«اق ءۇي ەندى جوياتىن 5200 كەلىسىمشارت شەڭبەرىندە ونداعان ميلليارد دوللار اقش-تىڭ نەگىزگى ۇلتتىق مۇددەلەرىنە سايكەس جۇمسالماعانى, ال كەيبىر جاعدايدا ءتىپتى كەرى اسەرىن تيگىزگەنى انىقتالدى», دەپ مالىمدەدى مەملەكەتتىك حاتشى رۋبيو ح الەۋمەتتىك جەلىسىندە.
ونىڭ ايتۋىنشا, كونگرەسپەن جۇرگىزىلگەن كونسۋلتاتسيالاردان كەيىن قالعان شامامەن 1000 باعدارلاما اقش مەملەكەتتىك دەپارتامەنتىنىڭ تىكەلەي باسقارۋىنا وتەدى.
ايتا كەتەيىك, اقش پرەزيدەنتى دونالد ترامپ بۇعان دەيىن USAID باسشىلىعىندا الداعى ۋاقىتتا وزگەرىستەر بولاتىنىن مالىمدەگەن ەدى. «بۇل اگەنتتىككە ءبىر توپ راديكالدار-باسسىزدار باسشىلىق ەتەدى. ءبىز ولاردى جۇمىستان بوساتامىز, سودان كەيىن شەشىم قابىلدايمىز», دەگەن بولاتىن ترامپ.
USAID ازاماتتىق سىرتقى كومەك پەن دامۋ سالاسىنداعى ىنتىماقتاستىقتى باسقارۋعا جاۋاپتى. تاۋەلسىز اگەنتتىكتىڭ جىلدىق بيۋدجەتى 42,8 ميلليارد دوللار.
