فوتو: ن.بايبۋلين
ماۋلەن اشىمباەۆ فولكەر فروبارتتى ەقىۇ-نىڭ استاناداعى باعدارلامالار كەڭسەسىنىڭ باسشىسى رەتىندەگى ميسسياسىنىڭ ءساتتى اياقتالۋىمەن قۇتتىقتاپ, وعان قازاقستان مەن ۇيىم اراسىنداعى ىنتىماقتاستىقتى نىعايتۋعا قوسقان ۇلەسى ءۇشىن العىس ءبىلدىردى.
سونداي-اق پالاتا سپيكەرى قازاقستان ەقىۇ-نى حالىقارالىق قاۋىپسىزدىكتىڭ قازىرگى كەلبەتىن قالىپتاستىراتىن نەگىزگى ينستيتۋت رەتىندە قاراستىراتىنىن جانە سىندارلى ءوزارا ءىس-قيمىلدى, ونىڭ ىشىندە پارلامەنتارالىق بايلانىستاردى ودان ءارى دامىتۋعا مۇددەلى ەكەنىن اتاپ ءوتتى.
سەناتتىڭ ءباسپاسوز قىزمەتىنىڭ مالىمدەۋىنشە كەزدەسۋ بارىسىندا تاراپتار ەكولوگيا, كليماتتىڭ وزگەرۋى, ترانسشەكارالىق وزەندەر, سۋارۋ, سۋ رەسۋرستارىن ءتيىمدى پايدالانۋ سالالارىنا قاتىستى وڭىردەگى وزەكتى ماسەلەلەردى تالقىلادى. ماۋلەن اشىمباەۆ اتاپ وتكەندەي, بۇل باعىت مەملەكەت باسشىسىنىڭ ەرەكشە نازارىندا تۇر.
سونىمەن قاتار سۇحبات كەزىندە تۇراقتى ەكونوميكالىق ءوسۋ, ادام قۇقىقتارىن قامتاماسىز ەتۋ ىسىندەگى ىنتىماقتاستىق, زاڭ ۇستەمدىگى, تسيفرلاندىرۋ, سىبايلاس جەمقورلىققا قارسى كۇرەس جانە باسقا دا سالالارداعى بىرلەسكەن جۇمىستىڭ ماڭىزدى باعىتتارى تالقىلاندى.
فولكەر فروبارت ءوز سوزىندە ەلىمىزدە ىسكە اسىرىلىپ جاتقان ساياسي جانە الەۋمەتتىك-ەكونوميكالىق وزگەرىستەردى جوعارى باعالاپ, الداعى ۋاقىتتا قازاقستان مەن ەقىۇ اراسىنداعى ىنتىماقتاستىق ودان ءارى نىعايا تۇسەتىنىنە سەنىم ءبىلدىردى.
