پروسكۋرياكوۆانىڭ ايتۋىنشا, ورتالىق ازيا ەلدەرى اراسىنداعى ساۋدا كولەمى نەبارى 3% -دى قۇرايدى.
«قازىر ساۋدا اعىندارى وزگەرىپ جاتقاندا, بۇل وڭىردەگى بايلانىستاردى نىعايتۋعا مۇمكىندىك بەرەدى. الايدا ينفراقۇرىلىمدى جاڭعىرتۋ عانا جەتكىلىكسىز. سونداي-اق شەكارادان ءوتۋدى جەدەلدەتۋ, ەلەكتروندىق جۇيەلەردى ەنگىزۋ, تاريفتىك كەدەرگىلەردى تومەندەتۋ ماڭىزدى» دەدى ول.
تاتيانا پروسكۋرياكوۆا ايتىپ وتكەندەي, ەكونوميكالىق ءوسۋدى تەجەيتىن نەگىزگى فاكتورلاردىڭ ءبىرى ينفراقۇرىلىم. تەك قازاقستان ەمەس ورتالىق ازيادا بۇل سەگمەنت ەسكىرە باستادى.
بيۋدجەت تاپشىلىعى, ينۆەستيتسيالاردىڭ تومەندەۋى, جوعارى بازالىق مولشەرلەمە جانە شيكىزات رەسۋرستارىنا تاۋەلدىلىك ءتۇيىندى پروبلەمالار بولىپ قالىپ وتىر.
پروسكۋرياكوۆا ورتالىق ازيا ەڭبەك ونىمدىلىگى جانە رەسۋرستاردى, ونىڭ ىشىندە سۋدى ۇتىمدى پايدالانۋ بويىنشا الەمدەگى سوڭعى ورىنداردىڭ ءبىرىن يەلەنەتىنىن اتاپ ءوتتى.
«قازىر ءوڭىر نەگىزىنەن شيكىزات پەن جۇمىس كۇشىن ەكسپورتتايدى. قازاقستان ورتالىق ازيانىڭ باسقا ەلدەرى سياقتى ءونىمنىڭ قوسىمشا قۇنىن جاساۋ ءۇشىن قايتا وڭدەۋ ونەركاسىبى مەن قىزمەت كورسەتۋ سەكتورىنا ينۆەستيتسيا سالۋى قاجەت» دەيدى ساراپشى.
