كىتاپتاردى ۋنيۆەرسيتەتكە عالىمنىڭ قىزى قارلىعاش تۇرسىنوۆا سىيعا تارتتى. ءىس-شارا Open Library AlmaU, «اسپانداۋ» عىلىمي-ءبىلىم بەرۋ قورى, «ادىرنا» ۇلتتىق ەتنوگرافيالىق بىرلەستىگى جانە «جولشى» فيلوسوفيالىق قوعامىنىڭ قولداۋىمەن «دالا ءىءلىمى» ءتۇركى عىلىمي سەمينارى اياسىندا ۇيىمداستىرىلدى.
كەزدەسۋدى كورنەكتى عالىم تۋرالى جىلى اڭگىمەلەر مەن ەستەلىكتەرمەن باستاعان مودەراتور,PhD, «جولشى» فيلوسوفيالىق قوعامىنىڭ توراعاسى نۇرجان ق ۇلىمجانوۆ عالىمنىڭ ءادىسناماسى ەپوستانۋ, ەتنومۋزىكولوگيا, ەتنوگرافيا, ەتنوپسيحولوگيا, فولكلورتانۋ مەنادەبيەتتانۋدىڭ دامۋىنا ايتارلىقتاي اسەر ەتكەنىن اتاپ ءوتتى.
كىتاپحانانىڭ اشىلۋىنا قاتىسقان AlmaU پرەزيدەنتى اسىلبەك قوجاحمەتوۆ «ەدىگە تۇرسىنوۆ– ءوز ءومىرىن قازاق اۋىز ادەبيەتى مەن فولكلورىن زەرتتەۋگە ارناعان كورنەكتى زەرتتەۋشى.كءىتاپحانامىز ونىڭ كوپ جىلعى ەڭبەكتەرى مەن عىلىمي ىزدەنىستەرىنىڭ ناتيجەلەرى جينالاتىن ورىنعا اينالادى. قازىرگى ۋاقىتتا AlmaU قورىنا ەدىگە تۇرسىنوۆتىڭ جەكە كىتاپحاناسىنان 915 كىتاپ كەلىپ ءتۇستى, تاعى 800-دەن استامى تىركەءلىپ جاتىر», - دەپ اتاپ ءوتسە, تاريح عىلىمدارىنىڭ دوكتورىمارات سەمبينءنىڭ ايتۋىنشا, ەلىمىز تاۋەلسىزدىك العانعا دەيىن قيىن كەزەڭدەرءدى باسىنان وتكەرگەن عالىم تاباندىلىعى مەن بىلىمگە دەگەن قۇشتارلىعىنىڭ ارقاسىندا ارتىندا مول مۇرا قالدىردى. ال وسىناۋ قۇندى ەڭبەكتەر جاستاردىڭ تاريحي جانە ادەبي دەرەككوزدەرمەن تانىسۋىنا كەڭىنەن مۇمكىندىك بەرەدى.
فيلولوگيا عىلىمدارىنىڭ كانديداتى, ءال-فارابي اتىنداعى قازاق ۇلتتىق ۋنيۆەرسيتەتىنىڭ پروفەسسورى, تۇركىتانۋشى جانە اۋدارماشى قايرات جاڭاباەۆ «ەدىگە تۇرسىنوۆ عاجايىپ وقىرمان بولدى. عىلىمي باسپادان شىققاننىڭ ءبارىن كەيىنگە قالدىرماي, قارىنداشپەن بەلگىلەر, سىن-ەسكەرتپەلەر, تولىقتىرۋلار قويىپ, بىردەن وقيتىن. ول ءوزىنىڭ كىتاپحاناسى ءۇشىن دە, بولاشاق وقىرماندارى ءۇشىن دە ەڭ جاقسى عىلىمي ادەبيەتتەردى تاڭداۋعا كاسىبي كوزقاراسپەن قارادى»دەيدى. ال فيلوسوفيا عىلىمدارىنىڭ دوكتورى, مادەنيەتتانۋشى, قۇرمانعازى اتىنداعى قازاق ۇلتتىق كونسەرۆاتورياسىنىڭ پروفەسسورى الميرا ناۋرىزباەۆا اتاپ وتكەندەي: «ەدىگە تۇرسىنوۆ قازاق فولكلورىنىڭ شىنايى بايلىق ەكەنىن تۇسىنۋگە شابىتتاندىردى. بءىز سياقتى وتكەن عاسىردىڭ 70-جىلدارى ۇرپاقتارىن مادەني مۇرانى قۇرمەتتەۋگە ۇندەدى. ول فولكلوردى زەرتتەۋدە عانا ەمەس, قازاقستاننىڭ بارلىق الەۋمەتتىك-گۋمانيتارلىق عىلىمىنىڭ ءادىسناماسىندا سەرپىلىس جاساعان عالىم».
«ول – حالىقتىڭ گەنولوگيالىق جادىن وزىنە قايتارعان عالىم. ۇلى عالىمنىڭ مۇراسى كەڭەستىك داۋىردە العاش رەت دالا تۋرالى ءبىلىم فولكلور, ميفتەر مەن ەپوستار ارقىلى زەرتتەلگەندىگىمەن ەرەكشەلەنەدى. بۇل ەجەلگى تاريح پەن ءتىلدى زەرتتەۋگە جول اشتى» دەءيدى جۋرناليست-فيلولوگ, «مىسل» قوعامدىق-ساياسي جۋرنالىنىڭ قىزمەتكەرى داستان ەلدەسوۆ. ال عالىمنىڭ زيراتىنا ەسكەرتكىش تاس ورناتۋدا باستاماشىلاردىڭ ءبىرى بولعان «ادىرنا»ۇلتتىق-ەتنوگرافيالىق بىرلەستىگىنىڭ باسشىسى ارمان اۋباكىرءدىڭ ايتۋىنشا, قالالىق كىتاپحانالاردان تابىلا بەرمەيتىن قۇندى ەڭبەكتەردى ەدىگە تۇرسىنوۆتىڭ ۇيىنەن تابۋعا بولادى.
ءىس-شارا مۋزىكالىق, تەاترلىق قويىلىمدارمەن جالعاستى. حالىق ءارتىسى سانات يساەۆ ءداستۇرلى قازاقاندەرىن ورىنداسا, ستۋدەنتتەر عالىمنىڭ ەڭبەكتەرى مەن مۇراسىنا ارنالعان تەاترلاندىرىلعان قويىلىمدار كورسەتتى.
