04 مامىر, 2015

تۇرعىن ءۇي قۇرىلىس جيناق بانكى كەيبىر قىزمەت باعالارىنا وزگەرىس ەنگىزدى

373 رەت
كورسەتىلدى
1 مين
وقۋ ءۇشىن
4-05-2015-zhilstroysberbank 01استانا. 4 مامىر. تۇرعىن ءۇي قۇرىلىس جيناق بانكى بىرقاتار قىزمەتتەرگە كوميسسيالىق تولەمدەردى الىپ تاستادى. بۇل تۋرالى اتالعان بانكتىڭ رەسمي سايتىنا سىلتەمە جاساپ, «قازاقپارات» حابارلادى. بانكتىڭ رەسمي سايتىندا جاريالانعان حابارلامادا: «2015 جىلعى 4 مامىردان باستاپ جيناق, سسۋدالىق ەسەپشوتتاردىڭ جاي-كۇيى, سسۋدالىق بەرەشەكتىڭ بولۋى/بولماۋى تۋرالى انىقتامالار بەرۋگە جانە باسقا دا انىقتامالارعا كوميسسيالىق الىمدار سالىنبايدى», – دەلىنگەن. «تۇرعىن ءۇي قۇرىلىس جيناق بانكى» اق «وڭىرلەردىڭ دامىتۋ باعدارلاماسى-2020» اياسىندا حالىقتى جالعا بەرىلەتىن تۇرعىن ۇيمەن قامتاماسىز ەتۋ باعدارلاماسىنىڭ وپەراتورى ەكەنىن ايتا كەتەيىك. ەلامان قوڭىر. دەرەك: «قازاقپارات». سۋرەت: uralsk.gov.kz.
سوڭعى جاڭالىقتار