سولتۇستىك قازاقستاندا جەرگىلىكتى ۇلەستى ارتتىرۋ ماسەلەلەرى تالقىلاندى

پەتروپاۆل. 19 ماۋسىم.  سولتۇستىك قازاقستان وبلىسى اكىمىنىڭ ورىنباسارى ەرلان اۋكەنوۆ پەن «ەۋرازيالىق توپ» جشس باسقارماسىنىڭ ورىنباسارى الديار قازتاەۆتىڭ كەزدەسۋىندە سەرىكتەستىكتىڭ وتاندىق تاۋار وندىرۋشىلەرگە تاپسىرىستار ورنالاستىرۋ ەسەبىنەن جەرگىلىكتى ۇلەستى قولداۋ جانە ارتتىرۋ ماسەلەلەلەرى كەڭىنەن ءسوز بولدى. بۇل تۋرالى وبلىستىق اكىمدىكتىڭ ءباسپاسوز قىزمەتى حابارلادى. كەڭەسكە ايماقتىڭ ءىرى كاسىپورىن, اگروقۇرىلىم وكىلدەرى قاتىستى. ولار كاسىپورىنداردى جۇكتەۋ بويىنشا شارالار جوسپارىن ىسكە اسىرۋ اياسىندا ءىرى كومپانيالارمەن ۇزاق مەرزىمدى كەلىسىمدەر ورناتۋ شارالارى اتقارىلىپ جاتقانىن جەتكىزدى. ەرلان اۋكەنوۆ جيىنعا قاتىسۋشىلاردى ءوڭىردىڭ ونەركاسىپ الەۋەتىمەن تانىستىردى.  بۇگىنگى كۇنى 49 ماشينا جاساۋ كاسىپورنىنىڭ 28-ءى مۇناي-گاز, تەمىرجول جانە تاۋ-كەن سەكتورلارى ونىمدەرىن شىعارۋمەن شۇعىلدانادى. يننوۆاتسيالاردى ەنگىزۋ بويىنشا جۇرگىزىلىپ جاتقان جۇمىستار ونىمدەر شىعارۋدا يمپورتتى الماستىرۋدى جوعارى دەڭگەيدە قامتاماسىز ەتۋگە مۇمكىندىك بەرەدى.  وندىرىسكە ەڭ سوڭعى تەحنولوگيالار ەنگىزۋ جونىندەگى ۇسىنىستار قولداۋعا تۇرارلىق. ماسەلەن, «پەتروپاۆل اۋىر ماشينا جاساۋ زاۋىتى» اق ەنەرگەتيكالىق قازاندىق جابدىقتارىن, قوسالقى بولشەكتەردى, «نۇكەر» جشس كۇشتىك تيەك-پلومبالاۋ قۇرىلعىلارىن, «يزوليت» جشس - لاك ماتالارىن, لسەپ - 934-تپل اينەك-سليۋدا لەنتاسىن, «پەتروپاۆل قۇبىر زاۋىتى» تاتقا قارسى يزولياتسيالىق جامىلعىسى بار قۇبىرلار جانە سىرتقى ديامەترى 820 مم-گە دەيىنگى جىلۋيزولياتسيالىق جامىلعىنى, «تەز سالىناتىن عيماراتتار مەن قۇرىلىستار» جشس «سەندۆيچ» - پانەلدەر, س-ءتارىزدى بولات پروفيل, پروفليست جەتكىزۋگە دايىن ەكەندىگى ايتىلدى. ءومىر ەسقالي. دەرەك: سولتۇستىك قازاقستان وبلىستىق اكىمدىگىنىڭ ءباسپاسوز قىزمەتى. سۋرەت: egemen.kz