قالاداعى ن.ءجانتورين اتىنداعى تەاتردا «كورۇعلى» سپەكتاكلىنىڭ پرەمەراسى ءوتتى.
راحمەت جىراۋ مازحوجاەۆتىڭ «كورۇعلى» داستانى بويىنشا گاۋحار اداي ساحنالاعان قويىلىم اقپان ايىنىڭ سوڭعى كۇندەرىنەن باستاپ كوپشىلىك كورەرمەنگە ۇسىنىلادى.
«كورۇعلى» – تۇركى حالىقتارىنىڭ ەجەلگى اڭىزدارىنان تۋعان, ميستيكالىق تەرەڭدىككە تولى قويىلىم. كورۇعلى – قۇدايدىڭ قالاۋىمەن جەر بەتىنە جىبەرىلگەن تاڭعاجايىپ تۇلعا. ونىڭ قاسيەتتى مىندەتى – تۇركىتىلدەس حالىقتاردى شاعدات حاننىڭ قاراڭعى قۇلدىعىنان ازات ەتىپ, ازاتتىقتا ءومىر ءسۇرۋ ءۇشىن جولىن اشۋ. قازاقستاندا تۇڭعىش رەت ساحنالانعان تۇركى حالىقتارىنىڭ ەجەلگى اڭىزىنا نەگىزدەلگەن بۇل قويىلىم كورەرمەندى ادىلدىك پەن ەركىندىك جولىنداعى ۇلى كۇرەستىڭ ميستيكالىق الەمىنە جەتەلەپ, ونەرسۇيەر قاۋىمنىڭ قوشەمەتىنە يە بولدى.
اقتاۋ قالاسىنىڭ تۇركى ەلدەرىنىڭ مادەني استاناسى اتانۋى – ءارى ماقتانىش, ءارى جاۋاپكەرشىلىك. وسىعان وراي قويىلعان «كورۇعلى» سپەكتاكلى – مادەني استانا مارتەبەسىنە ساي ماڭعىستاۋلىقتار تۇساۋىن كەسكەن العاشقى ءىس-شارا.
ماڭعىستاۋ وبلىسى
