فوتو: كوللاج: Qaz365.kz
«Biz Birgemiz Qazaqstan 2030» قوعامدىق بىرلەستىگى 2021 جىلدىڭ 11 قازانىندا استانا قالاسىنداعى ادىلەت دەپارتامەنتىندە تىركەلگەن.
«وسى جىلدىڭ 14 اقپانىندا استانا قالاسىنىڭ مامانداندىرىلعان اۋدانارالىق ەكونوميكالىق سوتىنا جوعارىدا اتالعان ۇيىمنىڭ مەملەكەتتىك تىركەۋىن جارامسىز دەپ تانىپ, ماجبۇرلەپ تاراتۋدى كوزدەيتىن تالاپ-ارىز بەرىلدى», دەپ حابارلادى ادىلەت مينيسترلىگىنىڭ ءباسپاسوز قىزمەتى.
ۆەدومستۆونىڭ حابارلاۋىنشا, سوت تالابىن بەرۋگە قارجىلىق مونيتورينگ اگەنتتىگىنىڭ «Biz Birgemiz Qazaqstan 2030» قوعامدىق بىرلەستىگىن تىركەۋدى جويۋ راسىمىنە باستاماشىلىق جاساۋ تۋرالى حاتى نەگىز بولعان.
«سەبەبى بىرلەستىك قۇرۋ كەزىندە جويىلمايتىن سيپاتتاعى, ياعني سوت شەشىمى بويىنشا زاڭدى تۇلعانى تاراتۋعا نەگىز بولاتىن زاڭنامالىق بۇزۋشىلىقتارعا جول بەرىلگەن», دەلىنگەن حابارلامادا.
ەستەرىڭىزگە سالا كەتەيىك, پەريزات قايرات كوكتەمگى سۋ تاسقىنىنان زارداپ شەككەن ازاماتتارعا كومەك كورسەتۋ ءۇشىن, سونداي-اق پالەستينا تۇرعىندارىنا گۋمانيتارلىق كومەك كورسەتۋ ماقساتىندا جينالعان 1,7 ملرد تەڭگەدەن استام قاراجاتتى جىمقىردى دەگەن كۇدىككە ءىلىندى.
