قۇمداعى قۋات كوزى بۇلتتى كۇنى دە ەنەرگيا وندىرەدى

«مۇسا» شارۋا قوجالى­عىنىڭ جەتەكشىسى تىلەگەن مۋسين قۇم ىشىندە ايگىلى گەرەفورد تۇقىمدى ءىرى قارانى وسىرۋمەن اينالىسادى. ونىڭ قىزمەتىنىڭ باس­تى فەنومەنى – اقش-تان جەتكىزىلگەن ءبىتىمى, وتى مەن سۋى بولەك تەكتى مالدى نارىن قۇمىنا جەرسىندىرە بىلۋىندە. سونىڭ ناتيجەسىندە گەرەفورد قۇمنىڭ جايىلىمىن جاتسىنباي قوڭ جيناي تۇسۋدە. مۇنداعى باستى قيىندىق – سۋ. قۇم ىشىندە وزەن, كول بولا بەرمەيدى. سوندىقتان ت.مۋسين قۇدىق قاز­دىرىپ, سۋ شىعارۋ ءۇشىن ەنەر­­گيا­ وندىرەتىن كۇن مەن جەل قالاق­شالارىن ورناتتى. ونىڭ ارقاي­­سىسى تاۋلىگىنە ەڭ تومەنگى ەسەپ­پەن 1,5 كۆت قۋات وندىرەدى. جيناقتالىپ كەلگەندە – 9 كۆت. ءبىر وتباسىنىڭ ورتاشا ەسەپپەن 3-5 كۆت تۇ­تىناتىنىن ەسكەرسەك, بۇل – جەتكى­لىكتى مولشەر. قاجەتتىلىككە قاراي 10-12 كۆت قۋات وندىرۋگە بولادى. تاق­تايشا قالاقتاردىڭ پايدالانۋ مەرزىمى 25 جىل. «جوندەپ, مايلاپ اۋرە بولمايسىڭ. تەك اندا-ساندا شاڭىن سۇرتسەڭ بولعانى», دەيدى ت.مۋسين. سونداي-اق, شارۋا قوجا­لى­عىنىڭ جەتەكشىسى «ماگلەۆ» جۇيە­سىندەگى جەل گەنەراتورى ساعاتىنا 100 ۆت قۋات بەرەتىنىن ايتتى. بۇل تۇنگى مەزگىلدە اككۋمۋليا­توردى قورەكتەندىرۋ ءۇشىن ورناتىلعان. تىلەگەننىڭ ونەرتاپقىشتىق وي-پىكىرىنەن تۇيگەنىمىز, ءبىز كۇن قۋا­تىنا باي ەكەنبىز. ءتۇننىڭ قىس­­قا­­لىعى سونشا, تاڭعى راۋان سەبەز­گىلەپ تۇسكەنشە اككۋمۋليا­تور­دا­عى جيناقتالعان توق سارقى­لىپ ۇلگەر­مەيدى. كۇن تاقتايشالارى بۇلت­تى كۇنى دە قۋات وندىرەدى. تەك بۇل عاجايىپ قوندىرعى كۇن كۇر­كىرەپ, نايزاعاي جارقىلداعان جاعدايدا عانا قۋات بەرمەيتىن كورىنەدى. ونى وندىرگەنىمەن, جۇ­مىس جاساپ تۇرعان كەزدە جاي ءتۇسىپ كەتۋ جاعدايى اسا جوعارى ەكەن. تەمىر قۇسايىن, «ەگەمەن قازاقستان». باتىس قازاقستان وبلىسى.