فوتو: ەڭبەك جانە حالىقتى الەۋمەتتىك قورعاۋ مينيسترلىگى
ەڭبەك جانە حالىقتى الەۋمەتتىك قورعاۋ مينيسترلىگىنىڭ حابارلاۋىنشا, مەموراندۋمعا قر سىرتقى ىستەر ءمينيسترىنىڭ ورىنباسارى رومان ۆاسيلەنكو مەن ۇلىبريتانيانىڭ ەۋروپا, سولتۇستىك امەريكا جانە شەت ەلدەر ىستەرى جونىندەگى مەملەكەتتىك ءمينيسترى ستيۆەن داۋتي قول قويدى.
قۇجات تاراپتاردىڭ كەلەسى باعىتتار بويىنشا ىنتىماقتاستىعىن كوزدەيدى:
- ۇلىبريتانيا اۋماعىندا قازاقستان رەسپۋبليكاسىنىڭ ازاماتتارىن ۋاقىتشا جۇمىسقا ورنالاستىرۋ شارتتارى مەن راسىمدەرى تۋرالى اقپارات الماسۋ;
- قازاقستان رەسپۋبليكاسىنان ەڭبەك قىزمەتى ءۇشىن ۇلىبريتانياعا جۇمىسكەرلەردى جىبەرەتىن جەكە جۇمىسپەن قامتۋ اگەنتتىكتەرىنىڭ قىزمەتى تۋرالى اقپارات الماسۋ, سونداي-اق قابىلداۋشى مەملەكەتتىڭ زاڭناماسىنا سايكەس ولاردىڭ قىزمەتىن راستاۋ;
- قازاقستان رەسپۋبليكاسى ازاماتتارىنىڭ ۇلىبريتانيا اۋماعىنداعى ەڭبەك قىزمەتى كەزەڭىندە, ونىڭ ىشىندە تier-5 ماۋسىمدىق جۇمىس ۆيزاسى (seasonal worker visa) شەڭبەرىندە ەڭبەك جانە الەۋمەتتىك قۇقىقتارىن قامتاماسىز ەتۋگە جانە قورعاۋعا باعىتتالعان ءوزارا ىنتىماقتاستىق;
- سۇرانىسقا يە جۇمىسشى ماماندىقتارى جانە قازاقستان رەسپۋبليكاسى ازاماتتارىنىڭ قاجەتتى كاسىپتىك دايارلىعى تۋرالى اقپارات الماسۋ.
ايتا كەتەيىك, وسى مەموراندۋمعا قول قويۋ قازاقستان مەن ۇلىبريتانيا اراسىنداعى ەڭبەك قۇقىقتارىن قورعاۋ سالاسىنداعى ىنتىماقتاستىقتى نىعايتۋ جولىنداعى ماڭىزدى قادام.
