الماتى - 11 ستانساسى بار, ۇزىندىعى 13,4 كم بولاتىن مەترو جۇمىس ىستەيتىن قازاقستاننىڭ جالعىز قالاسى بولىپ تابىلادى. ەندى وسى قولدانىستاعى جەلىلەردى كەڭەيتۋ جانە باتىس جانە شىعىس باعىتتاردا مەترونىڭ ەكى تارماعىنىڭ قۇرىلىسى بويىنشا جۇمىستار جۇرگىزۋ جوسپارلانىپ وتىر.
«الماتى ءۇشىن مەتروپوليتەن جەلىلەرىن قىسقا مەرزىمدە سالۋ جوباسىن ىسكە اسىرۋ ماڭىزدى باسىمدىقتاردىڭ ءبىرى بولىپ تابىلادى. وسىعان بايلانىستى قۇرىلىس شەڭبەرىندە الەۋەتتى سەرىكتەستەردىڭ ءتىزىمىن قالىپتاستىرۋ كەزىندە ءبىز ءبىرىنشى كەزەكتە قىتايلىق كومپانيالاردىڭ, ونىڭ ىشىندە كەز كەلگەن جوبانىڭ تابىستى ءارى ساپالى ىسكە اسىرىلۋىنا سەنىم ۇيالاتاتىن CRCC كورپوراتسياسىنىڭ تاجىريبەسى مەن مۇمكىندىكتەرىن زەرتتەدىك. بۇل ءبىزدىڭ ەلدەرىمىز اراسىنداعى ساۋدا-ەكونوميكالىق بايلانىستاردى ودان ءارى نىعايتۋعا ەلەۋلى ۇلەس قوسادى», دەپ اتاپ ءوتتى ەربولات دوساەۆ.
CRCC باسقارما توراعاسى داي حەگەن ىنتىماقتاستىققا قىزىعۋشىلىق تانىتىپ, CRCC كومپانياسى قازاقستاندا جالپى سوماسى 650 ملن اقش دوللارىنا جۋىق بىرقاتار اۋقىمدى ينفراقۇرىلىمدىق جوبالاردى ىسكە اسىرىپ جاتىرعانىن اتاپ ءوتتى.
«CRCC قىتايدا الدىڭعى قاتاردا جانە ءاردايىم ىنتىماقتاستىققا اشىق. بۇگىندە بىرنەشە قىتايلىق كومپانيا الماتىدا جوبانى جۇزەگە اسىرۋعا قاتىسۋدى جوسپارلاپ وتىر جانە ءبىز تەڭ جاعدايدا باسەكەلەسۋگە نيەتتىمىز. باي تاجىريبەنىڭ ارقاسىندا ءبىز الماتىدا جوبالاردى تابىستى ىسكە اسىرا الامىز دەپ ۇمىتتەنەمىز», دەدى داي حەگەن.
ەستەرىڭىزگە سالا كەتەيىك, CRCC الەمدەگى ءىرى تەحنيكا ءوندىرۋشى, ەڭ قۋاتتى جانە اۋقىمدى حالىقارالىق قۇرىلىس كورپوراتسيالارىنىڭ ءبىرى. 2024 جىلى CRCC كورپوراتسياسى Fortune Global-500 رەيتينگىندە 43-ورىندى يەلەندى. كومپانيا قحر-دا تەمىر جولدىڭ ۇشتەن ەكى بولىگىن جانە مەتروپوليتەننىڭ بەستەن ءۇش بولىگىن سالدى. CRCC 700 بىرلىكتەن استام ۇڭعىمالىق قالقاندار پاركىنە يە. قۇراما مەتالل كونسترۋكتسياسى بولىپ تابىلاتىن وسى جوعارى تەحنولوگيالىق ماشينالار مەترو جانە باسقا دا جەراستى قۇرىلىستارىن سالۋ جونiندەگi جۇمىستاردى تيiمدi ءارi قاۋiپسiز جۇرگiزۋگە مۇمكiندiك بەرەدi.
ءبىر كۇن بۇرىن, 18 اقپاندا دوساەۆ قىتايلىق China Exim Bank بانكىنىڭ وكىلدەرىمەن كەزدەستى. بۇعان دەيىن دەپۋتاتتار مەترونى كەڭەيتۋ ءۇشىن 1 ملرد دوللار قاجەت دەگەن بولجام ايتقان بولاتىن.
