كۋدرين رەسەيدە كەزەكتەن تىس پرەزيدەنت سايلاۋىن وتكىزۋدى ۇسىندى

الماتى. 19 ماۋسىم. بۇرىنعى قارجى ءمينيسترى الەكسەي كۋدرين رەسەيدە قازاقستان ۇلگىسىمەن كەزەكتەن تىس پرەزيدەنت سايلاۋىن وتكىزۋ تۋرالى ۇسىنىس ايتتى. بۇل تۋرالى ria.ru حابارلادى. سانكت-پەتەربۋرگ قالاسىندا وتكەن حالىقارالىق ەكونوميكالىق فورۋمدا كۋدرين: «ماعان پرەزيدەنت نازارباەۆتىڭ «100 ناقتى قادام» باعدارلاماسى ەرەكشە ۇنادى. ول 5 ينستيتۋتتىق رەفورمالىق باعدارلاماسىن تۇپكىلىكتى جۇزەگە اسىرۋ ءۇشىن دە كەزەكتەن تىس پرەزيدەنت سايلاۋىن وتكىزدى. وسى تۇرعىدان الىپ قاراعاندا دۋما سايلاۋىنىڭ الدىندا نەگە بىزگە دە كەزەكتەن تىس پرەزيدەنت سايلاۋىن وتكىزۋ تۋرالى ويلاستىرماسقا», – دەدى. رەسەي فەدەراتسياسى ازاماتتىق باستامالار كوميتەتى توراعاسىنىڭ ۇسىنىسىنا پىكىر بىلدىرۋشىلەر قاتارى كوپ بولعان جوق. ەدينايا روسسيا پارتياسىنىڭ وكىلى – مەمدۋمانىڭ ۆيتسە-سپيكەرى سەرگەي نەۆەروۆيا: «مۇنداي سايلاۋ قازىرگى جاعدايدا رەسەي قوعامىندا تۇراقىسىزدىق بەلگىلەرىن تۋىنداتۋى مۇمكىن» دەسە, سپراۆەدليۆايا روسسيا پارتياسى جەتەكشىسىنىڭ ورىنباسارى ميحايل ەمەليانوۆ: «كەزەكەن تىس سايلاۋ باتىس ءۇشىن قاجەت, ال كۋدريننىڭ ءوزى پرەزيدەنت سايلاۋىنا قاتىسۋدان دامەلى» دەپ قاعىتتى. تالعات ءسۇيىنباي. دەرەك, سۋرەت: ria.ru.