فوتو:
«قازاقستان مەن تاجىكستان اراسىنداعى جوعارى دەڭگەيدە وتكەن بىلتىرعى جىلعى كەلىسىمدەر اياسىندا ناقتى ناتيجەلەرگە قول جەتكىزىلدى. اتاپ ايتقاندا, قازاقستان اۋماعىندا كۇنباعىس تۇقىمىن وڭدەيتىن بىرلەسكەن كاسىپورىن قۇرۋ ماسەلەسى قاراستىرىلدى. وندىرىلگەن وسىمدىك مايى كەيىن تاجىكستانعا ەكسپورتتالاتىن بولادى», دەدى تاجىكستاننىڭ سىرتقى ىستەر ءمينيسترى سيرودجيددين مۋحريددين.
ەكى ەل اراسىنداعى ىنتىماقتاستىقتىڭ نەگىزگى باعىتتارىنىڭ ءبىرى – ساۋدا سالاسى. 2024 جىلى قازاقستاننىڭ استانا, پاۆلودار, شىمكەنت, كوكشەتاۋ جانە قوستاناي قالالارىندا تاجىك ونىمدەرىنىڭ كورمەلەرى ۇيىمداستىرىلىپ, بۇل ءوز كەزەگىندە ەكسپورتتىڭ وسۋىنە ىقپال ەتتى. سونداي-اق, تاجىكستاندا جەمىس-كوكونىس ونىمدەرىن ەكسپورتقا دايىنداۋ ماقساتىندا بىرلەسكەن لوگيستيكالىق ورتالىق قۇرىلادى.
تاراپتار ينۆەستيتسيالىق سالادا بەلسەندى ىنتىماقتاستىقتى جالعاستىرۋعا جانە وتاندىق كومپانيالاردىڭ قىزمەتىن قولداۋعا دايىن ەكەندىكتەرىن ءبىلدىردى. ايتا كەتەيىك, بۇگىندە تاجىكستاندا ءارتۇرلى سالادا 100-گە جۋىق قازاقستاندىق كومپانيا تابىستى جۇمىس ىستەپ جاتىر.
قازاقستان مەن تاجىكستان اراسىنداعى ءوزارا ساۋدا كولەمى 2024 جىلى 7%-عا ءوسىپ, 1,2 ميلليارد دوللارعا جەتكەن. تاراپتار بۇل كورسەتكىشتى 2 ميلليارد دوللاردان اسىرۋدى جوسپارلاپ وتىر.
