ەلباسىنىڭ قاتىسۋىمەن وتەتىن الداعى ءىس-شارالار اڭداتپاسى

استانا. 4 مامىر. قازاقستان رەسپۋبليكاسى پرەزيدەنتىنىڭ ءباسپاسوز قىزمەتى مەملەكەت باسشىسىنىڭ قاتىسۋىمەن وتەتىن الداعى ءىس-شارالار اڭداتپاسىن جاريالادى. بۇل تۋرالى akorda.kz حابارلادى. 5 مامىردا مەملەكەت باسشىسى ەۋروپالىق كوميسسيانىڭ بۇرىنعى توراعاسى ج.بارروزۋدى قابىلدايدى دەپ جوسپارلانعان. 6 مامىردا اقوردادا مەملەكەتتىك ناگرادالار تاپسىرۋ, سونداي-اق, اسكەري جانە ارنايى اتاقتار بەرۋ ءراسىمى وتەدى. سول كۇنى وتان قورعاۋشىلار كۇنىنە ارنالعان سالتاناتتى كونتسەرت بولادى. 7 مامىردا استانادا اسكەري پاراد وتەدى. مەملەكەت باسشىسى ي.پانفيلوۆتىڭ ەلورداداعى ەسكەرتكىشىنىڭ اشىلۋ راسىمىنە قاتىسادى. سونىمەن قاتار, قازاقستانعا رەسمي ساپارمەن كەلەتىن قىتاي حالىق رەسپۋبليكاسىنىڭ توراعاسى سي تسزينپينمەن كەلىسسوزدەر وتكىزۋ جوسپارلانعان. 8 مامىردا نۇرسۇلتان نازارباەۆ «وتان قورعاۋشىلار» مونۋمەنتىنە گۇل قويۋ راسىمىنە قاتىسادى. سول كۇنى مەملەكەت باسشىسى تمد ەلدەرىنىڭ مەملەكەت باسشىلارىنىڭ بەيرەسمي كەزدەسۋىنە, سونداي-اق, جوعارى ەۋرازيالىق ەكونوميكالىق كەڭەستىڭ وتىرىسىنا قاتىسۋ ءۇشىن ماسكەۋ قالاسىنا اتتانادى. 9 مامىردا قازاقستان پرەزيدەنتى ماسكەۋدە جەڭىس كۇنىنە ارنالعان مەرەكەلىك شارالارعا قاتىسادى. ەلامان قوڭىر. دەرەك, سۋرەت: akorda.kz.