سۋرەتتى تۇسىرگەن – ءمولدىر سادىرعاليەۆا
شەبەرحانادا قازىردىڭ وزىندە سۇلۋلىق سالونى, «MUstore» برەندتىك كيىمدەر جەلىسى, كوپيتسەنتر, قولونەر شەبەرحاناسى جۇمىس ىستەيدى. ۋنيۆەرسيتەت ءوز ءىسىن باستايمىن دەگەن ستۋدەنت جاستارعا عيماراتتى تەگىن ۇسىنىپ وتىر. بۇل جەردە ستۋدەنتتەر ءۇشىن بارلىق قىزمەتتىڭ قۇنى نارىقتان تومەن ەكەن.
«جوبانىڭ باستى ماقساتى – ستۋدەنتتەردىڭ شىعارماشىلىق قابىلەتىن دامىتۋعا, كاسىبي بىلىممەن قاتار جاڭا داعدىلاردى يگەرۋگە مۇمكىندىك بەرەتىن الاڭ قۇرۋ. شەبەرحانا جاستار اراسىندا تاجىريبە الماسۋى مەن ىنتىماقتاستىقتى نىعايتاتىن ماڭىزدى ورتاعا اينالادى. مۇنداي جوبا ءبىزدىڭ ۋنيۆەرسيتەتتە عانا ەمەس, ءوڭىردىڭ جوو سالاسىندا تۇڭعىش رەت جۇزەگە اسىپ وتىر», دەيدى ۋنيۆەرسيتەتتىڭ پرورەكتورى گۇلجاحان قايساعاليەۆا.
شەبەرحانا جۇمىسى بارىسىندا ستۋدەنتتەر شەبەرلىك سىنىپتارىنا قاتىسىپ, ءوز باستامالارىن ىسكە اسىرىپ, يننوۆاتسيالىق جوبالارمەن اينالىسا الادى. مۇنداي ءتاسىل تۇلعانىڭ جان-جاقتى دامۋىنا, وزىنە دەگەن سەنىمدىلىك قالىپتاستىرۋعا جانە بولاشاق مامانداردى دايىنداۋعا باعىتتالعان. ۋنيۆەرسيتەت باسشىلىعى جاڭا شەبەرحانانى ءبىلىم بەرۋ ۇدەرىسىنىڭ ماڭىزدى بولىمىنە اينالدىرىپ, ستۋدەنتتەردىڭ الەۋەتىن اشۋعا ۋادە بەرىپ وتىر.
باتىس قازاقستان وبلىسى
