قوستاناي قالاسىندا از قامتىلعان جانە حالىقتىڭ الەۋمەتتىك قورعالاتىن توبىنا جاتاتىن كوپ بالالى وتباسى 2009 جىلى مەملەكەتتىك تۇرعىن ءۇي قورىنان ءۇي الۋعا كەزەككە تۇرعان.
جوعارعى سوت ءباسپاسوز قىزمەتىنىڭ حابارلاۋىنشا, كەزەككە تۇرعان ۋاقىتتا ەرلى-زايىپتىنىڭ بەس بالاسى (1 مەن 22 جاس ارالىعىندا) بولعان. ارادا 10 جىل وتكەن سوڭ, وتباسىنا قوستانايدان ءۇش بولمەلى پاتەر بەرىلگەن.
«الايدا, 3 اي وتكەننەن كەيىن قالا اكىمدىگىنىڭ تۇرعىن ءۇي قاتىناستارى ءبولىمى ءۇيدىڭ بەرىلگەنىن قاتە دەپ, الداعى ۋاقىتتا باسقا پاتەر بەرۋگە ۋادە بەرىپ, تۇرىپ جاتقان پاتەردى قايتارۋدى تالاپ ەتكەن.
2024 جىلى 5 بالانىڭ اناسىنا 2019 جىلى تۇرعىن ءۇي كەزەگىنەن وزىنە ەسكەرتپەستەن الىپ تاستاعانى بەلگىلى بولعان. ونىڭ وتىنىشىنە تۇرعىن ءۇي قاتىناستارى بولىمىنەن كەزەككە قايتا قويۋ ماسەلەسى سوت ارقىلى شەشىلۋى ءتيىس دەگەن جاۋاپ كەلگەن», دەلىنگەن حابارلامادا.
ءمااس-ى داۋدى قاراي كەلە, تۇرعىن ءۇي قاتىناستارى ءبولىمىنىڭ ءوتىنىش بەرۋشىنى كەزەككە قالپىنا كەلتىرۋدەن باس تارتۋىن زاڭسىز دەپ ساناپ, تالاپ قويۋشىنى كەزەكتەن شىعارۋ كەزىندە ءىس جۇرگىزۋ بۇزۋشىلىق راسىمدەرى انىقتالدى, ناتيجەسىندە باس تارتۋ زاڭسىز دەپ تانىلىپ, كۇشى جويىلدى.
سوت جاۋاپكەردىڭ زاڭبۇزۋشىلىقتارىنا نازار اۋدارا وتىرىپ, الداعى ۋاقىتتا وسىنداي وقيعالاردىڭ قايتالانباۋى ءۇشىن قوستاناي قالاسىنىڭ اكىمىنە جەكە ۇيعارىم شىعاردى.
شەشىم زاڭدى كۇشىنە ەنگەن جوق.
