ونىڭ قۇرىلىسىنا ERG قۇرامىنداعى «قازحروم» تۇك» اق-ى 1,6 ملرد تەڭگەدەن استام قارجى ءبولدى. حرومتاۋ اۋدانىنىڭ 90 جىلدىعىنا, جۇمىسشى ماماندىقتارى جىلىنىڭ باستالۋىنا وراي ورتالىقتا العاشقى ءىس-شارا ءوتتى. وعان اقتوبە وبلىسىنىڭ اكىمى اسحات شاحاروۆ قاتىسىپ, زاماناۋي مادەنيەت وشاعىنىڭ ونەر مەن رۋحانياتتى ۇلىقتايتىن, جاستاردىڭ شىعارماشىلىعىن شىڭدايتىن ماڭىزدى نىسانعا اينالاتىندىعىن اتاپ ءوتتى.
مادەني-دەمالىس ورتالىعىنىڭ اشىلۋىنا «ەۋرازيالىق توپ» جشس باس ديرەكتورى سەرىك شاحاجانوۆ تا قاتىستى. ونىڭ ايتۋىنشا, بىرنەشە جىل بۇرىن ERG باسشىلىعىمەن كەزدەسۋلەردىڭ بىرىندە ءدوڭ كەن بايىتۋ كومبيناتىنىڭ قىزمەتكەرلەرى حرومتاۋدا زاماناۋي كينوزال اشۋ تۋرالى ۇسىنىس كوتەرگەن. ويتكەنى قالا تۇرعىندارى كينو كورۋ ءۇشىن وبلىس ورتالىعىنا قاتىناپ جۇرگەن.
«كومپانيا جايلى ەڭبەك جاعدايلارىنا عانا ەمەس, قىزمەتكەرلەرىمىزدىڭ دەمالىسىن ۇيىمداستىرۋعا دا ەرەكشە كوڭىل بولەدى. شاحتەرلەر مەن كەنشىلەر قالاسى ۇزدىكسىز ءوسىپ كەلەدى. ەڭبەككەرلەرىمىز بەن حرومتاۋ قالاسى تۇرعىندارىنىڭ ساۋالدارىنا سۇيەنە وتىرىپ جۇزەگە اسىرىلاتىن بارلىق جوبا ادام ءومىرىن جاقسارتادى دەپ ويلايمىز», دەدى س.شاحاجانوۆ.
حرومتاۋ قالاسىنداعى №5 مەكتەپ-گيمنازياسىندا يننوۆاتسيالىق قۇرىلعىلارمەن جۇمىس ىستەيتىن, روبوتتەحنيكاعا ارنالعان «Codi Play», STEM كابينەتتەرى جاساقتالعان. بۇل بالالارعا ويىن ارقىلى باعدارلامالاۋ مەن IoT (ينتەرنەت زاتتار) تەحنولوگيالارىن مەڭگەرۋگە, سونداي-اق ينجەنەرلىك ويلاۋ, لوگيكالىق شەشىمدەر قابىلداۋ, زاماناۋي تەحنولوگيالاردى قولدانۋعا مۇمكىندىك بەرەدى. ءوڭىر باسشىسى وسى گيمنازيادا ERG كومپانياسىنىڭ دەمەۋشىلىگىمەن جابدىقتالعان يننوۆاتسيالىق STEM كابينەتىمەن تانىستى. وتكەن جىلى ERG 179,5 ملن تەڭگە ينۆەستيتسيا ءبولىپ, وسى قاراجاتقا №5 مەكتەپ-گيمنازياسىنىڭ وقۋ كابينەتتەرىنە ينتەراكتيۆتى تاقتالار ورناتىلدى, اسحاناسى جاڭارتىلدى, ءماجىلىس, سپورت زالدارى قاجەتتى جابدىقتارمەن تولىقتى.
وبلىس اكىمىنە ERG جەل ەلەكتر ستانساسى دا تانىستىرىلدى. 2024 جىلدىڭ سوڭىندا ارقايسىسىنىڭ قۋاتى 6,25 مۆت بولاتىن ەكى جەل گەنەراتورى ىسكە قوسىلىپ, ءدوڭ كەن بايىتۋ كومبيناتىنا قۋات تارتا باستادى. بۇل – قازىرگى ۋاقىتتا ەلىمىزدە جۇمىس ىستەپ تۇرعان ەڭ قۋاتتى جەل گەنەراتورلارى. «حرومتاۋ» جەس قۇرىلىسىنا 74 ملرد تەڭگە ينۆەستيتسيا جۇمسالدى. بيىل جىل سوڭىندا بارلىق گەنەراتور ىسكە قوسىلادى دەپ جوسپارلانعان. سول كەزدە حرومتاۋدان جىلىنا 460 ملن كۆت/ساع ەلەكتر قۋاتى وندىرىلەدى. بالامالى «جاسىل ەنەرگيا» كوزىنىڭ قوسىلۋى كومىرتەكتىك قۋات وندىرگەندە اتموسفەراعا شىعارىلاتىن 440 مىڭ توننا كومىرقىشقىل گازى مەن 4 مىڭ توننادان استام لاستاۋشى زات شىعارىلىمدارىن جويۋعا مۇمكىندىك بەرەدى.
ERG عىلىمي-زەرتتەۋ ينجينيرينگ ورتالىعىنىڭ جاڭا زەرتحاناسى تانىستىرىلدى. بۇل جەردە وندىرىستىك قالدىقتاردى قايتا وڭدەۋ ادىستەرى جەتىلدىرىلىپ, تەرەڭ زەرتحانالىق تالداۋلار جۇرگىزىلەدى. وسى جاعىنان كومپانيا باسشىلىعى تاراپىنان تابيعات قورعاۋ جۇيەسىن جەتىلدىرۋ, قورشاعان ورتانى لاستاۋدى ازايتۋ, قالدىقتاردى تەرەڭ وڭدەۋ ادىستەرىنە ەرەكشە ءمان بەرىلىپ جاتىر.
ەكى اپتا بۇرىن اقتوبە وبلىسى اكىمدىگى مەن Eurasian Resources Group (ERG) اراسىنداعى جىل سايىنعى ءداستۇرلى مەموراندۋمعا قول قويىلدى. وسى قۇجات نەگىزىندە حرومتاۋ قالاسىندا 800 ملن تەڭگەگە جابىق ءجۇزۋ باسسەينى سالىنادى. باسسەين قۇرىلىسىنا قاجەت قارجىنىڭ جارتىسىن ERG بيىل بولەدى.
«ERG قىزمەتىن باستاعالى توپ كاسىپورىندارى ورنالاسقان وڭىرلەر تۇرعىندارىنىڭ تۇرمىس-تىرشىلىگىن جاقسارتۋعا باسىمدىق بەرىپ, كوپتەگەن تۇرعىن ءۇي, مەكتەپ, سپورت, مادەنيەت ورتالىقتارىن سالدى. بۇل جۇمىس الداعى ۋاقىتتا دا جالعاسا بەرەدى. بيىل كاسىپورىندارىمىز ورنالاسقان قالا تۇرعىندارىنىڭ ۇسىنىسىن ەسكەرە وتىرىپ, ءوڭىر باسشىلارىمەن بىرگە ءبىلىم سالاسى مەن سپورتتى دامىتۋعا ءمان بەرەمىز», دەيدى ERG ديرەكتورلار كەڭەسىنىڭ توراعاسى شۋحرات يبراگيموۆ.
اقتوبە وبلىسى
