الماتىداعى ۇزدىك حيرۋرگكە جاپوننىڭ تەمىر كولىگى سىيعا بەرىلدى

الماتى. 19 ماۋسىم. الماتى وبلىسىندا «جىلدىڭ ەڭ ۇزدىك دارىگەرى» نوميناتسياسى بويىنشا حيرۋرگ احاتبەك ماتىباەۆ ەڭ تاڭداۋلى مامان بولىپ تانىلدى. قانداۋىرى «التىن» دارىگەرگە «نيسسان-المەرا» جاپوندىق جەڭىل كولىگى سىيعا بەرىلدى. بۇل تۋرالى egemen.kz حابارلادى. احاتبەك ماتباەۆ 29 جىلدان بەرى وبلىستىق تۋبەركۋلەزگە قارسى ديسپانسەردە دارىگەر-حۋرۋرگ بولىپ قىزمەت ىستەيدى. تەمىر كولىكتىڭ كىلتىن تاپسىرعان وبلىس اكىمىنىڭ ورىنباسارى ماحاببات بيگەلديەۆ: «سىزدەر كۇن سايىن وبلىسىمىزدىڭ 100-دەگەن تۇرعىندارىنىڭ دەنساۋلىعىنا اراشا تۇسەسىزدەر. سىزدەردىڭ كاسىبي ەڭبەكتەرىڭىز سول سەبەپتى دە ارقاشان دا لايىقتى باعاسىن الادى», – دەدى. ال ءۇزدىڭ حيرۋرگ: «بۇل مەنىڭ عانا ەمەس, مەن قىزمەت ىستەيتىن بۇكىل ۇجىمنىڭ ماڭداي تەرى – بۇل ءبىزدىڭ ۇجىمعا كورسەتىلگەن قۇرمەت دەپ سانايمىن», – دەپ اعىنان جارىلدى. وبلىستا ءتول مەرەكەسىن لايىقتى قارسى العان تالاي-تالاي دارىگەرلەر مەن مەدبيكەلەرگە ماراپات جاسالىپ, گۇل شوقتارى بەرىلدى, باعالى سىيلىقتار تاپسىرىلدى. تالعات ءسۇيىنباي. دەرەك, سۋرەت: egemen.kz.