الەم چەمپيونى — يتاليا فرانتسيانىڭ سوڭىنان ىلەستى

...بۇل كۇنى بۇل ەلدە جىلاماعان ادام جوق شى­عار-اۋ. ويتكەنى, يتاليالىقتار وتە قىزۋ­قاندى حالىق. قۋانىشىنا تەرىس كەلسە, مەم­لەكەتتىڭ ساياساتىنا قاراي بەرمەيدى. 1980 جىل­عى ماسكەۋ وليمپياداسىنا كاپيتاليستىك ەلدەر­دىڭ بويكوت جاريالاعانىنا قاراماستان, پات­ريتسا وليۆا قاشىپ كەلىپ, ءبىزدىڭ سەرىك قوناق­باەۆقا تيەسىلى ءتاجدى ەلىنە الىپ كەتكەندە اۋە­جاي باسىنا ادام سىيماي قالىپتى دەيدى. پات­ري­تسا قاسقانى بۇكىل قالالارىندا كورتەجبەن الىپ ءجۇرىپ, ۇلان-اسىر توي جاساعانىن ءباسپاسوز ار­قىلى بىلگەن ەدىك. وليۆانىڭ جەڭىسىن بۇكىل­حالىقتىق تويعا اينالدىرعان ەدى يتاليالىقتار. سويتكەن حالىق سۇيىكتى قۇرا­ما­سىنىڭ, الەم چەمپيونى اتا­عى­ن­ىڭ ىستىق-سۋىعى باسىلا قوي­ماعان قۇراماسىنىڭ العاشقى سىن­دا جەر قاپقانىن كەشىرەر مە ەكەن؟! دزامبروتتا جىلاسا دا. كارى كوكجال كاننوۆارو ەكى ەتەگى جاسقا تولىپ ەڭىرەسە دە. گاتتۋزو مەن دە روسسي قولىن جۇرەگىنە قويىپ كەشىرىم سۇراسا دا. ءاي, قايدام... يتاليا قۇراماسى سلوۆاكيا قۇراماسىنان 2:3 ەسەبىمەن جە­ڭىل­دى. ۆيتەك – 25 جانە 73, دي نا­تا­لە – 81, كوپۋنەك – 89, كۆا­ليارەللا 90+2مينۋتتاردا گول سوقتى. 2006 جىلى الەم چەمپيونى اتاعىن جەڭىپ العان يتاليا قۇراماسىندا 1974 جىلدان بەرى پلەي-وفف سىنىنان وتپەي قالۋ دەگەن بولماعان. سوندىقتان, يتاليالىقتاردىڭ جەڭەتىنىنە ەشكىمنىڭ ءشۇباسى جوق ەدى. قۇر اتتاي سىدىرتىپ كەلەسى كەزەڭدە گوللاندياعا قارسى وينايدى, ونى دا جولدا قالدىرادى دەسكەندەر بولعان. ويتكەنى, ادەتتە يتاليالىق فۋتبول­شىلار چەمپيوناتتى سۇرەڭسىزدەۋ باستاپ, ۋاقىت وتە كەلە قىزاتىن. بۇل جولى يتاليا بىلگەنىنەن جاڭىلدى. ال, سلوۆاكتاردىڭ جاعدايى سول مەزگىلدە قاتار ويناعان پاراگۆاي – جاڭا زەلانديا ويىنىنا بايلانىستى ەدى. توپتان بۇزىپ-جارىپ شىعۋ يتاليالىقتار قاقپاسىنا كوبىرەك گول سوعۋعا مىندەتتەيتىن. ءبىرىنشى تايمنىڭ العاشقى مينۋتتارىنىڭ بىرىندە سلوۆاكيا قاقپاشىسى مۋكانىڭ تۇسىنان ىسقىرىپ وتكەن دوپتان كەيىن جانكۇيەرلەر يتاليالىقتار قارسىلاستارىن تاقىمعا باسىپ اكەتەردەي كورگەن. بىراق, ءبىرىنشى تايمدا ولار بۇدان وزگە قاۋىپتى ءسات تۋعىزا العان جوق. ەسەسىنە ماركەتتي قاقپاسى­نىڭ الدىندا الا شاڭ كوتەرىلىپ جاتتى. سونداي قاۋىپتى كەزەڭدەر­دىڭ بىرىندە گاتتۋزو ورنى تولماس­تاي قاتەلىك جىبەردى. ول سىرتقا تەپكەن دوپ ۆيتەكتىڭ اياعىنا ءتيدى. قۇداي قاي تۇستان نەسىبە بەرەدى دەپ قاقپا ما­ڭىن تورۋىلداپ جۇرگەن وعلان ايىپ الاڭىنان قاق­پانىڭ سول جاق بۇرىشىن شورشىتىپ ءتۇسىردى... جۋرناليستەرگە بەرگەن سۇحباتىندا يتاليا قۇ­راماسىنىڭ ەندى بۇرىنعى باس باپكەرى مار­چەللو ليپپي ءوزىن كىنالادى: “مەن بار جاۋاپ­كەرشىلىكتى ءوز موينىما الامىن. ەگەر ويىن­شى­لار وسىنداي جاۋاپتى كەزدەسۋگە جۇرەكتەرى سۋ­ىل­داپ, تىزەلەرى دىرىلدەپ شىعاتىن بولسا, باپ­كەر­دىڭ ولاردى دۇرىس دايىنداي الماعانى عوي. ياعني, بارىنە مەن كىنالىمىن”, دەدى م.ليپپي. بۇلايشا اعىنان جارىلۋدىڭ ءوزى ۇزدىك قۇرامانىڭ قان سورعالاعان جاراسىن جالاپ جازا المايتىندىعى انىق. ءسويتىپ, ەلدەرىنە باسى سالبىراپ قايتقان فرانتسۋزداردىڭ سوڭىنان يتاليالىقتار ىلەستى. ال, پاراگۆايعا جاڭا زەلانديامەن جان قيناماي تەڭ ويناسا دا كەلەسى كەزەڭگە وتۋگە جەت­كىلىكتى ەدى. سولاي بولدى. “ع” توبىندا پلەي-وف­فقا پاراگۆاي مەن سلوۆاكيا قۇرامالارى ءوتتى. “ە” توبىندا گوللانديالىقتار كەلەسى كە­زەڭ­گە بيلەتتى كۇنى بۇرىن الىپ قويعاندىقتان كا­­مەرۋنمەن ويىن اسا ماڭىزدى ەمەس ەدى. سولاي بو­لا تۇرا كەزدەسۋ 2:1 ەسەبىمەن گوللا­ن­ديا­لىق­تاردىڭ پايداسىنا شەشىلدى. ۆان پەرسيدىڭ 36-مينۋتتا سوققان گولىنا قۇرلىقتاعى ۇزدىك شا­بۋ­­ىل­شىلاردىڭ ءبىرى ەتو’و 65 مينۋتتا جاۋاپ بەرگەن. بەيبىت تارقايدى دەپ كۇتىلگەن ويىندى حيۋن­تەلەر گوللانديالىقتاردىڭ پايداسىنا شەشتى. جاپوندار مەن دانيالىقتاردىڭ جەڭگەنى كە­لەسى كەزەڭگە ءوتۋى ءتيىس بولاتىن. جاپونداردىڭ ايى وڭىنان تۋىپ تۇر ەكەن. ەۋروپانىڭ قۇراماسى وڭ-سولىن باجايلاپ, ولپى-سولپى تۇستارىن ءجون­دەيمىن دەپ جۇرگەندە, الماس قىلىشتاي جار­قىل­داعان جاپوندار ولاردىڭ قورعانىسىن سەتىنەتىپ جىبەردى. حوندا, ەندو جانە وكادزاكي سوققان گولعا توماسسون ءبىر گولمەن عانا جاۋاپ بەرە الدى. وسىلايشا جاپوندار دا كەتىپ بارا جاتقان پوي­ىز­دىڭ سوڭعى ۆاگونىنىڭ ۇزەڭگىلىگىنە اياق سالدى. باقتيار تايجان.