (قىسقارتىلعان قىزمەتتىك كارتوچكاسىنا) قوسىمشا جىبەرىلەدى. 92. وفيتسەردىڭ نەمەسە ساربازدار مەن سەرجانتتار قۇرامى لاۋازىمدارىنداعى كەلىسىمشارت بويىنشا اسكەري قىزمەتشىنىڭ اسكەري قىزمەت وتكەرۋىنە قاتىستى جانە جەكە قۇرام بويىنشا بۇيرىقپەن بەكىتىلگەن ءاربىر تارماققا ءتيىستى اتتەستاتتاۋ ماتەريالدارى رەسىمدەلەدى, ولار نومەنكلاتۋرالىق ىستەرگە, ال ولاردىڭ كوشىرمەلەرى – اسكەري قىزمەتشىلەردىڭ جەكە ىستەرىنە تىگىلۋى ءتيىس. قازاقستان رەسپۋبليكاسىنىڭ ۇلتتىق ۇلانىندا اسكەري قىزمەت وتكەرۋ نۇسقاۋلىعىنا 1-قوسىمشا كەلىسىمشارت بويىنشا اسكەري قىزمەت وتكەرۋگە نيەت بىلدىرگەن ادامدار ۇسىناتىن قۇجاتتار تىزبەسى: كەلىسىمشارت بويىنشا اسكەري قىزمەتكە كىرۋ نيەتى تۋرالى جەكە ءوتىنىش (بايانات); بەلگىلەنگەن ۇلگىدەگى بلانكىلەردە تولتىرىلعان ساۋالناما دەرەكتەرى; ءوز قولىمەن جازىلعان ءومىربايان; قازاقستان رەسپۋبليكاسىنىڭ ازاماتى جەكە كۋالىگىنىڭ (پاسپورتىنىڭ) تۇپنۇسقاسى جانە كوشىرمەسى; ءبىلىمى تۋرالى قۇجاتتىڭ كوشىرمەسى (سالىستىرۋ ءۇشىن تۇپنۇسقاسىن ۇسىنباعان جاعدايدا نوتاريالدى راستالعان); بار بولعان كەزدە ەڭبەك كىتاپشاسىنىڭ كوشىرمەسى; سوڭعى قىزمەت (جۇمىس نەمەسە وقۋ) ورنىنان مىنەزدەمە; سوتتالماعانى تۋرالى انىقتاما; سالىق ورگانىنىڭ تابىسى تۋرالى دەكلاراتسيانى قابىلداعانى تۋرالى انىقتاما. قازاقستان رەسپۋبليكاسىنىڭ ۇلتتىق ۇلانىندا اسكەري قىزمەت وتكەرۋ نۇسقاۋلىعىنا 2-قوسىمشا نىسان كىمگە_________________________________ اسكەري ءبولىم (مەكەمە) _______________________________________ كومانديرىنە (باستىعىنا) بايانات ء(وتىنىش) «اسكەري قىزمەت جانە اسكەري قىزمەتشىلەردىڭ مارتەبەسى تۋرالى» قازاقستان رەسپۋبليكاسى زاڭىنىڭ 6-تاراۋىنا سايكەس سىزدەن مەنى قازاقستان رەسپۋبليكاسىنىڭ ۇلتتىق ۇلانىنا كەلىسىمشارت بويىنشا اسكەري قىزمەتكە قابىلداۋىڭىزدى جانە ______ جىل مەرزىمگە كەلىسىمشارت بويىنشا اسكەري قىزمەت وتكەرۋ ءۇشىن __________________ لاۋازىمىنا تاعايىنداي وتىرىپ, ________________ اسكەري بولىمىنە (مەكەمەگە) جىبەرۋىڭىزدى سۇرايمىن. ءوزىم تۋرالى مىنانى حابارلايمىن: ت.ا.ءا.____________________________________________________ تۋعان كۇنى, ايى جانە جىلى, تۇرعىلىقتى جەرى _________________ ____________________________________________________________ ءبىلىمى ______________________________________________ (قاشان جانە قانداي وقۋ ورنىن اياقتاعان) ماماندىعى ___________________________________________ __________________________________________________________ (قك-گى قىزمەت, وتكەرۋ كەزەڭى جانە شىعۋ سەبەبى) _________________________________________________ (اسكەري اتاعى, قولى, ت.ا.ءا.) ___________________ ______________________ (كۇنى) (قولى, تەگى جانە اتى-ءجونى) قازاقستان رەسپۋبليكاسىنىڭ ۇلتتىق ۇلانىندا اسكەري قىزمەت وتكەرۋ نۇسقاۋلىعىنا 3-قوسىمشا نىسان بەكىتەمىن _____________________________________________________ ء(ا/ب كومانديرىنىڭ لاۋازىمى, اتاعى, اتى-ءجونى, تەگى جانە قولى) _____________________________________________________ _____________________________________________________ _____________________________________________________ 20__ جىلعى «___»_________ اسكەري قىزمەتكە قابىلداۋ تۋرالى قورىتىندى ____________________________________________________________ (كانديداتتىڭ تەگى, اتى, اكەسىنىڭ اتى تابىس سەپتىگىندە) ____________________________________________________________ 1. كانديداتتى الدىن-الا زەردەلەۋ ناتيجەلەرى تۋرالى انىقتاما ___________________________________________________________________ تۇرعىلىقتى جەرى, وقۋ نەمەسە جۇمىس ورنى بويىنشا قالاي مىنەزدەلەدى ___________________________________________________________________ (ونىڭ ءبىلىمىنىڭ, ىسكەرلىك جەكە جانە مورالدىق قابىلەتىنىڭ ۇسىنىلاتىن لاۋازىمعا سايكەستىگى) _____________________________________________________________________________ _____________________________________________________________________________ _____________________________________________________________________________ كانديدات قابىلدانۋى ءتيىس قىزمەتتىڭ (باستىعى) كومانديرى ____________________________________________________________________________ ء(بولىنىس كومانديرى (باستىعى), اسكەري اتاعى ) ____________________________________________________________________________ ____________________________________________________________________________ قولى اتى-ءجونى, تەگى 20___ جىلعى «___»__________ 2. ارنايى تەكسەرىس ناتيجەلەرى _______________________________ ____________________________________________________________________________ ____________________________________________________________________________ ءبولىمنىڭ شب ك/س جونىندەگى اك, زەردەلەگەننەن جانە ارنايى تەكسەرىس ءىس-شارالارىن وتكىزگەننەن كەيىن ____________________________________________________________________________ ____________________________________________________________________________ ____________________________________________________________________________ ____________________________________________________________________________ _____________________ ___________ _____________________ (لاۋازىمى, ارنايى اتاعى) (قولى) (اتى-ءجونى, تەگى) 20___ جىلعى «___»__________ 3. كانديداتتىڭ ۇلتتىق ۇلانعا اسكەري قىزمەتكە جارامدىلىعى تۋرالى اسكەري-دارىگەرلىك كوميسسيانىڭ قورىتىندىسى ____________________________________________________________________________ ____________________________________________________________________________ ____________________________________________________________________________ ____________________________________________________________________________ كانديداتتى پسيحوفيزيولوگيالىق زەرتتەۋ ناتيجەلەرى _______________________________ _____________________________________________________________________________ اسكەري ءبولىم نەمەسە قۇرامانىڭ وفيتسەر-پسيحولوگى تولتىرادى _____________________________________________________________________________ (نەمەسە ادك انىقتاماسىنان الىنادى, ەگەر افە بولسا – ءا/ب مەديتسينالىق قىزمەتىنىڭ باستىعى تولتىرادى) ____________________________________________________________________________ ____________________________________________________________________________ ____________________________________________________________________________ ____________________________________________________________________________ مەديتسينالىق قىزمەتتىڭ باستىعى ___________________________ _________ ___________________________ (لاۋازىمى, ارنايى اتاعى) (قولى ) (اتى-ءجونى, تەگى) 20___ جىلعى «___»__________ 4. كانديداتتى زەرد